San Juan 1:27 - Xochapa Mixteco

²⁷ Ta ra ikán ku ra vaxi sata i, ta xa xiꞌna ka vi ra ikán íyo nuu yeꞌe yakan chee ni ra nuu i. Ta nda ni iin correa loꞌo sata nduxan ra köo kúu mií i ichí ndaxin i xaꞌa ya ndee ni ra ―káchi ra Juan xiꞌin nda.

San Juan 1:27 Iomraidhean Croise

San Mateo 3:11

Yeꞌe, ta síkuchi i ndóꞌo̱ xiꞌin tikuii, ya sínaꞌa ndo mií ndo nuu naꞌa ya ndi̱nama ndo kuꞌva íyo ndo. Sundi íyo inka ra vaxi sindiꞌi, ta ndee ni ra ikán nuu yeꞌe. Ra ikán ku ra sikuchi ndóꞌo̱ xiꞌin Tachi I̱í Ndioxi xiꞌin ñu̱ꞌu̱ ya xíxi. Xaꞌa ya ndee ni ra ta nda nduxan ra küvi loꞌo kundiso i.

San Marcos 1:7

Ta káꞌan ra xaꞌa Jesús xiꞌin na, káchi ra saa: ―Sata yeꞌe vaxi inka taa, ra ndee ni nuu i, xaꞌa ya kaꞌnu ni ra nuu i, ta nda sata nduxan ra küvi kuyati i ndaxín i chi yáꞌa ni chee ra nuu i.

San Lucas 3:16

Ta saa ndi̱kaꞌan ra xiꞌin na, káchi ra saa: ―Süvi yeꞌe ku i. Ya ndaa kua síkuchi i ndóꞌo̱ xiꞌin tikuii, sundi süvi yeꞌe ku i sikaku ndóꞌo̱. Vaxi iin ra, ta ra ikán ku ra chee ni nuu i, ta nda sata nduxa ra küvi kuyati i ndaxin i chi yáꞌa ni chee ra nuu i. Ra ikán ku ra sikuchi ndóꞌo̱ xiꞌin Tachi I̱í Ndioxi xiꞌin ñu̱ꞌu̱ xíxi.

San Juan 1:15

Ta ra Juan ku ra ndíkuiin xaꞌa ra ikán, chi ra ikán ku taa, ra kúu tuꞌun Ndioxi. Ndee ni ndi̱kaꞌan ra Juan káchi ra saa: ―Ra yóꞌó ku taa ra ndi̱kaꞌan i xaꞌa xiꞌin ndo yachi, ka̱chi i saa: Ra vaxi sata i, ta chee ni ka ra ikán nuu i chi xa yachi vi íyo ra ―káchi ra Juan.

San Juan 1:30

Xaꞌa ra káa kua ndi̱kaꞌan i xiꞌin ndo, ka̱chi i saa: “Vaxi iin ra sata i, ta ndee ni ka ra ikán nuu i, chi tá ka̱ku i ta xa xiꞌna vi ra íyo nuu i”, ka̱chi i xiꞌin ndo.

San Juan 10:41

Ta kuaꞌa ni naꞌa kuaꞌan nuu ra, ta káꞌan xiꞌin taꞌan na, káchi na saa: ―Ya ndixa kua ra Juan, ta nda iin yatuꞌun Ndioxi köo ndi̱kan ra, sundi ndiꞌi ya ndi̱kaꞌan ra xaꞌa ra yóꞌó, ta ya ndaa kua ―káchi na.

Los Hechos 13:25

Tá xi̱ni ra Juan xa̱á kuaꞌan kúyati sindiꞌi ra chiñu ra, ta ndi̱kaꞌan ra, káchi ra saa: “Va yeꞌe ku ra ti̱ꞌvi Ndioxi vaxi sikaku na ñuu ivi yóꞌó, káꞌán ndo, ta süvi yeꞌe ku i. Sata yeꞌe ndíkun ra vaxi sikaku yoo ta ndee ni ra ikán nuu yeꞌe. Ta yeꞌe ni̱nu̱ ni kúni i nuu ra, ni iin correa loꞌo sata nduxan ra köo kúu mií i ichí ndaxin i”, káchi ra Juan xiꞌin na ―káchi ra Pablo xiꞌin na ñuu Antioquía ikán. Saa ndi̱kaꞌan ka ra xiꞌin na, káchi ra saa:

Los Hechos 19:4

Saa ndi̱kaꞌan ra xiꞌin nda, káchi ra saa: ―Ya ndaa kua si̱kuchi ra Juan naꞌa, na ndi̱ko koo ini xaꞌa kuachi na. Saa ndi̱kaꞌan tu ra xiꞌin na ya xíniñuꞌu na kandixa na Jesús, ra kixi sata mií ra Juan tá sindiꞌi, ta ra ikán kúu Cristo, ra ti̱ꞌvi Ndioxi ki̱xi ―káchi ra Pablo xiꞌin nda.