San Juan 1:23 - Xochapa Mixteco

²³ Saa ndi̱kuiin ra káꞌan ra: ―Yeꞌe ku ra ti̱ꞌvi Ndioxi vaxi i xíka i káꞌan i iku yuyu káchi i saa: “Xaa vií ndo nima ndo nuu Ndioxi”. Tá kuꞌva íyo ya ta̱a ra Isaías ra ndi̱kaꞌan ndoso tuꞌun yuꞌu Ndioxi xinaꞌa ―káchi ra Juan xiꞌin nda.

San Juan 1:23 Iomraidhean Croise

San Mateo 3:3

Xaꞌa ra Juan kua ta̱a ra ndi̱kaꞌan ndoso tuꞌun yuꞌu Ndioxi, ra Isaías, káchi ra saa: Nuu íyo iku yuyu kuꞌun ra kaꞌan ndoso ra, kachi ra saa: “Ná koo tuꞌva ndo ta yachi ka ndasa vií ndo nima ndo, saa chi xa xa̱a mií ra kaꞌnu nuu yo. Kindaa ndo ya väꞌa sási ndóꞌo̱, ta saa kuchiñu ndo ndikiꞌin ndo ra”, kachi ra koo iku yuyu ikán. Saa káchi tuꞌun Ndioxi ya ta̱a ra Isaías ra ndi̱kaꞌan ndoso tuꞌun yuꞌu Ndioxi xinaꞌa.

San Marcos 1:3

Ta nuu íyo iku yuyu kaka ra kaꞌan ra, kachi ra saa: ‘‘Yachi ka, tá täꞌan kixi ra chee nuu yo, ta ná koo tuꞌva nima ndo nuu ra. Tá kuꞌva íkan na xáa vií na ichí kivi xáa iin ra chee nuu na, saa ikan ndo, xaa vií ndo ini ndo, ta saa ndundaku ini ndo”, káchi tuꞌun Ndioxi ya ta̱a ra Isaías.

San Juan 1:22

―Tá tu saa, ta ¿unku yóꞌo̱?, saa chi ndeꞌe ta xíniñuꞌu nde kundaa ini nde, ta saa ndituꞌun nde xiꞌin na ti̱ꞌvi ndeꞌe vaxi nde. ¿Unkua káchi un xaꞌa un? ―káchi nda xiꞌin ra.

San Juan 1:24

Ta nda fariseo ku nda ti̱ꞌvi nda ikán ndi̱xaꞌan nda nuu ra Juan.

San Juan 3:28

Xa xi̱ni soꞌo vaꞌa mií ndo tá ndi̱kaꞌan i xiꞌin ndo, “Süvi yeꞌe ku Cristo’’, takua ti̱ꞌvi Ndioxi yeꞌe ínuu i nuu ra vaxi i ndituꞌun i xiꞌin naꞌa ya koo tuꞌva na ndikiꞌin na ra.