San Juan 1:18 - Xochapa Mixteco

¹⁸ Nda iin mituꞌun naꞌa täꞌan kuni xiꞌin nuu Ndioxi. Iindaa Jesucristo Seꞌe Ndioxi, ra iin mituꞌun nuu ra, ra íyo xiꞌin ra, ra ikán ku ra xíni vaꞌa Ndioxi, ta ra ikán ku ra sínaꞌa yoo ndá kuꞌva káa Ndioxi.

San Juan 1:18 Iomraidhean Croise

San Mateo 11:27

Saa ndi̱kaꞌan ka Jesús xiꞌin na, káchi ra saa: ―Iva i Ndioxi ta̱xi ndiꞌi ra ya vaꞌa ndaꞌa i. Ta nda iin naꞌa köo xíni yeꞌe, ra kúu seꞌe Ndioxi, iindaa mií Ndioxi ku ra xíni vaꞌa yeꞌe. Ta nda iin naꞌa köo xíni Iva i tá kuꞌva xíni yeꞌe ra, saa tu na ndi̱kaxin i taxi i kuni vaꞌa na ini ra.

San Lucas 10:22

Ta saa ndi̱kaꞌan ka ra káchi ra saa: ―Iva i Ndioxi ta ta̱xi ra ichí ndaꞌa i xaꞌa ndiꞌi ñaꞌa. Ta nda iin naꞌa köo xíni ini yeꞌe ra kúu Seꞌe Ndioxi, iindaa mií Iva i Ndioxi ku ra xíni ini i, ta ni ini Iva i Ndioxi köo xíni na, iindaa yeꞌe ku Seꞌe ra ku i xíni ini ra, saa sínaꞌa i ra nuu na kúni mií i kuni taꞌan xiꞌin ra ―káchi Jesús.

San Juan 1:14

Ta Tuꞌun Ndioxi ikán, ndu̱u ya iin taa, tá íin mií yo saa ndu̱u ra, ta ndi̱xika ra xiꞌin nde ñuu ivi yóꞌó. Ta xi̱ni nde ya vaꞌa luvi ni kúu mií ra. Ta mií ya luvi ni kúu mií Ndioxi kua kúu mií ra, chi iindaa mií ra ku Seꞌe Ndioxi. Iin chútu ndaa ya vaꞌa, ya ndaa ini ra.

San Juan 12:41

Soꞌva ndi̱kaꞌan ra Isaías xaꞌa Jesús xinaꞌa, chi xi̱ni xiꞌin nuu ra ya ndee ni vaꞌa luvi kúu mií Jesús.

San Juan 13:23

Ta iin ra ítaꞌan xiꞌin Jesús ku ra kúꞌvi ni ini ra xíni ñaꞌa ra, ta yati índuꞌu ndaa ra xiín Jesús.

San Juan 14:9

Saa ndi̱kuiin Jesús káꞌan ra: ―Felipe, xa naꞌá ni íyo i xiꞌin ndo ta, ¿án täꞌan kundaa ini un unku i? Na xíto xiꞌin nuu yeꞌe, ta xíto xiꞌin nuu tu na Iva va i. ¿Ta ndachu káꞌan un xiꞌin i sinaꞌa i ra nuu ndo?

San Juan 17:26

Ta xa si̱naꞌa i na yóꞌó xaꞌa ndee kúu mií kivi un saa sinaꞌa ka i na. Íkan i saa ya ná koo ni ya kúꞌvi ini un xiꞌin na, tá kuꞌva kúꞌvi ni ini un xíni un yeꞌe, saa íkan tu yeꞌe va xiꞌin na, koo i xiꞌin na ―káchi Jesús ndi̱kaꞌan ra xiꞌin Ndioxi.

San Juan 17:6

’Ivi na ndi̱kaxin un ta̱xi un ndaꞌa i ta si̱naꞌa i yóꞌo̱ nuu na. Na ndíkun yóꞌo̱ ku na, ta ta̱xi un na ndaꞌa i. Ta xáa súvi ndiꞌi na tuꞌun un ya ndi̱kaꞌan i xiꞌin na.

San Juan 3:11

Ya ndaa káꞌan i xiꞌin un, ndeꞌe ta káꞌan nde xaꞌa ya xíni̱ nde xiꞌin ya xíni xiꞌin nuu nde. Ya yóꞌó kua ndíkuiin nde xaꞌa káꞌan nde xiꞌin ndo. Ta köo xíin ndo kandixa ndo ya káꞌan nde xiꞌin ndo.

San Juan 6:46

’Köo naꞌa ndi̱xini xiꞌin nuu Ndioxi, iindaa mituꞌun mií ra ke̱e nuu ra ku ra xi̱ni ñaꞌa.

2 Corintios 4:4

Saa ndóꞌo na chi kiti nǎꞌa kúu ndioxi ñuu ivi yóꞌó ku ri ndi̱kasi ya xínituni na ya ná kändixa na tuꞌun vaꞌa xaꞌa Jesucristo ya káꞌan nde xiꞌin na, ta na ikán, tá íin na kuáa̱ saa íin na. Chi köo táxi ri kuni na ya yéꞌe̱ luvi ni kúu mií tuꞌun vaꞌa xaꞌa Jesucristo. Chi mií Jesucristo, tá káa níí mií Ndioxi saa káa ra.

Colosenses 1:15

Nda iin naꞌa küvi kuni xiꞌin nuu Ndioxi, sundi na xíni Cristo ku na xíni Ndioxi, chi iin ku Cristo xiꞌin Ndioxi. Nda tá yachi ka, tá täꞌan xikoo xaꞌa ñuu ivi yóꞌó, ta xa íyo va ra, chi mií ra ku ra chee ni xáꞌnda chiñu nuu ndiꞌi ni kúu ñaꞌa ya íyo.

1 Timoteo 1:17

Xaꞌa ya ikán kua, ¡ná xaa kaꞌnu ni yo Ndioxi, ná xaa toꞌo ni yo ra! ¡Chi nda xi̱naꞌa táku ra ta saa kutaku ra ndiꞌi saa kivi ya vaxi, nda iin yo köo kúchiñu kuni xiꞌin nuu yo ra, ta mií ra ku ra xáꞌnda chiñu nuu ndiꞌi ni kúu yo! ¡Iindaa mií ra ku Ndioxi ra ndaa ni, ra ndíchi ni! ¡Saa ná koo ya!

1 Timoteo 6:16

Ta iin mituꞌun mií Ndioxi ku ra táku ndiꞌi saa kivi, köo xíꞌi ra yáꞌa ni vi yéꞌe̱ nuu íyo ra, yakan nda iin na köo kúchiñu kuyati nuu ra. Ta nda iin naꞌa täꞌan kuni xiꞌin nuu na ra, ta ni küvi kuni na ra. Ná ndikiꞌin ni ra ikán ya toꞌo, ta saa ná xaa kaꞌnu ni ndiꞌi naꞌa ra, saa chi yáꞌa ni ndee kúu mií ra, ta ndiꞌi saa kivi kuu mií ra ya! Saa ná koo.

1 Juan 4:12

Nda iin naꞌa köo ndi̱xini xiꞌin nuu Ndioxi. Sundi tá tu kúꞌvi ini yo xíni taꞌan yo, ta kúni kachi ya ítaꞌan vaꞌa Ndioxi xiꞌin yo. Ta saa kuchiñu yo kuꞌvi ini yo tá kuꞌva kúꞌvi ini mií ra xíni ra yoo.

1 Juan 4:20

Tá tu ndá na káꞌan: “Kúꞌvi ni ini i xíni i Ndioxi”, káchi na, ta kúndasi nuu na xíni na ñani taꞌan na, ta na ñaa ta na vata ku na. Saa chi tá tu köo kúꞌvi ini na xíni na ñani taꞌan na, na xíto na nuu, ta küvi kuꞌvi ini na kuni na Ndioxi, ra täꞌan kuni na.

1 Juan 4:9

Ta soꞌva kua si̱naꞌa Ndioxi yoo ya kúꞌvi ni ini ra xíni ra yoo, saa chi ti̱ꞌvi ra Seꞌe mani ra, ra iindaa mituꞌun nuu ra, ki̱xi ra taxi ra kutaku yo tixin ra.

1 Juan 5:20

Xíni tu yo ya ki̱xi Jesús Seꞌe Ndioxi ñuu ivi yóꞌó ta ta̱xi ra ya xínituni yo ya kundaa vaꞌa ini yo xaꞌa Ndioxi, ra ndaa. Ta iin yuꞌu ku yo xiꞌin Seꞌe ra, ra kúu Jesucristo, ra ndaa. Saa chi Jesucristo ku Ndioxi ra ndaa, ra táxi ichí ya kutaku yo xiꞌin Ndioxi ndiꞌi saa tiempo.