San Juan 1:15 - Xochapa Mixteco

¹⁵ Ta ra Juan ku ra ndíkuiin xaꞌa ra ikán, chi ra ikán ku taa, ra kúu tuꞌun Ndioxi. Ndee ni ndi̱kaꞌan ra Juan káchi ra saa: ―Ra yóꞌó ku taa ra ndi̱kaꞌan i xaꞌa xiꞌin ndo yachi, ka̱chi i saa: Ra vaxi sata i, ta chee ni ka ra ikán nuu i chi xa yachi vi íyo ra ―káchi ra Juan.

San Juan 1:15 Iomraidhean Croise

San Mateo 3:11

Yeꞌe, ta síkuchi i ndóꞌo̱ xiꞌin tikuii, ya sínaꞌa ndo mií ndo nuu naꞌa ya ndi̱nama ndo kuꞌva íyo ndo. Sundi íyo inka ra vaxi sindiꞌi, ta ndee ni ra ikán nuu yeꞌe. Ra ikán ku ra sikuchi ndóꞌo̱ xiꞌin Tachi I̱í Ndioxi xiꞌin ñu̱ꞌu̱ ya xíxi. Xaꞌa ya ndee ni ra ta nda nduxan ra küvi loꞌo kundiso i.

San Marcos 1:7

Ta káꞌan ra xaꞌa Jesús xiꞌin na, káchi ra saa: ―Sata yeꞌe vaxi inka taa, ra ndee ni nuu i, xaꞌa ya kaꞌnu ni ra nuu i, ta nda sata nduxan ra küvi kuyati i ndaxín i chi yáꞌa ni chee ra nuu i.

San Lucas 3:16

Ta saa ndi̱kaꞌan ra xiꞌin na, káchi ra saa: ―Süvi yeꞌe ku i. Ya ndaa kua síkuchi i ndóꞌo̱ xiꞌin tikuii, sundi süvi yeꞌe ku i sikaku ndóꞌo̱. Vaxi iin ra, ta ra ikán ku ra chee ni nuu i, ta nda sata nduxa ra küvi kuyati i ndaxin i chi yáꞌa ni chee ra nuu i. Ra ikán ku ra sikuchi ndóꞌo̱ xiꞌin Tachi I̱í Ndioxi xiꞌin ñu̱ꞌu̱ xíxi.

San Juan 1:27

Ta ra ikán ku ra vaxi sata i, ta xa xiꞌna ka vi ra ikán íyo nuu yeꞌe yakan chee ni ra nuu i. Ta nda ni iin correa loꞌo sata nduxan ra köo kúu mií i ichí ndaxin i xaꞌa ya ndee ni ra ―káchi ra Juan xiꞌin nda.

San Juan 17:5

Tata Iva i Ndioxi, vitin xaa kaꞌnu un yeꞌe, taxi un koo i xiín un nuu luvi ni ndi̱xiyo i xiꞌin un yachi tá täꞌan xikoo ñuu ivi yóꞌó.

San Juan 8:58

Saa ndi̱kuiin Jesús káꞌan ra, káchi ra saa: ―Ya ndaa ni káꞌan i xiꞌin ndo, tá täꞌan ka vi koo ra Abraham, ta yeꞌe ta xa íyo va i ―káchi ra xiꞌin nda.

Colosenses 1:17

Xa yachi ka tá täꞌan ka xikoo ñuu ivi yóꞌó ta xa íyo va mií ra, ta iin saa nda vitin xáa chiñu ndiꞌi ya si̱kuaꞌa ra ñuu ivi yóꞌó, chi mií ra ku ra íkan saa ya vaꞌa xáa chiñu ndiꞌi ni kúu ñaꞌa si̱kuaꞌa ra.

HEBREOS 13:8

Chi Jesucristo, ta köo ndísama ra, tá ndi̱xiyo ra xinaꞌa saa íyo ra vitin, ta saa koo ra ndiꞌi saa kivi ya vaxi.

El Apocalipsis 1:11

―Yeꞌe ku i náni “Alfa tin Omega”, chi tuꞌun yóꞌó kúni kachi ya, yeꞌe ku ra táku nda kivi núnu̱ú, ta táku i vitin ta saa kutaku i iin saa nda kivi sindiꞌi. Ta vitin xíniñuꞌu un taa un nuu tutu ya sinaꞌa i nuu un kuni un. Ta ya taa un ñaa, ta tiꞌvi un ya ná kuꞌun ya ndaꞌa uxa ñuu nuu ndóo na kándixa yeꞌe. Uxa ñuu yóꞌó kua ñúꞌu estado Asia, ya náni Éfeso xiꞌin Esmirna tin Pérgamo xiꞌin Tiatira tin Sardis xiꞌin Filadelfia tin Laodicea ―káchi tachi ra ya xi̱ni soꞌo i.

El Apocalipsis 2:8

Saa ndi̱kaꞌan tuku ra xiꞌin i, káchi ra saa: ―Taa un tuꞌun yóꞌó ya ná kuꞌun ya ndaꞌa tatun Ndioxi ya ndáa naꞌa, na kándixa yeꞌe, nuu ndíkitaꞌan na xáa kaꞌnu na Ndioxi ñuu Esmirna. Ta yeꞌe káꞌan i xiꞌin na ikán, káchi i saa: Yeꞌe, ta táku i nda kivi núnu̱ú iin saa kutaku i nda kivi sindiꞌi. Yeꞌe kúu ra ndi̱xiꞌi ta ndi̱taku i, táku i vitin.