San Juan 1:14 - Xochapa Mixteco

¹⁴ Ta Tuꞌun Ndioxi ikán, ndu̱u ya iin taa, tá íin mií yo saa ndu̱u ra, ta ndi̱xika ra xiꞌin nde ñuu ivi yóꞌó. Ta xi̱ni nde ya vaꞌa luvi ni kúu mií ra. Ta mií ya luvi ni kúu mií Ndioxi kua kúu mií ra, chi iindaa mií ra ku Seꞌe Ndioxi. Iin chútu ndaa ya vaꞌa, ya ndaa ini ra.

San Juan 1:14 Iomraidhean Croise

San Mateo 1:16

Ta ra Jacob ku ra xi̱kuu iva ra José, ra ndi̱xiyo ií yá María, yá ndi̱xiyo siꞌí Jesús, ra kúu Cristo.

San Lucas 2:11

Kivi vitin ka̱ku iin ra loꞌo sikaku ndóꞌo̱ ñuu ra rey David, ta ra ikán ku Cristo ra ndi̱kaxin Ndioxi kaꞌnda chiñu nuu na ñuu ivi.

San Lucas 2:7

Ta köo ndi̱niꞌi na veꞌe nuu kundoo na, saa chi xa chútu ni veꞌe nuu kíxi na xíka ichí, yakan ndá nuu kíxi kiti ndi̱xaꞌan na ndi̱kixi na, ta ikán ka̱ku ya loꞌo seꞌe yá ra núnu̱ú, taa loꞌo ku ra ka̱ku, saa su̱vi yá ra xiꞌin iin tikoto ta chi̱nduꞌu yá ra kíxi ra nuu ñúꞌu ñaꞌa xíxi kiti.

San Lucas 9:32

Ta ra Pedro xiꞌin nda taꞌan ra ndixa loꞌo kúni kusun nda ndóo nda, ta köo ndi̱kixi nda, yakan vaꞌa xi̱ni nda yéꞌe̱ ndaa ya yéꞌe̱ Ndioxi nuu ndi̱tuvi ra Moisés xiꞌin ra Elías káꞌan nda xiꞌin Jesús.

San Juan 1:1

Tá täꞌan xi̱koo ñuu ivi yóꞌó, ta xa íyo va ra kúu tuꞌun Ndioxi, ta ra kúu tuꞌun Ndioxi ikán xa íyo va ra xiꞌin Ndioxi tá yachi, ta suvi mií ra kúu tuꞌun ikán ku ra kúu Ndioxi.

San Juan 11:40

Saa ndi̱kaꞌan Jesús xiꞌin yá, káchi ra saa: ―¿Án su xa ndi̱kaꞌan i xiꞌin un, tá tu kándixa un, ta kuni un ya vaꞌa ikan Ndioxi, káchi i xiꞌin un? ―káchi ra xiꞌin yá.

San Juan 14:6

Saa ndi̱kuiin Jesús ndi̱kaꞌan ra xiꞌin ra, káchi ra saa: ―Yeꞌe ku ra ku ichí, ta yeꞌe ku mií ya ndaa, yeꞌe ku ra táxi kutaku na. Nda iin na küvi kuꞌun nuu Iva i, tá tu süvi xiꞌna nuu yeꞌe vaxi na.

San Juan 14:9

Saa ndi̱kuiin Jesús káꞌan ra: ―Felipe, xa naꞌá ni íyo i xiꞌin ndo ta, ¿án täꞌan kundaa ini un unku i? Na xíto xiꞌin nuu yeꞌe, ta xíto xiꞌin nuu tu na Iva va i. ¿Ta ndachu káꞌan un xiꞌin i sinaꞌa i ra nuu ndo?

San Juan 17:22

Ya vaꞌa ni ta̱xi un un ndaꞌa i kua ta̱xi i ndaꞌa na ya ná kuu na iin yuꞌu xiꞌin yo, tá kuꞌva íyo mií yo xiꞌin taꞌan yo iin yuꞌu ku yo xiꞌin taꞌan yo.

San Juan 17:24

’Tata Iva yo, na ta̱xi un ndaꞌa i ndíkun yeꞌe, ta kúni i ná koo na xiꞌin i nuu ndivi nuu koo i. Saa kuni na ndiꞌi ya vaꞌa, ya luvi ta̱xi un ndaꞌa i, saa chi yóꞌo̱ ta kúꞌvi ni ini un xíni un yeꞌe, nda tá täꞌan xikoo xaꞌa ñuu ivi yóꞌó vi kúꞌvi ni ini un xíni un yeꞌe.

San Juan 18:37

Saa ndi̱kuiin ra Pilato káchi ra saa: ―¿Án saa va, án rey ku ndixa un? ―káchi ra xiꞌin ra. Saa ndi̱kuiin Jesús káꞌan ra, káchi ra saa: ―Ya ndixa kua, saa ndixa íyo va ya. Xaꞌa ya ñaa kua ka̱ku i xa̱a i ñuu ivi yóꞌó ya ndikuiin i kaꞌan i nina ya ndaa. Ta ndiꞌi na ndíkun ya ndaa, na ñaa ku na kándixa ya káꞌan i ―káchi Jesús.

San Juan 2:11

Yatuꞌun yóꞌó ku ya núnu̱ú i̱kan Jesús ñuu Caná, estado Galilea. Xaꞌa ya i̱kan ra ya yóꞌó ta si̱naꞌa ra naꞌa ya ndee ni ndee kúu mií ra. Ta ka̱ndixa ñaꞌa nda ítaꞌan xiꞌin ra.

San Juan 3:16

’Saa chi yáꞌa ni kúꞌvi ini Ndioxi xíni ra na ñuu ivi, xaꞌa ya ikán kua ta̱xi ra Seꞌe ra, ra iindaa mituꞌun nuu ra, yakan ndiꞌi na kándixa ra ta ndïꞌi xaꞌa na, sundi taxi ra kutaku na xiꞌin ra ndiꞌi saa kivi.

San Juan 3:18

’Ta ndiꞌi na kándixa Seꞌe Ndioxi ta küꞌun na nuu ndoꞌo ni na, sundi na köo xíin kandixa Seꞌe ra ta xa chi̱tuni Ndioxi ndiꞌi xaꞌa na, chi xïin na kandixa na kivi Seꞌe Ndioxi, ra iindaa mituꞌun nuu ra.

San Juan 6:51

Mií yeꞌe ku xita vaꞌa ya táku ya nùù nuu ndivi, ndiꞌi na xíxi xita vaꞌa yóꞌó ta nda iin ichí ndïꞌi xaꞌa na. Ta xita vaꞌa ya táxi i ndaꞌa na ku ikin kuñu i, ya soko i xaꞌa ndiꞌi na ñuu ivi yóꞌó ya kutaku na ―káchi Jesús xiꞌin na.

San Juan 8:32

Ta saa kundaa vaꞌa ini ndo xaꞌa ya ndaa, ta ya ndaa yóꞌó kua taxi ichí ndaꞌa ndo saña ndíka ndo ―káchi ra xiꞌin na.

Los Hechos 13:33

ta xiꞌin yoo kúu seꞌe sikua na ikán kua si̱xinu ra ya ndi̱kaꞌan ra xiꞌin na, chi si̱taku ra Jesús, tá káchi ya íyo nuu tutu salmo ya uvi ya ta̱a iin ra ndi̱kaꞌan ndoso tuꞌun yuꞌu Ndioxi xinaꞌa, káchi ya saa: “Yóꞌo̱ ku seꞌe i, ta kivi vitin xiꞌin ndiꞌi ka kivi nduu i Iva un”, káchi Ndioxi xiꞌin ra ―káchi ra Pablo xiꞌin na. Saa ndi̱kaꞌan ka ra xiꞌin na, káchi ra saa:

ROMANOS 8:3

Ndioxi i̱kan ra ya vaꞌa xiꞌin yo, ñaꞌa ya köo ndi̱kuchiñu ley ya ta̱a ra Moisés ikan ya xiꞌin yo xaꞌa ya köo ndee kúu mií ikin kuñu yo nuu ya väꞌa. Xaꞌa ya ikán kua ti̱ꞌvi ra Seꞌe ra ki̱xi ra ñuu ivi yóꞌó, ta ndi̱xiyo ikin kuñu ra tá kuꞌva íin mií yo ivi yóꞌó. Ti̱ꞌvi Ndioxi ra ki̱xi ra ndi̱soko ra mií ra xaꞌa kuachi yo, ta saa ku̱chiñu ra si̱ndiꞌi xaꞌa ra ndee ya kúu mií kuachi yo nuu Ndioxi.

ROMANOS 9:5

Ra Abraham xiꞌin ra Isaac tin ra Jacob, nda yóꞌó ku xii sikua ndiꞌi nde ñuu Israel, ta xii sikua tu Jesucristo va ku nda. Xaꞌa ya ki̱xi Jesucristo ñuu ivi yóꞌó ta ndi̱xiyo ikin kuñu ra tá kuꞌva íyo mií yo, yakan kúu ra Ndioxi ra Chee ni nuu ndiꞌi ñaꞌa. Vaꞌa ná kunuu vaꞌa ni ya toꞌo ra ndiꞌi saa kivi ya vaxi. Saa ná koo.

1 Corintios 15:47

Chi taa ra núnu̱ú, ta xiꞌin ñuꞌú ndi̱kuaꞌa ra, ta ra ivi yóꞌó ku ra, sundi taa ra uvi, ra ku Tata yo Jesucristo, ta ra ke̱e nuu ndivi ku ra ikán.

2 Corintios 12:9

Saa ndi̱kaꞌan ra xiꞌin i, káchi ra saa: “Vaꞌa ná kusini ni un, chi köo xíniñuꞌu un ya ñaa, ya kúꞌvi ni ini i xíni yóꞌo̱ kua xíniñuꞌu ni un, saa chi tá ndóꞌo un saa, ta saa kua ndúndee ka un xiꞌin ndee i ya ta̱xi i ndaꞌa un íyo xiꞌin un”, káchi ra xiꞌin i. Yakan vitin ta kúsini ni va i tá kúvita ni ini i, chi saa kua xíni i ya íyo ndee Tata yo Jesucristo xiꞌin i.

Gálatas 4:4

Sundi tá ndi̱xinu kivi ya chi̱tuni mií Ndioxi ti̱ꞌvi ra Seꞌe ra ki̱xi ra ñuu ivi yóꞌó, saa ka̱ku ra tixin iin ñaꞌa, ta xa̱a súvi ndiꞌi ra ya káꞌan ley ya ta̱a ra Moisés.

Efesios 3:8

Vani köo ndáa yaꞌvi ni va i nuu ndiꞌi na ñani yo, na kúu ñuu Ndioxi, ta ta̱xi ra ichí ndaꞌa i ya kaꞌan ndoso i tuꞌun vaꞌa xaꞌa ra xiꞌin naꞌa, na köo kúu judío. Ta tuꞌun vaꞌa ni ikán, ta tá káa ya kuika ni saa káa ya, chi köo ndíꞌi xaꞌa ya.

Colosenses 1:19

Ta kúsini ni mií Iva yo Ndioxi ta̱xi ra ndiꞌi ni kúu ñaꞌa ya kúu mií ra ndaꞌa Tata yo Jesucristo.

Colosenses 2:3

Saa chi ndiꞌi ya kuika xiꞌin ya ndíchi ni kúu mií Ndioxi tin ya ndee ni xínituni ta ndaꞌa mií Cristo íyo ndiꞌi ya.

Colosenses 2:9

Ta iin tá kuꞌva íyo ini mií Iva yo Ndioxi iin kuꞌva ndaa saa íyo tu ikin kuñu mií Tata yo Jesucristo va.

1 Timoteo 3:16

Ta saa ná kundaa ini ndo chi nda vitin ta ndee ni ndee ya ndaa si̱naꞌa Tata yo Jesucristo nuu yo kándixa ñaꞌa, ta soꞌva íyo ya: Tata yo Jesucristo ta ndu̱u ra taꞌan mií yo ivi yóꞌó, ta ki̱xi ra ñuu ivi yóꞌó. Ta Tachi I̱í Ndioxi kua ndíkuiin xaꞌa ra. Ta xi̱ni na tatun Ndioxi ra. Saa ndi̱kaꞌan ndoso nda xi̱ndikun sata ra xaꞌa ra nuu ndiꞌi naꞌa, na köo kúu judío. Ndiꞌi ni kúu xaꞌa ñuu ivi yóꞌó íyo naꞌa, na kándixa ra. Saa ndi̱kiꞌin tuku Iva yo Ndioxi ra, nda̱a tuku ra kuaꞌan ra nuu ndivi.

HEBREOS 1:3

Ta ya luvi ni yéꞌe̱ kúu mií Seꞌe Ndioxi kua yéꞌe̱ mií Ndioxi. Tá káa níi mií Ndioxi saa káa níi mií Jesucristo, saa ta̱xi Ndioxi ichí ndaꞌa ra ya ndíso chiñu ra xiꞌin ndiꞌi ñaꞌa ya íyo ñuu ivi yóꞌó. Ta xiꞌin tuꞌun ra ya ndee ni ndee kua xáa chiñu ndiꞌi ya nda vitin. Saa ndi̱kata ra kuachi yo xiꞌin ndee mií ra, ta sindiꞌi nda̱a ra nuu ndivi ndi̱kunduꞌu ra ñaꞌñu kuáꞌá Ndioxi nuu tai toꞌo, xáꞌnda chiñu ra xiꞌin ra.

HEBREOS 1:5

Saa chi Ndioxi ta nda iin ichí köo ndi̱kaꞌan ra xiꞌin nda iin tatun ra tá kuꞌva ndi̱kaꞌan ra xiꞌin Seꞌe ra, káchi ra saa: Yóꞌo̱ ku Seꞌe i, ta yeꞌe ku Iva un, Ta saa ndi̱kaꞌan tuku Ndioxi xiꞌin ra, káchi ra saa: Yeꞌe nduu Iva un, ta yóꞌo̱ nduu Seꞌe i, ka̱chi Ndioxi xiꞌin ra.

HEBREOS 10:5

Yakan kua ndi̱kaꞌan Jesucristo saa xiꞌin Ndioxi tá ki̱xi ra ñuu ivi yóꞌó, ka̱chi ra saa: “Köo kúni un kaꞌni na kiti soko na nií ri nuu un, ta ni ya soko na ndá ka ñaꞌa nuu un, köo kúni un. Sundi ta̱xi un ikin kuñu i ndaꞌa i ya nditaxi i mií i ndaꞌa un.

HEBREOS 2:11

Saa chi iin ku ra ndása i̱í yoo, ta saa ndúu ndiꞌi yo iin xiꞌin ra ta iin káchi ndúu i̱í ndiꞌi yo nuu ra, yakan köo kúkaꞌán nuu ra kaꞌan ra xiꞌin yo ya kúu yo ñani ra.

HEBREOS 5:5

Ta saa tu Cristo va, köo ndi̱ndasa ra mií ra sutu chee, sundi Ndioxi ku ra ta̱xi ichí ndaꞌa ra kúu ra sutu ra chee ni, saa chi ndi̱kaꞌan Ndioxi xaꞌa ra, káchi ra saa: Yóꞌo̱ ku Seꞌe i, ta yeꞌe ku Iva un, káchi ra xaꞌa Jesucristo.

1 Juan 4:14

Ta ndeꞌe xi̱ni xiꞌin nuu nde Jesús, ra kúu Jesucristo ra ti̱ꞌvi Iva yo Ndioxi ki̱xi ñuu ivi yóꞌó. Ta ndíkuiin nde xaꞌa ra ya ki̱xi ra sikaku ra ndiꞌi na ñuu ivi yóꞌó.

1 Juan 4:9

Ta soꞌva kua si̱naꞌa Ndioxi yoo ya kúꞌvi ni ini ra xíni ra yoo, saa chi ti̱ꞌvi ra Seꞌe mani ra, ra iindaa mituꞌun nuu ra, ki̱xi ra taxi ra kutaku yo tixin ra.

2 Juan 1:7

Kuenta ni koo ndo chi xa kuaꞌa ni na vata íyo ñuu ivi yóꞌó, ta na ñaa ta köo xíin na ndikuni na Jesucristo ya ki̱xi ra ñuu ivi yóꞌó ta ndu̱u ra ra ivi taꞌan mií yo ivi yóꞌó. Ndiꞌi na köo xíin ndi̱kuni ñaꞌa ta na ñaa ku na vata, na sáa ini xíni Jesucristo.

El Apocalipsis 19:13

Ta toto ndíxi ra ta iin chi̱chi ndiꞌi nií ya. Saa íyo inka kivi ra nani ra: “Tuꞌun Ndioxi”.

El Apocalipsis 21:3

Saa xi̱ni soꞌo i tuꞌun ya ke̱e nuu íin tai toꞌo itun i̱í, ta ndee ka vi ndi̱kaꞌan tachi na, káchi ya saa: ―Na ñuu yóꞌó ku na ku ñuu Ndioxi, saa koo ra xiꞌin na, ta na ñuu ra kuu na. Saa koo ra xiꞌin na, nda iin kivi sindikoo ra na.