San Juan 1:11 - Xochapa Mixteco

¹¹ Ki̱xi ra nuu na ñuu ra, ta na ñuu ra köo ndi̱xiin na ndikiꞌin ñaꞌa na.

San Juan 1:11 Iomraidhean Croise

San Mateo 15:24

Ñaa ndi̱kuiin Jesús, káchi ra saa: ―Ndisaa nuu na ñuu Israel ti̱ꞌvi Ndioxi yeꞌe vaxi i, saa chi na ikán ta tá íin levo kiti nda̱ñuꞌu, saa íin na ―káchi ra xiꞌin nda.

San Lucas 19:14

Ta mií na ñuu ra ni köo kúni na xíni ñaꞌa na. Kúndasi nuu na xíni na ra. Ñaa tá ke̱e ra kuaꞌan ra ta ti̱ꞌvi na ñuu ra sava nda taa, ndi̱kundikun nda kuaꞌan nda sata ra kaꞌan nda xiꞌin mií ra rey ra kaꞌnda chiñu xaꞌa ra ya ná täxi ra chiñu ndaꞌa ra nduu ra rey. Saa chi köo kúni na xíni ñaꞌa na,

San Juan 1:10

Ra kúu tuꞌun Ndioxi ku ra, ta xa̱a ra íyo ra ñuu ivi, ta tixin ra ikán si̱kuaꞌa Ndioxi ñuu ivi. Sundi na ñuu ivi, ta köo ndi̱xiin na ndikuni ñaꞌa na.

San Juan 1:12

Sundi tá kúu ndiꞌi na ndíkiꞌin vaꞌa ñaꞌa, ta kándixa na kivi ra. Ta ndaꞌa na ikán kua táxi ra ichí ndúu na seꞌe Ndioxi.

San Juan 19:27

Sindiꞌi saa ndi̱kaꞌan ra xiꞌin ra xi̱taꞌan xiꞌin ra, káchi ra saa: ―Yá ñaa nduu siꞌí un vitin ―káchi ra xiꞌin ra. Nda kivi ikán ndi̱kiꞌin ra yá íyo yá veꞌe ra.

San Juan 3:32

Ta ra ikán káꞌan ra xaꞌa ñaꞌa ya xi̱ni soꞌo ra tin ya xi̱ni ra, ta nda iin na köo xíin kandixa ya káꞌan ra.

Los Hechos 13:26

―Na taꞌan yo, káꞌan i xiꞌin ndiꞌi ndóꞌo̱ kúu seꞌe sikua ra Abraham ndóꞌo̱ káñuꞌu ni Ndioxi. Ndaꞌa ndóꞌo̱ kua ti̱ꞌvi Ndioxi tuꞌun ra vaxi ya kundaa ini yo ndá kuꞌva kaku ndo.

Los Hechos 13:46

Saa xa̱á ra Pablo xiꞌin ra Bernabé káꞌan nda, ndinuꞌu ini nda káꞌan nda, káchi nda saa: ―Xiꞌna ndóꞌo̱ ku ndo xíniñuꞌu kuni soꞌo tuꞌun Ndioxi, chi ndo judío ku ndo, sundi ndóꞌo̱ ta köo xíin ndo ndikiꞌin ndo ya, saa chi ndíkani ini ndo ni köo ndáa yaꞌvi ndo kutaku ndo ndiꞌi saa kivi xiꞌin Ndioxi, káꞌan ndo. Ta vaꞌa va chi vitin ndituꞌun nde xiꞌin na köo kúu judío.

Los Hechos 21:6

Ñaa nu̱mi taꞌan nde tin nda̱i taꞌan nde, saa nda̱a tuku nde sata barco kuaꞌan nde. Ta ndi̱ko koo na ikán kuanuꞌu na veꞌe na.

ROMANOS 15:8

Na taꞌan yo, ndítuꞌun i xiꞌin ndo xaꞌa Jesucristo, ya ki̱xi ra ñuu ivi yóꞌó xa̱a chiñu ra nuu na judío, saa xi̱ni na ya si̱xinu Ndioxi ya ki̱ndoo ra xiꞌin xii sikua na xinaꞌa, saa chi Ndioxi ta ya ndaa kua xáa súvi ra ya káꞌan ra.

ROMANOS 9:1

Ta vaꞌa ná kundaa ini ndo chi yeꞌe, ta yeꞌe kándixa Jesucristo ku i yakan ndaa ni káꞌan i, mií Tachi I̱í Ndioxi ku ya ndíkuiin xaꞌa i, chíndee ya yeꞌe káꞌan i saa xiꞌin ndo, chi ndinuꞌu ni ini i káꞌan i ya ndaa xiꞌin ndo, káchi i soꞌva:

ROMANOS 9:5

Ra Abraham xiꞌin ra Isaac tin ra Jacob, nda yóꞌó ku xii sikua ndiꞌi nde ñuu Israel, ta xii sikua tu Jesucristo va ku nda. Xaꞌa ya ki̱xi Jesucristo ñuu ivi yóꞌó ta ndi̱xiyo ikin kuñu ra tá kuꞌva íyo mií yo, yakan kúu ra Ndioxi ra Chee ni nuu ndiꞌi ñaꞌa. Vaꞌa ná kunuu vaꞌa ni ya toꞌo ra ndiꞌi saa kivi ya vaxi. Saa ná koo.

Gálatas 4:4

Sundi tá ndi̱xinu kivi ya chi̱tuni mií Ndioxi ti̱ꞌvi ra Seꞌe ra ki̱xi ra ñuu ivi yóꞌó, saa ka̱ku ra tixin iin ñaꞌa, ta xa̱a súvi ndiꞌi ra ya káꞌan ley ya ta̱a ra Moisés.