FILEMÓN 1:7 - Xochapa Mixteco

⁷ Ta yeꞌe, kúsini ka vi i xiꞌin un ñani yo, Filemón. Vaꞌa ka vi kúni i xiꞌin un chi xaꞌa ya kúꞌvi ni ini un xíni un na veꞌe ñuꞌu, na i̱í kua chíkaa ni un ndee xiꞌin na, vaꞌa ni kúni na.

FILEMÓN 1:7 Iomraidhean Croise

1 Corintios 16:18

Ta nda yóꞌó ta xáꞌa ni nda ndee xiꞌin i, saa íkan tu nda xiꞌin ndóꞌo̱ va. Yakan kañuꞌu ni ndo naꞌa, na íin tá íin nda yóꞌó.

2 Corintios 7:13

Xaꞌa ya ñaa kua ndi̱kiꞌin ni nde ndee. Ta süvi ndisaa xaꞌa ya ñaa kua kúsini ni nde, chi ndeꞌe ta yáꞌa ni kúsini ni nde xaꞌa ya xa̱a si̱ni ni ndiꞌi ndo ini ra Tito ñani yo.

2 Corintios 7:4

Ta ndinuꞌu ni ini i ndi̱kaꞌan i xiꞌin ndo ya ndee ni kúsini i xiꞌin ndo, vaꞌa ni kúni i xiꞌin ndo, ta̱xi ni ndo ndee ndaꞌa i, vani ndee ni ti̱xuꞌvi nde.

1 Tesalonicenses 1:3

Ta táxi ni nde tixaꞌvi ndaꞌa Iva yo Ndioxi xaꞌa kuꞌva ya kándixa ni ndo ra, saa kúꞌvi ni ini ndo xíni ndo ra, ta ya ñaa kua xáꞌa ni ndee xiꞌin ndo ya ndee ni vaꞌa xáa chiñu ndo nuu ra, chi kúndaa teꞌe ini ndo ya xaa súvi ra ya ndi̱kaꞌan ra xiꞌin ndo, ta ya ñaa kua chíndee ni ndóꞌo̱ ndee ni tuun ndíkun ndo Tata yo Jesucristo.

1 Tesalonicenses 2:13

Yakan ndiꞌi saa ichí táxi ni nde tixaꞌvi ndaꞌa Ndioxi xaꞌa ndo, saa chi kivi tá ndi̱kiꞌin ndo tuꞌun ra ya xi̱ni soꞌo ndo ndi̱kaꞌan nde xiꞌin ndo, ta ndi̱kuni ndo ya kúu ya tuꞌun Ndioxi chi süvi tuꞌun na ñuu ivi yóꞌó kua. Ta ya ndixa kua kúu ya tuꞌun Ndioxi, chi kúu mií ya ndee ndínama ya ndóꞌo̱ xaꞌa ya kándixa ndo ya.

1 Tesalonicenses 2:19

Ta kúni ni nde xaa nde nuu ndo chi ndóꞌo̱ ku ndo xáꞌa ni ndee xiꞌin nde xaꞌa ya ndee ni vaꞌa ndíkun ndo Tata yo Jesucristo, xaꞌa ya ñaa kua kúsini ni nde xiꞌin ndo. Tá ná ndiko koo Tata yo Jesucristo ñuu ivi yóꞌó ta vaꞌa ni kuni nde xiꞌin ndo, chi ndóꞌo̱ ta tá íin ñaꞌa ya luvi ni níꞌi iin naꞌa nuu kuaꞌan na kéꞌe taꞌan na, saa íin ndo nuu nde. Ta niꞌi ni nde ya vaꞌa nuu Ndioxi xaꞌa ndo tá ná sinaꞌa nde ndóꞌo̱ nuu ra.

1 Tesalonicenses 3:9

Ta ndixaꞌvi ni ndo ya íkan ndo saa, yáꞌa ni vi kúsini nde nuu Ndioxi xaꞌa ya xi̱ni soꞌo nde íkan ndo saa, ni köo níꞌi nde kuꞌva taxi nde tixaꞌvi ndaꞌa ra xaꞌa ndo.

2 Timoteo 1:16

Saa káꞌan ni i xiꞌin Iva yo Ndioxi ya ná kundaꞌvi ni ini ra kuni ra na veꞌe ra ñani yo, ra Onesíforo. Chi ndee ni kuaꞌa ichí ndi̱xaꞌa ra ndee xiꞌin i, ta köo ndi̱kukaꞌán nuu ra kuni ra yeꞌe xaꞌa ya ndíkaa i veꞌe kàà yóꞌó.

FILEMÓN 1:20

Saa ñani yo, ikan ni un ya mani xiꞌin i xaꞌa ya ndúku i nuu un, chi tá íkan un saa xiꞌin i ta vaꞌa ni kuni i xiꞌin un, ta xaꞌa ni un ndee xiꞌin i xaꞌa ya ndíkun yo Tata yo Jesucristo.

2 Juan 1:4

Kúsini ni i ya ndi̱kitaꞌan i xiꞌin sava ndo xíka ndo ichí ya ndaa tá kuꞌva íyo ya ta̱xi Iva yo Ndioxi xa̱ꞌnda chiñu ra nuu yo, saa íyo ya íkan ndo.