FILEMÓN 1:24 - Xochapa Mixteco

²⁴ Ta káꞌan ndioxi tu ra Marcos ñani yo xiꞌin ra Aristarco tin ra Demas xiꞌin ra Lucas ñani yo, nda xáa chiñu xiꞌin i yóꞌó. Káꞌan ndioxi ni nda xiꞌin ndo.

FILEMÓN 1:24 Iomraidhean Croise

Los Hechos 12:12

Xíka ini ra saa ta ndi̱kiꞌin ra kuaꞌan ra veꞌe yá María siꞌí ra Juan, ra káꞌan na xiꞌin Marco. Ta veꞌe yá ikán ndi̱kitaꞌan na ndíkun Jesús ndóo na káꞌan na xiꞌin Ndioxi.

Los Hechos 12:25

Sindiꞌi tá si̱xinu ra Bernabé xiꞌin ra Saulo chiñu ya ndi̱xaꞌan nda ñuu Jerusalén, ta saa ndi̱ko koo tuku nda kuaꞌan nda ñuu Antioquía. Kuaꞌan tu ra Juan, ra káꞌan na xiꞌin Marco va xiꞌin nda.

Los Hechos 13:13

Saa ke̱e ra Pablo ñuu Pafos xiꞌin nda taꞌan ra, kuaꞌan nda xiꞌin barco ñuu Perge, ya ndíkaa estado Panfilia. Sundi ra Juan Marcos ta si̱ndoo ra nda. Saa ndi̱ko koo ra kuanuꞌu ra ñuu Jerusalén.

Los Hechos 19:29

Ñaa iin ndi̱siso ndiꞌi na ñuu, ndá síso ndáꞌi na. Ta saa ti̱in na uvi nda taꞌan ra Pablo, ra náni Gayo xiꞌin ra Aristarco, nda ke̱e chí estado Macedonia. Tá ti̱in ñaꞌa na, saa ndi̱kundaka na nda kuaꞌan nda xiꞌin na nuu si̱kuaꞌa na ndíkitaꞌan kuaꞌa ni naꞌa, ya káꞌan na xiꞌin teatro.

Los Hechos 27:2

Ta saa nda̱a nde sata iin barco tun ke̱e ñuu Adramitio ta yáꞌa nu kuaꞌan nu kuaꞌa ni ñuu ya ñúꞌu yati yuꞌu nduta ñûꞌu estado Asia. Kuaꞌan tu iin ra taꞌan nde ra náni Aristarco va xiꞌin nde, ta ra ke̱e chí ñuu Tesalónica ya ndíkaa estado Macedonia ku ra ikán.

2 Corintios 8:23

Ta ndítuꞌun i xiꞌin ndo xaꞌa ra ñani yo, ra Tito, chi ra ñaa ta ra xáa chiñu xiꞌin i ku ra, ya chíndee taꞌan nde xiꞌin ndo. Ta inka nda ñani yo, ta na veꞌe ñuꞌu ku na tíꞌvi nda ñaa xaa nda, ta saa ni ndee ni káñuꞌu nda Tata yo Jesucristo.

Filipenses 2:25

Ta xíka tu ini i ya xíniñuꞌu i sindiko koo i ra ñani yo, ra Epafrodito xaa ra nuu ndo. Ndee ni xa̱a chiñu ra xiꞌin i, nda tá kuꞌva íkan nda lapa ndee ni xáa chiñu nda, kuꞌva saa xa̱a chiñu ra xiꞌin i. Ta ndi̱xaꞌvi ni ndo ya ti̱ꞌvi ndo ra ki̱xi ra nuu i chi̱ndee taꞌan ra xiꞌin i, ta̱xi ra ñaꞌa ya xíniñuꞌu i ndaꞌa i.

Filipenses 4:3

Ta yóꞌo̱, ñani yo, yóꞌo̱ vaꞌa ni xáa chiñu xiꞌin i ku un, ta xíkan ni i ya mani nuu un chindee taꞌan un xiꞌin ná kuꞌva yo ñaa ya ná ndikitaꞌan vaꞌa ná xiꞌin taꞌan ná. Saa chi ná ñaa ku ná chi̱ndee ni yeꞌe xiꞌin ra ñani yo ra Clemente tin inka ka na ya ndi̱xita ka tuꞌun vaꞌa xaꞌa Tata yo Jesucristo kuaꞌan ya. Chi na ñaa ta xa ndi̱kundoso kivi na nuu tutu Ndioxi, nuu ndíkundoso kivi na kutaku ikan Ndioxi.

Colosenses 4:10

Saa ra Aristarco ñani yo, tíꞌvi ni ra tuꞌun mani xaa nuu ndo, ra ndíkaa xiꞌin i veꞌe kàà yóꞌó ku ra. Saa tu ra Marcos, ra kúu xaxin ra Bernabé ñani yo, tíꞌvi ra tuꞌun mani xaa nuu ndo. Tá ndá kivi xaa ra Marcos, ñani yo nuu ndo koto ra ndóꞌo̱, ta xa ndi̱tuꞌun i xaꞌa ra xiꞌin ndo ta vaꞌa ndikiꞌin mani ndo ra.

Colosenses 4:14

Saa tu ra ñani yo ra Lucas, ra kúꞌvi ni ini i xíni i, ra xáa tatan naꞌa, xiꞌin ra Demas ñani yo, tíꞌvi ni nda tuꞌun mani xaa nuu ndo.

1 Pedro 5:13

Ta tíꞌvi ni na taꞌan yo, na ndíkun Tata yo Jesucristo ndóo ñuu Babilonia tuꞌun mani xaa nuu ndo. Na yóꞌó ku na ndi̱kaxin ra tá kuꞌva ndi̱kaxin ra ndóꞌo̱. Saa tu ra Marcos, ra íyo tá íyo seꞌe mií i, tíꞌvi ni ra tuꞌun mani xaa ya nuu ndo.

3 Juan 1:8

Yakan yoo ta xíniñuꞌu yo ndikuiso yo na koo na veꞌe yo, chindee yo na, tá íkan yo saa ta chíndee taꞌan yo xiꞌin na xíka na ndíkani ka na tuꞌun Ndioxi ya ndaa.