FILEMÓN 1:17 - Xochapa Mixteco

¹⁷ Ta xaꞌa ya ndíkun yo Iva yo Ndioxi, yakan vaꞌa vií ni ndikiꞌin un ra ñani yo Onésimo ñaa, tá kuꞌva vií ni ndikiꞌin un yeꞌe, kuꞌva saa vií ndikiꞌin un ra.

FILEMÓN 1:17 Iomraidhean Croise

San Mateo 10:40

’Ndiꞌi na ndíkiꞌin vaꞌa ndóꞌo̱, ta yeꞌe ku i ndíkiꞌin na, ta ndiꞌi na ndíkiꞌin yeꞌe ta ndíkiꞌin na Iva i Ndioxi, ra ti̱ꞌvi yeꞌe vaxi i.

San Mateo 18:5

Ta ndiꞌi na ndíkiꞌin vaꞌa na vali xaꞌa yeꞌe, xaꞌa ya kándixa na yeꞌe, ta yeꞌe ku i ndíkiꞌin na ―káchi Jesús.

San Mateo 25:40

Saa ndikuiin yeꞌe, rey, kaꞌan i xiꞌin na, kachi i saa: “Ya ndaa káꞌan i xiꞌin ndo, kivi i̱kan ndo ya vaꞌa xiꞌin na ndíkun yeꞌe, vani ndaꞌvi ni na, ta süvi xiꞌin na ikán ndi̱xaa ndo ya vaꞌa, sundi xiꞌin yeꞌe i̱kan ndo ya vaꞌa”, kachi i xiꞌin na ―káchi Jesús.

Los Hechos 16:15

Ta saa chi̱chi yá xiꞌin ndiꞌi na veꞌe yá. Ñaa ndi̱xikan yá ya mani nuu nde, káchi yá saa: ―Tá tu kándixa ndo ndinuꞌu ini i ndi̱kundikun i Jesús, ta naꞌa ndo koꞌyo veꞌe i kundoo ndo ―káchi yá xiꞌin nde. Ndakua sa̱xinu ya ini nde kuaꞌan nde xiꞌin yá.

2 Corintios 8:23

Ta ndítuꞌun i xiꞌin ndo xaꞌa ra ñani yo, ra Tito, chi ra ñaa ta ra xáa chiñu xiꞌin i ku ra, ya chíndee taꞌan nde xiꞌin ndo. Ta inka nda ñani yo, ta na veꞌe ñuꞌu ku na tíꞌvi nda ñaa xaa nda, ta saa ni ndee ni káñuꞌu nda Tata yo Jesucristo.

Efesios 3:6

Ta ya yóꞌó ku ya chi̱tuni Ndioxi ndi̱xiyo sěꞌe: Iin káchi niꞌi naꞌa, na köo kúu judío xiꞌin na judío. Niꞌi na ñaꞌa ya ki̱ndoo Ndioxi taxi ra ndaꞌa naꞌa, na ndixa kúu seꞌe ra. Nda na köo kúu judío niꞌi ya yóꞌó xaꞌa ya kándixa na Jesucristo ya sikaku ra na.

Filipenses 1:7

Ya vaꞌa ni kua káꞌan i saa xaꞌa ndiꞌi ndo chi kúꞌvi ni ini i xíni i ndóꞌo̱, chi ndóꞌo̱, ta ndiꞌi saa ichí íyo ndo xiꞌin i ya chíndee taꞌan ndo xiꞌin i, ta süvi ndisaa tá ndíkaa i veꞌe kàà kua íkan ndo saa xiꞌin i, ni nuu na chiñu kuaꞌan i ndíkuiin i xaꞌa tuꞌun vaꞌa xaꞌa Tata yo Jesucristo ndá kuꞌva kua sikaku ra na, ta iin káchi íyo ndo xiꞌin i xíto ndo ya íkan Ndioxi ya vaꞌa xiꞌin i.

1 Timoteo 6:2

Saa na xáa chiñu nuu xitoꞌo na, ra kándixa Tata yo Jesucristo, xíniñuꞌu na xaa toꞌo ni na xitoꞌo na, xaꞌa ya kúu ra ñani yo, ra kándixa Tata yo Jesucristo. Ta ndee ni ka vaꞌa xíniñuꞌu na chikaa ni na ndee ya xaa chiñu vií ni na nuu ra, chi ñani yo ra kúꞌvi ni ini yo xíni yo ku ra, ta ra ikán ku ra níꞌi ni ya vaꞌa xaꞌa chiñu ya íkan na nuu ra. Ñani yo Timoteo ya yóꞌó kua xíniñuꞌu un sinaꞌa un na veꞌe ñuꞌu, saa kaꞌan un xiꞌin na, xaꞌa un ndee xiꞌin na.

FILEMÓN 1:10

Xaꞌa ya ñaa kua xíkan ni i ya mani nuu un ñani yo Filemón, xaꞌa ra Onésimo ñani yo, chi ra ñaa ta tá íyo seꞌe mií i saa íyo ra, xaꞌa ya ndi̱kundikun ra ichí Tata yo Jesucristo ini veꞌe kàà nuu ndíkaa i yóꞌó.

FILEMÓN 1:12

Ta tíꞌvi i ra ndiko koo ra xaa ra nuu un, ta ikan ni un ya mani ndikiꞌin loꞌo un ra, tá kuꞌva ndikiꞌin vií ni un yeꞌe, kuꞌva saa ndikiꞌin vií un ra.

FILEMÓN 1:18

Tá ndá ya väꞌa i̱kan ra xiꞌin un án ndá tu ñaꞌa un si̱kuiꞌna va ra, ta yeꞌe chaꞌvi ndiꞌi ya níka ra nuu un.

HEBREOS 3:1

Ñani yo xiꞌin kuꞌva yo, ndóꞌo̱ ku ndo ndi̱kaxin Ndioxi, saa ka̱na ra ndóꞌo̱ ta xa̱a i̱í ra ndóꞌo̱ koo ndo xiꞌin ra. Yakan kiꞌin ni ndo kuenta, chi suvi mií Jesús ku ra ku apóstol, ra ti̱ꞌvi Ndioxi vaxi xaa chiñu ra nuu ra, ta kúu tu ra sutu ra chee ni nuu ndiꞌi yo kándixa ñaꞌa.

HEBREOS 3:14

Ta ya ndixa kua táxi Cristo ndiꞌi ya kúu mií ra ndaꞌa yo, tá tu köo síndoo yo ya tuun ni ndíkun yo ra, tá tu ndáa ni ini yo xíni yo ra tá kuꞌva ndi̱xiyo yo xiꞌin ra nda tá xaꞌa, tá sikan xa̱á yo ndikun yo ra.

Santiago 2:5

Ñani mani xiꞌin kuꞌva yo, ndóꞌo̱ ku ndo kúꞌvi ni ini i xíni i, ta kuni soꞌo ndo ya kaꞌan i xiꞌin ndo: Ndioxi ku ra ndi̱kaxin na ndaꞌvi ndóo ñuu ivi ya ná nduu na naꞌa, na ndinuꞌu ni ini ndáa ini xíni ra xiꞌin ndiꞌi nima na, ta saa ndikiꞌin na ya ndi̱kaꞌan ra taxi ndaꞌa na kúꞌvi ini xíni ra, saa koo na kaꞌnda chiñu na xiꞌin ra.

1 Pedro 5:1

Ta xáku ndaꞌvi ni i nuu nda ñani yo, nda xikuaꞌa nda ñúꞌu xiꞌin ndo, nda ndóso nuu na ñani yo na veꞌe ñuꞌu, nda xikuaꞌa taꞌan yeꞌe. Chi yeꞌe ta ndíkuiin i xaꞌa Tata yo Jesucristo ya ndee ni ndi̱xuꞌvi ra xaꞌa yo. Ta kivi tá ná ndiko koo ra ta saa kuni yo ya yéꞌe̱ luvi ni xiꞌin ndee chee ni kúu mií ra, ya ndituvi kuni yo.

1 Juan 1:3

Ya xi̱ni nde xiꞌin ya xi̱ni soꞌo nde ndi̱kaꞌan ra, ya yóꞌó kua káꞌan nde xiꞌin ndo ya ná ndikitaꞌan ndo xiꞌin nde ya koo ndiꞌi yo iin yuꞌu. Ta saa ndixa iin yuꞌu ná koo ndiꞌi yo xiꞌin taꞌan yo. Chi ndeꞌe ta ndixa iin yuꞌu íyo nde xiꞌin Iva yo Ndioxi tin Jesucristo ra kúu Seꞌe ra.