FILEMÓN 1:14 - Xochapa Mixteco

¹⁴ sundi nda iin ñaꞌa köo kúni i ikan mií i, chi täꞌan ndituꞌun taꞌan yo xaꞌa ya mani ndúku i nuu un, ya kundaa ini un án vaꞌa túvi un, chi köo kúni i xaa ndúxa i xiꞌin un ikan un ya káꞌan i xiꞌin un, nima mií un ná kana ya ikan un xiꞌin i.

FILEMÓN 1:14 Iomraidhean Croise

1 Corintios 9:17

Sundi tá xaꞌa ya kúni mií i íkan i ku chiñu yóꞌó nuu Jesucristo, ta nda naꞌa ta chaꞌvi va na yeꞌe. Ta süvi saa íyo ya, süvi mií i ndínduku chiñu yóꞌó, chi mií Ndioxi ku ra ka̱na yeꞌe ta xa̱ꞌnda ra chiñu nuu i ya kaꞌan ndoso i tuꞌun vaꞌa xaꞌa Tata yo Jesucristo xiꞌin naꞌa.

1 Corintios 9:7

Xa xíni mií va ndo, nda iin nda lapa xáa chiñu nuu na chiñu, ta köo cháꞌvi nda mií nda. Ni na chíꞌi kiti uva ta kúu mií na ichí yáxi na ri. Saa tu na ndáa tixuꞌu va, kúu mií na ichí kóꞌni na leche ri xíꞌi na.

2 Corintios 1:24

Ta ya ñaa ta köo kúni kachi ya, xáꞌnda ni nde nuu ndo xaꞌa kuꞌva ya ndáa ini ndo xíni ndo Ndioxi, chi ndóꞌo̱ ta xa ndee ni va ndáa ini ndo xíni ndo ra, ta ndisaa ya kúni ndeꞌe kua, iin káchi xaa chiñu nde xiꞌin ndo nuu chindee taꞌan nde xiꞌin va ndo ya ná kusini ni ndo.

2 Corintios 8:12

Saa chi tá ndá yo táxi ya kúu mií yo ndaꞌa Ndioxi, tá tu ndinuꞌu ni ini yo táxi yo ya, ta ndíkiꞌin vaꞌa ra ya. Chi Ndioxi ta köo ndúku ra ñaꞌa ya köo kúu mií yo nuu yo.

2 Corintios 9:5

Xaꞌa ya ñaa kua ndu̱ku i ya mani nuu ra Tito ñani yo xaa ra xiꞌin nda ñani yo yóꞌó yachi ka, ya chindee taꞌan nda xiꞌin ndo ndikaya kuee ndo xuꞌun ya ki̱ndoo ndo taxi ndo. Ta saa vaꞌa koo ndúvi ya tá ná xaa nde nuu ndo, chi ya taxi ndo, ta ini mií ndo kua taxi ndo ya, süvi xiꞌin ya nduxa íkan nde xiꞌin ndo kua ikan ndo saa.

2 Corintios 9:7

Xaꞌa ya ñaa kua vaꞌa taxi ndo xuꞌun ya chindee ndo naꞌa, tá kuꞌva chi̱kaa ini mií ndo taxi ndo ndaꞌa na, ta saa koo ya taxi ndo. Ta küsuchi ini ndo tá táxi ndo ya ndaꞌa na, ta ni chïndee ndo na xiꞌin ya nduxa. Chi Ndioxi, ta kúꞌvi ni ini ra xíni ra naꞌa, na táxi ya xiꞌin ndinuꞌu nima na.