FILEMÓN 1:10 - Xochapa Mixteco

¹⁰ Xaꞌa ya ñaa kua xíkan ni i ya mani nuu un ñani yo Filemón, xaꞌa ra Onésimo ñani yo, chi ra ñaa ta tá íyo seꞌe mií i saa íyo ra, xaꞌa ya ndi̱kundikun ra ichí Tata yo Jesucristo ini veꞌe kàà nuu ndíkaa i yóꞌó.

FILEMÓN 1:10 Iomraidhean Croise

San Marcos 9:17

Saa ndi̱kuiin iin ra ndíkaa tañu na ikán káꞌan ra: ―Tata Maestro, yóꞌó ndáka loꞌo i seꞌe i xa̱a xiꞌin i nuu un. Ki̱ꞌin tachi nduvaꞌa ra ta ki̱ndoo meꞌme ra i̱kan ya.

ROMANOS 12:1

Ñani yo xiꞌin kuꞌva yo, xíkan ni i ya mani nuu ndo ya ná nditaxi táku ndo mií ndo ndaꞌa Ndioxi. Soko ndiꞌi ndo mií ndo nuu ra. Tá íin naꞌa na ií, na síkusini ni ini ra, saa koo ndo. Nditaxi ndiꞌi ndo mií ndo ndaꞌa ra xaꞌa ya kúndaꞌvi ni ini ra xíni ra ndóꞌo̱. Tá íkan ndo saa ta xáa kaꞌnu ni ndo ra, ta ya ñaa ku mií ya ndixa ni ka ndáa yaꞌvi nuu ra.

1 Corintios 4:14

Ta süvi xaꞌa ya kúni i sikaꞌán i nuu ndo kua táa i tutu yóꞌó xaa ya nuu ndo. Sundi yeꞌe, ta kúni i kundaa yuꞌu i ndóꞌo̱, tá kuꞌva ndáa yuꞌu iin taa seꞌe ra, saa íkan i xiꞌin ndo xaꞌa ya kúꞌvi ni ini i xíni i ndóꞌo̱.

1 Corintios 4:15

Vani nda uxi mil ná koo nda sínaꞌa ndóꞌo̱ xaꞌa Tata yo Jesucristo, sundi iindaa va ku iva ndo. Ta yeꞌe, tá káa iva ndo, saa káa i. Chi yeꞌe ku ra núnu̱ú ndi̱tuꞌun xiꞌin ndo tuꞌun vaꞌa xaꞌa Jesucristo, ta saa ndi̱kitaꞌan vaꞌa ndo xiꞌin ra.

Gálatas 4:19

Ñani mani, nda tá íin seꞌe i saa íyo ndo nuu i, ta tuku va tíxuꞌvi ni i xaꞌa ndo. Nda tá kuꞌva ndóꞌo̱ iin ñaꞌa yá ndee ni xáꞌnda seꞌe, saa ndóꞌo̱ i xiꞌin ndo, nda ná xinu ndo koo ndo tá kuꞌva íyo mií Cristo.

Colosenses 4:9

Saa tíꞌvi i ra Tíquico ñani yo xaa ra xiꞌin ra Onésimo ñani yo, ra ñuu mií ndo, ra kúꞌvi ni ini i xíni i, ra ndee ni vaꞌa xáa chiñu xiꞌin i nuu Tata yo Jesucristo. Tíꞌvi i ra xaa ra xiꞌin ra, ta nda ñaa ku nda ndituꞌun xiꞌin ndo xaꞌa ndiꞌi ya ndóꞌo nde yóꞌó.

1 Timoteo 1:2

Chíndee ni i yóꞌo̱ ñani yo Timoteo, chi yóꞌo̱, ta tá káa seꞌe mií i, saa káa un, xaꞌa ya si̱naꞌa i yóꞌo̱ ichí xaꞌa Tata yo Jesucristo. Ta mií Tata yo Jesucristo xiꞌin mií Iva yo Ndioxi ná kundaꞌvi ni ini ra kuni ra yóꞌo̱, saa ná taxi ra koo vaꞌa ni ini un xiꞌin ya kúꞌvi ni ini ra xíni ra yóꞌo̱.

Tito 1:4

Ta tíꞌvi i tutu yóꞌó xaa ya ndaꞌa un ñani yo Tito. Chi yóꞌo̱, ta tá íyo seꞌe mií i saa íyo un, xaꞌa ya iin káchi ndáa ini yo xíni yo Tata yo Jesucristo, ra síkaku yoo. Ta ná ikan Iva yo Ndioxi xiꞌin Tata yo Jesucristo ya vaꞌa xiꞌin un, ná kundaꞌvi ni ini ra kuni ra yóꞌo̱, ná taxi ra koo vaꞌa ini un.

FILEMÓN 1:11

Chi yachi ta ni köo vií ndi̱xa súvi ra chiñu nuu un, sundi vitin ta ndee ni vaꞌa vií xaa súvi ra ya nuu un, tá kuꞌva vaꞌa ni vií xáa súvi tu ra ya nuu yeꞌe va.

FILEMÓN 1:13

Chi yeꞌe, ta vani kúni ni va i ndoo ra koo ra xiꞌin i yóꞌó, ya chindee taꞌan ra xiꞌin i nuu yóꞌo̱ xaꞌa ya ndíkaa i veꞌe kàà yóꞌó xaꞌa tuꞌun vaꞌa xaꞌa Tata yo Jesucristo,

3 Juan 1:4

Köo ka ya xáa sii ni ini i, ya kúsini ni i ku ya yóꞌó, saa chi yóꞌo̱ ta tá káa seꞌe i saa káa un, ta vaꞌa ni xíka un ichí ya ndaa.