Efesios 3:3 - Xochapa Mixteco

³ Vani xa kuaꞌa ni kuiya ndi̱xiyo sěꞌe ñaꞌa ya chi̱tuni mií ra nuu naꞌa, sundi nuu yeꞌe ta xa si̱tuvi va ra ya nuu i tá kuꞌva ndi̱kaꞌan i xiꞌin ndo nuu ta̱a i loꞌo nuu ndo tá yachi.

Efesios 3:3 Iomraidhean Croise

Los Hechos 22:17

Saa ndi̱kaꞌan ka ra Pablo xiꞌin na, káchi ra saa: ―Tá ndi̱ko koo i ndi̱xaa i ñuu Jerusalén ta ndi̱xaꞌan i veꞌe ñuꞌu kaꞌnu káꞌan i xiꞌin Ndioxi, saa si̱tuvi ya nuu i,

Los Hechos 22:21

Saa ndi̱kuiin ra káꞌan ra xiꞌin i: “Kuaꞌan chi vitin tiꞌvi i yóꞌo̱ kuꞌun xika un, kuꞌun un nda inka ñuu kaꞌan un xiꞌin na köo kúu judío xaꞌa i”, káchi ra xiꞌin i ―káchi ra Pablo xiꞌin na judío.

Los Hechos 23:9

Xaꞌa ya ñaa kua xa̱á iin ndá síso káꞌan ndiꞌi nda, saa ndi̱kundita sava nda maestro, nda kíꞌin sata nda fariseo, káꞌan nda saa: ―Köo ñaꞌa ndi̱kan vi ra, án iin tatun ndi̱kaꞌan xiꞌin ra án iin tachi vaꞌa ndi̱kaꞌan xiꞌin ra. Kuenta koo yo chi án sana xiꞌin Ndioxi va káni taꞌan yo ―káchi nda.

ROMANOS 11:25

Ñani yo xiꞌin kuꞌva yo, ndóꞌo̱ köo kúu judío, kúni i kaꞌan i xiꞌin ndo ya ná kundaa ini ndo xaꞌa chiñu ya íyo sěꞌe ikan Ndioxi. Yakan kua xäa xíni ni ndo mií ndo, saa chi sava mií na Israel ta ndee ni ndu̱tuun ini na, köo xíin na kandixa na Jesucristo, ta saa ikan na nda ná xinu naꞌa, na köo kúu judío, na ndi̱kaxin Ndioxi sikaku ra.

ROMANOS 16:25

Ta ná xaa toꞌo yo Ndioxi chi mií ra ku ra chíndee yoo, táxi ra ndee ndaꞌa ndo ya tuun ni ndíkun ndo tuꞌun vaꞌa xaꞌa Jesucristo, ya ndítuꞌun i xiꞌin ndo. Tuꞌun vaꞌa yóꞌó kua ndi̱xiyo sěꞌe xinaꞌa, ta vitin si̱naꞌa tuvi Ndioxi ya nuu yo.

2 Corintios 12:1

Ta ya ndaa kua nda iin ñaꞌa köo níꞌi naꞌa, na chínuu vaꞌa ni mií tuꞌun. Ta saa ni xíniñuꞌu i ndituꞌun i xiꞌin ndo xaꞌa ñaꞌa ya ta̱xi Ndioxi ndaꞌa i, chi mií ra ku ra si̱tuvi ya nuu i.

Gálatas 1:12

Chi süvi na ivi yóꞌó ku na ndi̱taxi ya ndaꞌa i, ta ni süvi na ivi yóꞌó ku na ndi̱sinaꞌa ya yeꞌe. Mií Tata yo Jesucristo ku ra ta̱xi ya ndaꞌa i tá ndi̱tuvi ra nuu i.

Efesios 1:17

Xáku ndaꞌvi i nuu Ndioxi ra chee ni, ra kúu Iva Tata yo Jesucristo ya ná taxi ra ya xínituni ndaꞌa ndo, ta saa ná xinu ndo kundaa vaꞌa ini ndo xaꞌa ra ta nda kuni taꞌan vaꞌa ka ndo xiꞌin ra,

Efesios 3:4

Tá ná kaꞌvi ndo tutu ya xa ta̱a i xaa ndaꞌa ndo, ta saa kua vaꞌa kuchiñu kundaa ini ndo xiꞌin ya káꞌan i xiꞌin ndo, ya kúndaa ini i xaꞌa ñaꞌa ya ndi̱xiyo sěꞌe xaꞌa Cristo.

Efesios 3:6

Ta ya yóꞌó ku ya chi̱tuni Ndioxi ndi̱xiyo sěꞌe: Iin káchi niꞌi naꞌa, na köo kúu judío xiꞌin na judío. Niꞌi na ñaꞌa ya ki̱ndoo Ndioxi taxi ra ndaꞌa naꞌa, na ndixa kúu seꞌe ra. Nda na köo kúu judío niꞌi ya yóꞌó xaꞌa ya kándixa na Jesucristo ya sikaku ra na.

Efesios 3:9

Ta̱xi Ndioxi chiñu ndaꞌa i ya kuchiñu i ndituꞌun i xiꞌin naꞌa xaꞌa ñaꞌa ya chi̱tuni mií ra ndi̱xiyo sěꞌe yachi, chi mií ra ku ra si̱kuaꞌa ndiꞌi ni kúu ñaꞌa ya íyo, ta nda yachi vi ndi̱xiyo sěꞌe ñaꞌa ya chi̱tuni mií ra, nda tá si̱kuaꞌa ra ñuu ivi yoꞌo vi kua i̱kan ra saa.

Efesios 6:19

Saa kaꞌan ni ndo xaꞌa i xiꞌin Ndioxi ya ná taxi ra ndee ndaꞌa i tá káꞌan ndoso i tuꞌun vaꞌa xaꞌa ra xiꞌin naꞌa, ya ná kuchiñu na kundaa ini na xaꞌa ñaꞌa ya chi̱tuni Ndioxi ndi̱xiyo sěꞌe, ya kúu tuꞌun vaꞌa xaꞌa ra.

Colosenses 2:2

Saa ná taxi ni Ndioxi ndee ndaꞌa ndo ya xaꞌa ni ndo ndee xiꞌin taꞌan ndo xaꞌa ya kúꞌvi ni ini ndo xínitaꞌan ndo. Xaꞌa ya ñaa kua ndítuꞌun ni i xiꞌin ndo, ndíkani i nuu ndo chi kúꞌvi ni ini i xíni i ndóꞌo̱. Ta vaꞌa ná taxi ra ndukuika ni ndo xiꞌin ya ndíchi ni chi̱tuni Ndioxi ndi̱xiyo sěꞌe yachi, chi ya ndi̱xiyo sěꞌe ikán ku mií Tata yo Jesucristo.

Colosenses 4:3

Ta kaꞌan ni ndo xiꞌin ra ya ná kuna ra yeꞌe nuu nde ya ndituꞌun ka nde tuꞌun vaꞌa xaꞌa ra xiꞌin naꞌa ya ná kuchiñu ndituꞌun nde xaꞌa ñaꞌa ya ndi̱xiyo sěꞌe yachi, chi vitin ta xa si̱tuvi ra ya tixin Tata yo Jesucristo nuu na, ta xaꞌa ya ndítuꞌun i xaꞌa ra kua ndíkaa i veꞌe kàà yóꞌó.

HEBREOS 13:22

Na taꞌan yo, xíkan ni i ya mani nuu ndo, kaꞌnu ni koo ini ndo xaꞌa ya loꞌo ni kua táa i nuu tutu yóꞌó xaa ndaꞌa ndo. Ta taa ni soꞌo ndo ya káꞌan i xiꞌin ndo, ya xáꞌa ni i ndee xiꞌin ndo.

1 Pedro 5:12

Ra Silvano ñani yo ku ra ndee ni tuun ndíkun Tata yo Jesucristo, ta ra yóꞌó ku ra kuniꞌi tutu yóꞌó xaa ya ndaꞌa ndo, ta̱a i uvi ndaa tuꞌun xaa ya nuu ndo ya xáꞌa ni i ndee xiꞌin ndo káꞌan i xiꞌin ndo xaꞌa tindoꞌo ya ndee ni ndóꞌo ndo vitin, ta ya ñaa kua káꞌan ya ndee ni kúꞌvi ini Ndioxi xíni ra ndóꞌo̱.

2 Pedro 3:15

Ta kuñuꞌu ini ndo xaꞌa ya kaꞌnu ni ini Tata yo Jesucristo kua ndátun ra yoo, chi kúni ra sikaku ra ndiꞌi naꞌa. Ta suvi taꞌan ya káꞌan i xiꞌin ndo yóꞌó kua ndi̱kaꞌan tu ra Pablo ñani va yo xiꞌin ndo. Tá ta̱a ra nuu ndo xiꞌin ya ndíchi vaxi nuu Ndioxi kua ta̱a ra.