3 Juan 1:9 - Xochapa Mixteco

⁹ Xa ta̱a i iin tutu kuaꞌan ndaꞌa na veꞌe ñuꞌu nuu íyo un, ta ra Diótrefes ku ra kútoo ni xaa kaꞌnu xiꞌin mií, chi köo xíin ra xaa súvi ra ya káꞌan nde xiꞌin ra.

3 Juan 1:9 Iomraidhean Croise

San Mateo 7:8

Saa chi ndiꞌi naꞌa ndúku ñaꞌa kúmani nuu na, nuu Ndioxi ta níꞌi na ya ndúku na nuu ra, ta ndiꞌi na ndúku ñaꞌa nuu ra ta níꞌi na ya ndúku na, saa ndiꞌi na káni ndaꞌa yeꞌe, ta xúna ra yeꞌe nuu na.

San Marcos 9:34

Saa iin ku̱taxin yuꞌu nda, nda iin nda köo ndi̱kuiin, chi tá kuaꞌan nda ichí ta kánitaꞌan taꞌan nda xiꞌin taꞌan nda, unku nda ku nda chee ka nuu ndiꞌi nda, káchi nda xiꞌin taꞌan nda.

San Marcos 9:37

―Naꞌa, na ndíkiꞌin vií na vali taꞌan ra loꞌo yóꞌó xaꞌa ya kándixa na yeꞌe, ta yeꞌe kúu i ndíkiꞌin na, ta na ndíkiꞌin yeꞌe, ta süvi iindaa yeꞌe ku i ndíkiꞌin na, ndíkiꞌin tu na Ndioxi ra ti̱ꞌvi yeꞌe vaxi i ñuu ivi yóꞌó va ―káchi ra xiꞌin nda.

San Lucas 9:48

Ta saa ndi̱kaꞌan ra xiꞌin nda, káchi ra saa: ―Tá ndá naꞌa ndíkiꞌin vií na vali taꞌan ra loꞌo yóꞌó, ta yeꞌe ku i ndíkiꞌin na, ta na ndíkiꞌin yeꞌe, ndíkiꞌin na Iva i Ndioxi, ra ti̱ꞌvi yeꞌe vaxi i ñuu ivi yóꞌó. Saa ndiꞌi na ni̱nu̱ ni íin, na íin tá íin na vali, na yóꞌó ku na kúu mií chiñu ndee ni ka nuu ndiꞌi ndóꞌo̱ ―káchi Jesús xiꞌin nda.

ROMANOS 12:10

Kuꞌvi ni ini ndo kuni taꞌan ndo, tá kuꞌva kúꞌvi ini ndo xíni ndo ñani ndo án kuꞌva ndo na ka̱ku xiꞌin ndo. Chinuu vaꞌa ndo tuꞌun na taꞌan ndo, saa xaa toꞌo taꞌan ndo.

Colosenses 1:18

Mií Cristo ku ra ku xi̱ní xáꞌnda chiñu xiꞌin na veꞌe ñuꞌu, tá káa ikin kuñu ra saa íin na. Ta yuꞌu mií ra kua xa̱á íyo ndiꞌi ñaꞌa, ta mií ra ku ra chi̱nduꞌu xaꞌa ndiꞌi ñaꞌa, ta suvi xiꞌna mií ra ku ra núnu̱ú ndi̱taku tañu na ndíi. Xaꞌa ya ikán kua ndee ni ndee kúu mií ra nuu ndiꞌi ni kúu ñaꞌa.

2 Juan 1:9

Ndiꞌi na síndoo ichí ya si̱naꞌa Jesucristo ta ndíkiꞌin na inka ichí kuaꞌan na, ta köo Ndioxi íyo xiꞌin na, sundi na tuun ni ndíkun ichí ya si̱naꞌa ra ta kúu mií na Iva yo Ndioxi xiꞌin Seꞌe ra.

3 Juan 1:8

Yakan yoo ta xíniñuꞌu yo ndikuiso yo na koo na veꞌe yo, chindee yo na, tá íkan yo saa ta chíndee taꞌan yo xiꞌin na xíka na ndíkani ka na tuꞌun Ndioxi ya ndaa.