3 Juan 1:8 - Xochapa Mixteco

⁸ Yakan yoo ta xíniñuꞌu yo ndikuiso yo na koo na veꞌe yo, chindee yo na, tá íkan yo saa ta chíndee taꞌan yo xiꞌin na xíka na ndíkani ka na tuꞌun Ndioxi ya ndaa.

3 Juan 1:8 Iomraidhean Croise

San Mateo 10:14

Tá tu köo xíin na ndikuiso na ndóꞌo̱, ta ni köo xíin na kuni soꞌo na ya káꞌan ndo, ta vaꞌa kana koo ndo veꞌe na, án ñuu na, kisi ndo yaa ya chi̱chi xaꞌa ndo, ya ná kundaa ini na ku̱ndasi na ndóꞌo̱.

San Mateo 10:40

’Ndiꞌi na ndíkiꞌin vaꞌa ndóꞌo̱, ta yeꞌe ku i ndíkiꞌin na, ta ndiꞌi na ndíkiꞌin yeꞌe ta ndíkiꞌin na Iva i Ndioxi, ra ti̱ꞌvi yeꞌe vaxi i.

San Lucas 11:7

Ta ná ndikuiin ra migo ndo ikán kaꞌan ra xiꞌin ndo, kachi ra saa: “Këꞌe un yeꞌe chi xa nda̱si kutu va yeꞌe i xa ndi̱kunduꞌu i kíxi i xiꞌin na vali seꞌe i, yakan küvi ndikoo i taxi i ya ndaꞌa un”, ná kachi ra xiꞌin ndo.

2 Corintios 6:1

Ndóꞌo̱ xiꞌin ndeꞌe, ta iin káchi xáa chiñu yo nuu Ndioxi, yakan xíkan ni nde ya mani nuu ndo ya ná kundàà vií ni ndo ya vaꞌa ndi̱niꞌi ndo nuu Tata yo.

2 Corintios 8:23

Ta ndítuꞌun i xiꞌin ndo xaꞌa ra ñani yo, ra Tito, chi ra ñaa ta ra xáa chiñu xiꞌin i ku ra, ya chíndee taꞌan nde xiꞌin ndo. Ta inka nda ñani yo, ta na veꞌe ñuꞌu ku na tíꞌvi nda ñaa xaa nda, ta saa ni ndee ni káñuꞌu nda Tata yo Jesucristo.

Filipenses 4:3

Ta yóꞌo̱, ñani yo, yóꞌo̱ vaꞌa ni xáa chiñu xiꞌin i ku un, ta xíkan ni i ya mani nuu un chindee taꞌan un xiꞌin ná kuꞌva yo ñaa ya ná ndikitaꞌan vaꞌa ná xiꞌin taꞌan ná. Saa chi ná ñaa ku ná chi̱ndee ni yeꞌe xiꞌin ra ñani yo ra Clemente tin inka ka na ya ndi̱xita ka tuꞌun vaꞌa xaꞌa Tata yo Jesucristo kuaꞌan ya. Chi na ñaa ta xa ndi̱kundoso kivi na nuu tutu Ndioxi, nuu ndíkundoso kivi na kutaku ikan Ndioxi.

Colosenses 4:11

Saa tu ra Jesús, ra káꞌan na xiꞌin Justo, tíꞌvi ra tuꞌun mani xaa nuu ndo. Ndisaa nda yóꞌó ku nda ku judío, nda kándixa Jesucristo chíndee taꞌan ni xiꞌin i xáa chiñu nde xaꞌa chiñu nuu xáꞌnda chiñu Ndioxi. Ta vaꞌa ni xáꞌa nda ndee xiꞌin i síndiko ni nda ini i.

1 Tesalonicenses 3:2

ta ti̱ꞌvi nde ra Timoteo, ñani yo, xaa ra nuu ndo koto ra ndóꞌo̱. Ta ra ñaa iin káchi vaꞌa ni xáa chiñu ra nuu Ndioxi xiꞌin nde, káꞌan ndoso ra tuꞌun vaꞌa xaꞌa Tata yo Jesucristo. Ta ti̱ꞌvi nde ra xaa ra nuu ndo koto ra ndóꞌo̱, ya chindee ra ndóꞌo̱ kandixa ni ka ndo tuꞌun xaꞌa Tata yo Jesucristo, saa xaꞌa ni ra ndee xiꞌin ndo,

FILEMÓN 1:2

Saa káꞌan ndioxi tu nde xiꞌin yá kuꞌva yo, yá Apia, yá kúꞌvi ni ini nde xíni nde, xiꞌin ra Arquipo ñani yo. Iin káchi ndee ni xáa chiñu ra tá kuꞌva xáa chiñu ndeꞌe nuu Tata yo Jesucristo. Saa káꞌan ndioxi tu nde xiꞌin na veꞌe ñuꞌu, na ndíkitaꞌan xiꞌin un veꞌe un.

FILEMÓN 1:24

Ta káꞌan ndioxi tu ra Marcos ñani yo xiꞌin ra Aristarco tin ra Demas xiꞌin ra Lucas ñani yo, nda xáa chiñu xiꞌin i yóꞌó. Káꞌan ndioxi ni nda xiꞌin ndo.

3 Juan 1:10

Xaꞌa ya ñaa kua kúni i kaꞌan i xiꞌin ra tá ná xaa i ñaa, saa chi väꞌa íkan ra xíka ra xiꞌin cuento vata xaꞌa nde. Ta süvi ndisaa ya yóꞌó kua íkan ra, chi nda na taꞌan yo na xáa veꞌe ra ta köo xíin ra ndikuiso vií ra na, tá ndá na kúni ndikuiso ñaꞌa, ta köo táxi ra ndikuiso ñaꞌa na, ta saa táxin ra na kána koo na veꞌe ñuꞌu.

3 Juan 1:7

Chi na ñaa ta ka̱na koo na xíka na chiñu nuu Tata yo Jesucristo, ta nda iin ñaꞌa köo ndúku na nuu na köo xíni Ndioxi.

3 Juan 1:9

Xa ta̱a i iin tutu kuaꞌan ndaꞌa na veꞌe ñuꞌu nuu íyo un, ta ra Diótrefes ku ra kútoo ni xaa kaꞌnu xiꞌin mií, chi köo xíin ra xaa súvi ra ya káꞌan nde xiꞌin ra.