3 Juan 1:1 - Xochapa Mixteco

¹ Yeꞌe ku ra xikuaꞌa ndíso chiñu nuu na ndíkun Jesucristo, ta táa i tutu yóꞌó xaa ya ndaꞌa un ñani mani yo, ra Gayo, saa chi yeꞌe ta ndixa ni kúꞌvi ini i xíni i yóꞌo̱.

3 Juan 1:1 Iomraidhean Croise

Los Hechos 11:30

Saa ndi̱xiyo ya i̱kan na, ta ta̱xi na xuꞌun ikán ndaꞌa ra Bernabé xiꞌin ra Saulo, kuaꞌan xiꞌin nda taxi nda ndaꞌa na xikuaꞌa na kándixa Jesús ndóo estado Judea.

Los Hechos 19:29

Ñaa iin ndi̱siso ndiꞌi na ñuu, ndá síso ndáꞌi na. Ta saa ti̱in na uvi nda taꞌan ra Pablo, ra náni Gayo xiꞌin ra Aristarco, nda ke̱e chí estado Macedonia. Tá ti̱in ñaꞌa na, saa ndi̱kundaka na nda kuaꞌan nda xiꞌin na nuu si̱kuaꞌa na ndíkitaꞌan kuaꞌa ni naꞌa, ya káꞌan na xiꞌin teatro.

Los Hechos 20:4

Ta nda kuaꞌan xiꞌin ra Pablo ku ra Sópater, ra ke̱e ñuu Berea, inka ra Aristarco xiꞌin ra Segundo nda ke̱e ñuu Tesalónica ku uvi saa nda ikán, ta inka ra Gayo ke̱e ñuu Derbe xiꞌin ra Timoteo, ta ra Tíquico tin ra Trófimo ku nda ke̱e chí estado Asia. Ndiꞌi nda ikán ku nda kuaꞌan xiꞌin ra Pablo ndi̱xaa nda xiꞌin ra nda estado Asia ikán.

ROMANOS 16:23

Saa tíꞌvi tu ra ñani yo, ra Gayo, tuꞌun mani xaa nuu ndo. Veꞌe ra Gayo yóꞌó ku nuu íyo yeꞌe Pablo vitin. Ta táxi ra veꞌe ra nuu ndíkitaꞌan ndiꞌi nde veꞌe ñuꞌu. Saa tíꞌvi tu ra Erasto, ñani yo, tuꞌun mani xaa nuu ndo. Ra ikán ku tesorero, ra ndíso chiñu xiꞌin xuꞌun ñuu. Ta tíꞌvi tu ra ñani yo ra Cuarto va, tuꞌun mani xaa nuu ndo, ya káꞌan ndioxi ra xiꞌin ndo.

1 Corintios 1:14

Táxi ni i tixaꞌvi ndaꞌa Ndioxi, chi nda iin ndo köo ndi̱sikúchi i, iindaa ra Crispo xiꞌin ra Gayo ku nda si̱kuchi i.

1 Pedro 5:1

Ta xáku ndaꞌvi ni i nuu nda ñani yo, nda xikuaꞌa nda ñúꞌu xiꞌin ndo, nda ndóso nuu na ñani yo na veꞌe ñuꞌu, nda xikuaꞌa taꞌan yeꞌe. Chi yeꞌe ta ndíkuiin i xaꞌa Tata yo Jesucristo ya ndee ni ndi̱xuꞌvi ra xaꞌa yo. Ta kivi tá ná ndiko koo ra ta saa kuni yo ya yéꞌe̱ luvi ni xiꞌin ndee chee ni kúu mií ra, ya ndituvi kuni yo.

1 Juan 3:18

Ndóꞌo̱ ñani yo xiꞌin kuꞌva yo, tá íin seꞌe i saa íin ndo, ta káꞌan i xiꞌin ndo: Käꞌan ndo ndisaa tuꞌun mií xiꞌin taꞌan ndo, sundi ikan ndo ya vaꞌa xiꞌin ya ndaa nuu sínaꞌa ya ndixa kúꞌvi ini ndo xíni taꞌan ndo.

3 Juan 1:2

Ñani mani, káꞌan ni i xaꞌa un xiꞌin Ndioxi ya ná kana vaꞌa ndiꞌi ya íkan un, ta ná käni kueꞌe yóꞌo̱, saa ná koo vaꞌa ni ini un tá kuꞌva xíka vaꞌa ni un xiꞌin Ndioxi.