2 Juan 1:1 - Xochapa Mixteco

¹ Yeꞌe Juan, ra xikuaꞌa nuu na veꞌe ñuꞌu ku ra táa tutu yóꞌó xaa ya ndaꞌa ndóꞌo̱ na veꞌe ñuꞌu, na ndi̱kaxin Iva yo Ndioxi. Saa xaa tu ya ndaꞌa na xa ndi̱kaꞌan ndo xiꞌin xaꞌa tuꞌun ra ya ndaa, chi ndóꞌo̱ ku ndo kúꞌvi ni ini i xíni i. Ta süvi ndisaa yeꞌe ku ra kúꞌvi ini xíni ndóꞌo̱, ndiꞌi na xa ku̱ndaa ini xaꞌa ya ndaa ku na kúꞌvi ini xíni ndóꞌo̱.

2 Juan 1:1 Iomraidhean Croise

San Lucas 1:3

Ta saa tu yeꞌe va, kuekuee ndi̱nduku vaꞌa ndiꞌi i xaꞌa ya, ndá kuꞌva ndi̱xiyo ndiꞌi ya i̱kan ra xiꞌin ya si̱naꞌa ra kivi núnu̱ú, yakan kua tíꞌvi i tutu yóꞌó xaa ya nuu un ñani yo,

San Juan 8:32

Ta saa kundaa vaꞌa ini ndo xaꞌa ya ndaa, ta ya ndaa yóꞌó kua taxi ichí ndaꞌa ndo saña ndíka ndo ―káchi ra xiꞌin na.

Los Hechos 11:30

Saa ndi̱xiyo ya i̱kan na, ta ta̱xi na xuꞌun ikán ndaꞌa ra Bernabé xiꞌin ra Saulo, kuaꞌan xiꞌin nda taxi nda ndaꞌa na xikuaꞌa na kándixa Jesús ndóo estado Judea.

ROMANOS 16:13

Saa kaꞌan ndioxi tu ndo xiꞌin ra Rufo, chi vaꞌa ni taa ku ra, ra ndi̱kaxin Ndioxi ku ra. Ta kaꞌan ndioxi tu ndo xiꞌin siꞌí va ra, tá káa siꞌí mií i saa káa yá.

Gálatas 2:14

Tá xi̱ni i ya i̱kan nda saa, köo ndi̱kan nda tá kuꞌva káꞌan tuꞌun vaꞌa xaꞌa Tata yo Jesucristo, saa ndi̱kaꞌan i xiꞌin ra Pedro, nuu ndiꞌi nda ndi̱kaꞌan i xiꞌin ra, káchi i saa: “Yóꞌo̱, Pedro, ta ra judío ku un, ta íkan un tá kuꞌva íkan na köo kúu judío, köo íyo un tá kuꞌva íyo na judío taꞌan yo. Xaꞌa ya íkan un saa ta tá káa ra xáa nduxa xiꞌin na ya xaa súvi na kuꞌva kándixa na judío taꞌan yo, saa íkan un, väꞌa íkan un ya íkan un saa”.

Gálatas 2:5

Ta ndeꞌe, ta nda loꞌo köo ndi̱kandixa nde ya ndi̱kaꞌan nda vata ikán, chi kúni nde ná koo tuꞌun vaꞌa xaꞌa Jesucristo, ya ndaa, nima ndo.

Gálatas 3:1

¿Ndachu kíꞌvi ni íkan ndo, ñani yo, na ñuu Galacia? ¿Ta unku na sa̱ka ini ndo ya köo xíin ka ndo kandixa ndo ya ndaa si̱naꞌa nde ndóꞌo̱ xaꞌa Jesucristo? Chi tá si̱naꞌa i ndóꞌo̱ ta ndee ni va teꞌe si̱naꞌa i ndóꞌo̱ xaꞌa ya ndi̱xiꞌi ra nuu cruzin xaꞌa kuachi ndiꞌi yo.

Gálatas 5:7

Ta ndóꞌo̱, ta vaꞌa ni va xa̱a súvi ndo ndi̱xika ndo ichí ra ya ndaa. Ta ¿unku na si̱ndaꞌvi ndóꞌo̱ ya kündikun ka ndo ichí ra?

Colosenses 1:5

Íkan ndo saa ndáa ni ini ndo Ndioxi, saa kúꞌvi ni ini ndo xíni ndo ra chi ku̱ndaa teꞌe ini ndo ya niꞌi ndo ñaꞌa nuu ra, ya chi̱vaꞌa ra xaꞌa ndo nuu ndivi. Chi xa ku̱ndaa teꞌe ni ini ndo tá xi̱ni soꞌo ndo tuꞌun vaꞌa ya ndaa ni xaꞌa Tata yo Jesucristo.

1 Timoteo 2:4

Chi ya kúni ra kua ná kaku ndiꞌi naꞌa, ta saa ná kundaa ini ndiꞌi na xaꞌa ya ndaa.

HEBREOS 10:26

Saa chi tá tu xa kúndaa teꞌe ini yo xaꞌa ya ndaa, ta íkan ka yo ya väꞌa, ta ndaꞌvi ni va mií yo, saa chi köo ka inka ñaꞌa soko Jesucristo ya xaa kaꞌnu ini Ndioxi xaꞌa kuachi yo.

1 Pedro 1:2

Saa chi xa yachi vi ndi̱kaxin Ndioxi ndóꞌo̱, saa nda̱sa vaꞌa ra ndóꞌo̱ tixin Tachi ra. I̱kan ra saa xiꞌin ndo chi kúni ra xa̱a súvi ndo ya ndi̱kaꞌan ra, saa nda̱sa i̱í ra ndóꞌo̱, ya ná xaa súvi ndo ya káꞌan ra xiꞌin ndo, ta tixin nií Tata yo Jesucristo kua ndi̱kata ra kuachi ndo. Ta mií Iva yo Ndioxi ná taxi ni ka ya vaꞌa ndaꞌa ndo xaꞌa ya kúꞌvi ni ini ra xíni ra ndóꞌo̱, saa ná koo vaꞌa ni ndo.

1 Pedro 5:1

Ta xáku ndaꞌvi ni i nuu nda ñani yo, nda xikuaꞌa nda ñúꞌu xiꞌin ndo, nda ndóso nuu na ñani yo na veꞌe ñuꞌu, nda xikuaꞌa taꞌan yeꞌe. Chi yeꞌe ta ndíkuiin i xaꞌa Tata yo Jesucristo ya ndee ni ndi̱xuꞌvi ra xaꞌa yo. Ta kivi tá ná ndiko koo ra ta saa kuni yo ya yéꞌe̱ luvi ni xiꞌin ndee chee ni kúu mií ra, ya ndituvi kuni yo.

1 Pedro 5:13

Ta tíꞌvi ni na taꞌan yo, na ndíkun Tata yo Jesucristo ndóo ñuu Babilonia tuꞌun mani xaa nuu ndo. Na yóꞌó ku na ndi̱kaxin ra tá kuꞌva ndi̱kaxin ra ndóꞌo̱. Saa tu ra Marcos, ra íyo tá íyo seꞌe mií i, tíꞌvi ni ra tuꞌun mani xaa ya nuu ndo.

1 Juan 2:21

Táa i tutu yóꞌó xaa ya ndaꞌa ndo, chi xa xíni ndo ya ndaa ta süvi ndo täꞌan kundaa ini xiꞌin ya ndaa ku ndo. Chi ndóꞌo̱ ta xa kúndaa vaꞌa ini ndo xiꞌin ya ndaa, saa chi nuu íyo ya ndaa, ta köo ka ya vata íyo.

1 Juan 3:18

Ndóꞌo̱ ñani yo xiꞌin kuꞌva yo, tá íin seꞌe i saa íin ndo, ta káꞌan i xiꞌin ndo: Käꞌan ndo ndisaa tuꞌun mií xiꞌin taꞌan ndo, sundi ikan ndo ya vaꞌa xiꞌin ya ndaa nuu sínaꞌa ya ndixa kúꞌvi ini ndo xíni taꞌan ndo.

2 Juan 1:13

Ta tíꞌvi ni tu na ñani yo, na veꞌe ñuꞌu, na ndi̱kaxin Ndioxi tuꞌun mani xaa nuu ndo ñani. Saa ná koo.

2 Juan 1:5

Ta vitin xíkan ni i ya mani nuu ndo, síndikaꞌan i ndóꞌo̱ xaꞌa tuꞌun ya xa xi̱ni soꞌo ndo yachi, saa chi ya ikán kua xáꞌnda chiñu nuu yo ya ná kuꞌvi ni ini yo kuni taꞌan yo ta xa xíni ndo ya yóꞌó, süvi ya xa̱á kua xáꞌnda chiñu i nuu ndo.

3 Juan 1:1

Yeꞌe ku ra xikuaꞌa ndíso chiñu nuu na ndíkun Jesucristo, ta táa i tutu yóꞌó xaa ya ndaꞌa un ñani mani yo, ra Gayo, saa chi yeꞌe ta ndixa ni kúꞌvi ini i xíni i yóꞌo̱.