1 Juan 4:1 - Xochapa Mixteco

¹ Ñani yo, ndóꞌo̱ ku ndo kúꞌvi ni ini i xíni i, ta vitin káꞌan i xiꞌin ndo. Kändixa ndo ndiꞌi na káꞌan Tachi I̱í Ndioxi síkaꞌán ini na kaꞌan na, káchi na. Chi vitin ta xa kuaꞌa ni na vata ka̱na koo ñuu ivi yóꞌó, ta káꞌan na síkaꞌán Tachi Ndioxi ini na kaꞌan na tuꞌun ra.

1 Juan 4:1 Iomraidhean Croise

San Marcos 13:21

’Tá ndá na káꞌan xiꞌin ndo: “Koto ndo, yóꞌó íin ra ti̱ꞌvi Ndioxi vaxi sikaku yoo”, án ‘‘Koto ndo, kaa íin ra vaxi sikaku yoo’’, káchi na xiꞌin ndo, ta kändixa ndo na.

San Lucas 12:57

Saa ndi̱kaꞌan ka ra xiꞌin na káchi ra saa: ―Án vaꞌa ná xaa nani mií ndo kuachi ndóꞌo ndo xiꞌin taꞌan ndo. Vaꞌa ikan ndo ya xiꞌin ya ndaa.

San Lucas 21:8

Ta saa ndi̱kuiin Jesús, káchi ra saa: ―Kuenta ni koo ndo ya ná sïndaꞌvi naꞌa ndóꞌo̱. Saa chi kixi sava taa sindaꞌvi nda ndóꞌo̱, kaꞌan nda xiꞌin ndo, nda ikán ku nda ti̱ꞌvi Ndioxi vaxi sikaku na ñuu ivi yóꞌó, kachi nda. Ta saa kaꞌan tu nda, xa yati ni ti̱ndaa tiempo, kachi nda xiꞌin ndo. Ta kündikun ndo nda.

Los Hechos 17:11

I̱í va ini na ñuu Berea ikán nuu na ñuu Tesalónica, chi vaꞌa ni ka va ndi̱kiꞌin na ikán tuꞌun Ndioxi ya káꞌan ra Pablo xiꞌin na. Ndiꞌi saa kivi síkuaꞌa na tuꞌun Ndioxi ya kundaa vaꞌa ka ini na án ya ndixa kua káꞌan ra Pablo xiꞌin na.

Los Hechos 20:29

Chi xíni i, tá köo ka i íyo xiꞌin ndo ta kixi naꞌa sindaꞌvi na ndóꞌo̱. Tá íkan kiti ndivaꞌi xáa nduvaꞌa ni ri xiꞌin levo saa ikan na xiꞌin ndo, xaa nduvaꞌa ni na xiꞌin ndo.

1 Corintios 12:10

Sava tuku na níꞌi ndee vaꞌa ni nuu Tachi I̱í Ndioxi ya ikan na yatuꞌun Ndioxi. Sava tuku na níꞌi ndee vaꞌa ni ya kaꞌan ndoso na tuꞌun yuꞌu Ndioxi. Sava tuku na níꞌi ndee vaꞌa ni ya ndíkuni na tá káꞌan Tachi I̱í Ndioxi, ta ndíkuni tu na tá káꞌan tachi nduvaꞌa, ya nǎꞌa. Sava tuku na níꞌi ndee vaꞌa ni ya káꞌan na kuaꞌa ni nuu tuꞌun. Sava tuku na níꞌi ndee vaꞌa ni ya síndiko koo na tuꞌun ya káꞌan inka naꞌa.

1 Corintios 14:29

Tá xáa na káꞌan ndoso tuꞌun yuꞌu Ndioxi káꞌan na, ta vaꞌa ná kaꞌan uvi na án uni na. Ta ndiꞌi ka ndo, taa ni soꞌo ndo ya káꞌan na, án ndixa tuꞌun Ndioxi kua káꞌan na án süvi ya.

1 Tesalonicenses 5:20

Kündasi nuu ndo kuni ndo tuꞌun Ndioxi ya síkaꞌán ra ini naꞌa kaꞌan na xiꞌin ndo.

1 Tesalonicenses 5:21

Sundi koto ndoso ndo ndiꞌi tuꞌun ya káꞌan na xiꞌin ndo sínaꞌa na ndóꞌo̱, tá tu ya ndaa kua ta ndikiꞌin ndo ya.

2 Tesalonicenses 2:2

täxi ndo ndinama kama ni ini ndo xaꞌa ya káꞌan na xiꞌin ndo, síꞌvi na ndóꞌo̱ ya si̱kaꞌan Ndioxi ini na kaꞌan na tuꞌun yuꞌu ra ya xa ndi̱ko koo Tata yo Jesucristo ñuu ivi yóꞌó, án kaꞌan na xiꞌin ndo ndá ka tuꞌun ya taa na tutu xaa ya nuu ndo nuu síndaꞌvi na ndóꞌo̱, ya ta̱a ndeꞌe ya xaa ya nuu ndo, káchi na xiꞌin ndo, ta ni süvi ya ndaa kua.

1 Timoteo 4:1

Ta ndee ni va téꞌe ndi̱kaꞌan Tachi I̱í Ndioxi xaꞌa naꞌa, na koo tá xa kuaꞌan kúyati ndiꞌi xaꞌa ñuu ivi, chi sava na ikán ta sindikoo na ya kándixa na Tata yo Jesucristo, ta saa xáa na kuni soꞌo na ya káꞌan tachi nduvaꞌa xiꞌin na, án ya vata sínaꞌa tachi nǎꞌa na.

2 Timoteo 3:13

Ta naꞌa, na íkan ya väꞌa xiꞌin nda síndaꞌvi naꞌa, ta iin iin kivi ndúkuaꞌa ka ya väꞌa íkan na, saa síndaꞌvi ka na naꞌa, ta saa síndaꞌvi tu naꞌa mií va nda.

2 Pedro 2:1

Tá kuiya xinaꞌa ta ndi̱xiyo nda vata, nda ndi̱kaꞌan ndoso tuꞌun yuꞌu Ndioxi tañu na ñuu Ndioxi, ta saa koo tu nda tañu ndóꞌo̱ va. Ta ni kündaa ini ndo ndá kuꞌva xáa nda nama nda tuꞌun Ndioxi ya sínaꞌa nda ndóꞌo̱, nda ndikuaa tu nda Tata yo Jesucristo va, ra ki̱xi ndi̱xiꞌi xaꞌa nda ya si̱kaku ñaꞌa ra. Xaꞌa ya íkan nda saa ta kama ni sindiꞌi nda xaꞌa mií va nda.

1 Juan 2:18

Ndóꞌo̱ kándixa Tata yo Jesucristo ta tá íin seꞌe i saa íin ndo. Xaꞌa ya ñaa kua káꞌan i xiꞌin ndo, xa kuaꞌan kúyati ni ndiꞌi xaꞌa ñuu ivi yóꞌó. Ta xa xi̱ni soꞌo ndo vaxi iin ra sáa ini xíni Tata yo Jesucristo. Saa ni xa íyo kuaꞌa ni naꞌa, na íkan saa. Ta xaꞌa ya ñaa kua kúndaa ini yo xa kuaꞌan kúyati ni ndiꞌi xaꞌa ñuu ivi.

1 Juan 2:7

Ñani yo xiꞌin kuꞌva yo, ya xáꞌnda chiñu i nuu ndo vitin, ta süvi iin ya xa̱á kua, chi suvi tuꞌun ya xa xi̱ni soꞌo ndo tá kivi sikan ka̱ndixa ndo Tata yo Jesucristo ku ya. Taꞌan tuꞌun ikán kua táa i nuu tutu yóꞌó xaa ndaꞌa ndo. Tuꞌun yata, ya xa xi̱ni soꞌo ndo yachi tá núnu̱ú vi kua káꞌan i xiꞌin ndo.

2 Juan 1:7

Kuenta ni koo ndo chi xa kuaꞌa ni na vata íyo ñuu ivi yóꞌó, ta na ñaa ta köo xíin na ndikuni na Jesucristo ya ki̱xi ra ñuu ivi yóꞌó ta ndu̱u ra ra ivi taꞌan mií yo ivi yóꞌó. Ndiꞌi na köo xíin ndi̱kuni ñaꞌa ta na ñaa ku na vata, na sáa ini xíni Jesucristo.

3 Juan 1:11

Ñani yo, kündikun un ichí na íkan ya väꞌa, ichí na íkan ya vaꞌa kundikun un. Saa chi na íkan ya vaꞌa ta na ñaa ku seꞌe Ndioxi, ta na íkan ya väꞌa ta täꞌan kuni na Ndioxi.

El Apocalipsis 2:2

Xa xíni i xaꞌa ndiꞌi ya vaꞌa íkan ndo, saa xíni i ndee ni ndee xáa chiñu ndo nuu i, saa xíni i ya xáꞌa ndee ni ini ndo xiꞌin ya tíxuꞌvi ndo. Ta xíni i ya kúndasi ni nuu ndo xíni ndo naꞌa, na íkan ya väꞌa. Saa xíni i ya xi̱to ndoso ndo nda káꞌan xáa chiñu nda nuu Iva yo Ndioxi, ta süvi ya ndaa ku ya xáa chiñu nda nuu ra.