1 Juan 3:4 - Xochapa Mixteco

⁴ Ta ndiꞌi na íkan ya väꞌa ta yáꞌa tu na ikán va nuu ley Ndioxi. Chi na kuakiꞌvi kuachi xiꞌin ra ta yáꞌa na nuu ley ra.

1 Juan 3:4 Iomraidhean Croise

San Mateo 5:19

Yakan kua, ndá ka mií ndo yáꞌa ndoso ley yóꞌó, ni loꞌo ni kua yáꞌa ndo ya, ta saa íyo ya sínaꞌa ndo naꞌa ya kandixa na ya, ta saa ikan tu Ndioxi xiꞌin ndóꞌo̱ va, vali ni koo ndo nuu xáꞌnda chiñu ra. Sundi tá ndá ka mií ndo xáa súvi ya káꞌan Ndioxi, ta saa íyo ya sínaꞌa ndo naꞌa, ta nduu ndo iin naꞌa, na ndee ni ndee ka nuu xáꞌnda chiñu Ndioxi.

Los Hechos 23:3

Saa ndi̱kuiin ra Pablo káꞌan ra: ―Vaxi kivi ta kani tu Ndioxi yóꞌo̱ va, chi yóꞌo̱ uvi yuꞌu ku un ta chiñu nuu un kua xaa nani un kuachi i ikan un ya ndaa xiꞌin i tá kuꞌva káꞌan ley yo, ta yóꞌo̱ köo íkan un saa xiꞌin i, yáꞌa un nuu ley xaꞌa ya xáꞌnda un chiñu ya kani nda yeꞌe ―káchi ra Pablo xiꞌin ra.

ROMANOS 3:20

Ta nda iin naꞌa küchiñu nduu na naꞌa, na vaꞌa nuu Ndioxi xaꞌa ya kúni na xaa súvi na ley ra. Saa chi ya xáa nduxa na kúni na sixinu na ley ra, ta ya kúndaa ini na xaꞌa íyo kuachi na nuu va ra ku ya.

ROMANOS 4:15

Chi ley Ndioxi ta tindoꞌo va ku ya táxi ya tá yáꞌa ndoso na ya. Chi tá köo káꞌan ya saa, ta köo kuachi ndíso na, ndikuu.

2 Corintios 12:21

Yakan ndíꞌi ka vi ini i tá ná xaa i koto i ndóꞌo̱, chi ndee ni ìyo si̱kaꞌán Ndioxi nuu i chi sana täꞌan ndiko koo ini ndo xaꞌa kuachi ndo ya íkan ndo yachi. Ta xaꞌa ya íkan ndo saa, ta án sana nda kuaku suchi ni ini i xaꞌa sava ndo, chi täꞌan sindoo ndo ñaꞌa väꞌa íkan ndo, xíka sií yaa va ndo xiꞌin taꞌan ndo, ta saa íkan ndo ñaꞌa ya kaꞌa̱n ni nuu.

Santiago 5:15

Tá ndáa ni ini mií na xikuaꞌa ikán Ndioxi ta sinduvaꞌa ra mií na kúꞌvi, nduvaꞌa na. Saa tá ndá ya väꞌa i̱kan na ta xaa kaꞌnu ini Ndioxi xaꞌa kuachi na.

1 Juan 5:17

Saa chi ndiꞌi kúu ya väꞌa íkan yo, ta kuachi ku ndiꞌi ya nuu Ndioxi. Sundi íyo kuachi ya köo síndiꞌi xaꞌa yoo.