1 Juan 3:2 - Xochapa Mixteco

² Ñani mani, vitin ta xa seꞌe Ndioxi kúu yoo, ta köo xíni yo ndá kuꞌva nduu yo kivi ná ndiko koo tuku Tata yo Jesucristo ñuu ivi yóꞌó. Sundi yoo ta kúndaa ini yo, kivi ná ndiko koo ra ta nduu yo tá kuꞌva káa mií ra, saa chi kivi ikán ta kuni xiꞌin nuu yo ra tá kuꞌva káa ra.

1 Juan 3:2 Iomraidhean Croise

San Mateo 5:8

’Vaꞌa ni kée ndo tá tu ndinuꞌu ni ini ndo kúu ndo naꞌa, na kúu mií nima vaꞌa nuu Ndioxi, chi vaxi iin kivi ta kuni ndo Ndioxi.

San Lucas 17:30

Tá ku̱u tiempo ikán, köo ndi̱xika ini na ndiꞌi xaꞌa na, ta ndi̱ꞌi xaꞌa na. Saa kuu ñuu ivi yóꞌó kivi ná ndiko koo yeꞌe, Taa ra xa̱a ñuu ivi yóꞌó.

San Lucas 20:36

Saa chi nuu ndivi köo ka na kuvi, tá íin na tatun Ndioxi, saa nduu na. Ta nduu na seꞌe Ndioxi xaꞌa ya ndi̱taku na i̱kan ra.

San Juan 1:12

Sundi tá kúu ndiꞌi na ndíkiꞌin vaꞌa ñaꞌa, ta kándixa na kivi ra. Ta ndaꞌa na ikán kua táxi ra ichí ndúu na seꞌe Ndioxi.

San Juan 11:52

Ta süvi xaꞌa ndisaa na judío kua kuvi ra, sundi ndi̱kaꞌan ra saa ya ná ndikitaꞌan ndiꞌi ni kúu na nduu seꞌe Ndioxi, na ndi̱xita yava ñuu ivi.

San Juan 17:24

’Tata Iva yo, na ta̱xi un ndaꞌa i ndíkun yeꞌe, ta kúni i ná koo na xiꞌin i nuu ndivi nuu koo i. Saa kuni na ndiꞌi ya vaꞌa, ya luvi ta̱xi un ndaꞌa i, saa chi yóꞌo̱ ta kúꞌvi ni ini un xíni un yeꞌe, nda tá täꞌan xikoo xaꞌa ñuu ivi yóꞌó vi kúꞌvi ni ini un xíni un yeꞌe.

ROMANOS 8:16

Suvi mií Tachi I̱í Ndioxi ndítuꞌun teꞌe ya xiꞌin tachi yo, ya kúu yo seꞌe Ndioxi.

ROMANOS 8:18

Ya ndaa ni káꞌan i xiꞌin ndo, ndiꞌi ya ndóꞌo yo ñuu ivi yóꞌó tíxuꞌvi ni yo vitin, ta ni süvi ya ndee ku ya nuu ya taxi Ndioxi ndaꞌa yo. Ndee ni ka koo ya niꞌi yo nuu ra kivi vaxi.

ROMANOS 8:19

Ta vitin ndiꞌi ñaꞌa si̱kuaꞌa Ndioxi ndátun ni ya, ta kúni ya ná tindaa kíi kivi ya sinaꞌa Ndioxi ya kúu yo seꞌe ra.

ROMANOS 8:29

Ta tá täꞌan ka kuaꞌa ñuu ivi yóꞌó, ta xa xíni mií ra unku na ndi̱kaxin ra ya kundikun na ra. Xa saa chi̱tuni mií ra ya nduu na seꞌe ra tá kuꞌva káa Jesucristo Seꞌe ra. I̱kan ra saa ya ná nduu Jesucristo, ra núnu̱ú nuu ndiꞌi ñani ra xiꞌin kuꞌva ra.

1 Corintios 13:12

Kuꞌva saa íyo ya ndóꞌo yo vitin, tá ndóꞌo naꞌa, na xíto nuu yu̱ú tatan, ya kuaꞌan kúxana nuu va, saa íyo ya ndóꞌo yo. Sundi vaxi kivi ta saa kua kundaa teꞌe ini yo xaꞌa ndiꞌi ya, chi saa kua kuni xiꞌin nuu yo Ndioxi. Loꞌo ni va kúndaa ini yo xaꞌa ra vitin, ta vaxi kivi saa kua kundaa teꞌe ini yo xaꞌa ndiꞌi kúu ñaꞌa. Ta saa kua kuni vaꞌa yo Ndioxi tá kuꞌva káa ra, tá kuꞌva xíni ra yoo.

1 Corintios 15:49

Ta vitin kúu mií yo ikin kuñu yo tá ndi̱xiyo ikin kuñu taa ra núnu̱ú, ra ndi̱kuaꞌa xiꞌin ñuꞌú. Sundi sindiꞌi kuu mií yo ikin kuñu yo taꞌan ikin kuñu taa ra ke̱e nuu ndivi.

1 Corintios 2:9

Ta ndaꞌa yóo kua ta̱xi Ndioxi ya, tá káꞌan tuꞌun ra ya ta̱a na xinaꞌa, káchi ya saa: Nda iin naꞌa täꞌan ndikani ini xaꞌa ya si̱kuaꞌa Ndioxi xaꞌa yoo kúꞌvi ni ini ra xíni ra, ni täꞌan kuni xiꞌin nuu na ya, ta ni täꞌan kuni soꞌo na ya.

2 Corintios 3:18

Yakan kua tá kúu ndiꞌi yo kándixa Tata yo Jesucristo, ta köo ndási ka nuu yo, vaꞌa xíto teꞌe yo, yakan kua tá íin yu̱ú tatan saa íin yo chi sínaꞌa teꞌe yo ya luvi ni íkan ra xiꞌin ya ndee ni luvi kúu mií ra. Ta saa kua ndúu yo tá kuꞌva káa mií Tata yo Jesucristo. Ta ya ndínama yo iin iin kivi ta mií Tata yo Jesucristo ra kúu Tachi ku ra íkan saa xiꞌin yo.

2 Corintios 4:17

Chi tindoꞌo ya ndee ni ndóꞌo nde vitin tíxuvi nde, ta ni süvi ya ndee ni kua, ya yáꞌa va kua, ni köo ítaꞌan ya xiꞌin ñaꞌa ya ndee ni luvi táxi Ndioxi ndaꞌa nde níꞌi nde nuu ra, ta ya táxi ra ndaꞌa nde ta köo ndíꞌi xaꞌa nda iin ichí.

Gálatas 3:26

Chi xaꞌa ya kándixa yo Jesucristo kua ndúu ndiꞌi yo seꞌe Ndioxi vitin.

Gálatas 4:6

Ta xaꞌa ya ndu̱u yo seꞌe Ndioxi, yakan vaꞌa ta̱xi ra Tachi I̱í Seꞌe ra ndaꞌa yo íyo ya nima yo. Ta mií ya ku ya síkaꞌán ini yo ya vaꞌa kaꞌan yo xiꞌin ra, kachi yo soꞌva: “Iva mani mií i”, kachi yo xiꞌin ra.

Filipenses 3:21

Ta ndinama ra ikin kuñu yo ya vita ni kúu mií yo, saa nduu ya tá káa ikin kuñu mií ra, ya luvi ni. Ta xiꞌin ndee kúu mií ra ya xáꞌnda chiñu ra nuu ndiꞌi ñaꞌa kua ndisama ra yoo.

Colosenses 3:4

Tá ná ndiko koo Jesucristo, ra táxi táku ndo, ta iin káchi nduu ndo xiꞌin ra, saa ndikundixi níí ndo ya vaꞌa, ya luvi ni xiꞌin ra.

HEBREOS 9:28

Saa chi saa i̱kan Jesucristo iin ichí va ndi̱xiꞌi ra ya ndi̱soko ra mií ra nuu ndi̱kata ra kuachi kuaꞌa ni naꞌa. Ta sindiꞌi, tá ná ndiko koo tuku ra ichí uvi, ta kïxi ka ra ya kuvi ra xaꞌa kuachi yo, sundi kixi ra sikaku ra yo ndátun ñaꞌa.

2 Pedro 1:4

Tixin ya yóꞌó kua ndi̱niꞌi yo ya luvi ni, ya yáꞌa ni chee ndi̱kaꞌan ra taxi ra ndaꞌa yo, nuu xinu yo koo yo tá kuꞌva káa mií ra, i̱í ni ra. Saa kua kuchiñu yo kunu yo nuu kaku yo nuu ndiꞌi ya väꞌa íyo ñuu ivi yóꞌó, chi ndisaa ya väꞌa kútoo ni mií ikin kuñu na kua íkan na.

1 Juan 2:28

Ta káꞌan tuku i xiꞌin ndo ñani yo, ndóꞌo̱ ta tá íin seꞌe i na kúꞌvi ni ini i xíni i, saa íin ndo. Ta kutaꞌan vaꞌa ni ndo xiꞌin Tata yo Jesucristo ta saa tá ná ndiko koo ra ñuu ivi yóꞌó ta vaꞌa ni kuni ndo kuyati ndo nuu ra, kükaꞌan nuu ndo kuni ndo ra.

1 Juan 2:7

Ñani yo xiꞌin kuꞌva yo, ya xáꞌnda chiñu i nuu ndo vitin, ta süvi iin ya xa̱á kua, chi suvi tuꞌun ya xa xi̱ni soꞌo ndo tá kivi sikan ka̱ndixa ndo Tata yo Jesucristo ku ya. Taꞌan tuꞌun ikán kua táa i nuu tutu yóꞌó xaa ndaꞌa ndo. Tuꞌun yata, ya xa xi̱ni soꞌo ndo yachi tá núnu̱ú vi kua káꞌan i xiꞌin ndo.

1 Juan 3:1

¡Koto ndo vii! Iva yo Ndioxi ta yáꞌa ni kúꞌvi ini ra xíni ra yoo, yakan táxi ra kunani yo seꞌe ra ta ya ndaa kua kúu yo seꞌe ra. Xaꞌa ya kúu yo seꞌe ra yakan köo kúni na ñuu ivi yóꞌó kuni na mií yo. Saa chi ni mií ra ta köo ndi̱xiin na kuni ñaꞌa na.

1 Juan 3:10

Soꞌva ku nuu kúndaa ini yo xiꞌin na kúu seꞌe Ndioxi tin na kúu seꞌe kiti nǎꞌa. Ndiꞌi na köo íkan ya ndaa xiꞌin na köo kúꞌvi ini xíni taꞌan, ta süvi seꞌe Ndioxi ku na.

1 Juan 3:21

Ñani yo xiꞌin kuꞌva yo, tá tu köo táxi nima yo kuachi xaꞌa yo nuu Ndioxi, ta vaꞌa ndinuu ni ini yo ná kuyati yo nuu ra.

1 Juan 5:1

Ndiꞌi na kándixa ya ti̱ꞌvi Ndioxi Jesús ki̱xi ra sikaku ra yoo, ta na ikán ta seꞌe Ndioxi ndu̱u na. Ndiꞌi na kúꞌvi ini xíni Iva yo, ta kúꞌvi tu ini na xíni na ndiꞌi seꞌe va ra.

El Apocalipsis 2:28

Saa taxi i kiti kimi túvi ndaꞌa na.

El Apocalipsis 22:4

Saa kuni xiꞌin nuu ndiꞌi na Ndioxi, ta saa ndikunuu kivi ra taan na.