1 Juan 3:12 - Xochapa Mixteco

¹² Ná ïkan yo tá i̱kan ra Caín xinaꞌa, xa̱a súvi ra ya kúni kiti nǎꞌa chi xa̱ꞌni ra ñani ra. Xaꞌa ya väꞌa íyo ini ra yakan i̱kan ra saa, ta ya i̱kan ñani ra ta ya vaꞌa i̱kan ra.

1 Juan 3:12 Iomraidhean Croise

San Mateo 13:19

Ndikin ya ndi̱xita yuꞌu ichí ku ya káꞌan xaꞌa na xíni soꞌo tuꞌun xaꞌa nuu xáꞌnda chiñu Ndioxi, ta köo kúndaa ini na xiꞌin ya. Saa vaxi kiti nǎꞌa táva ri tuꞌun Ndioxi nima na ya xi̱ni soꞌo na.

San Mateo 13:38

Ta ñuꞌú nuu chi̱ꞌi ra trigo kúu ñuu ivi yóꞌó. Ta ndikin trigo ku ya káꞌan xaꞌa naꞌa, na xíka ichí nuu xáꞌnda chiñu Ndioxi. Iku ya väꞌa ku ya káꞌan xaꞌa naꞌa, na ndíkun ichí kiti nǎꞌa.

San Mateo 23:35

Yakan sata ndóꞌo̱ kuaꞌan kuachi xaꞌa nií ndiꞌi taa nda vaꞌa, nda ndi̱xiꞌi xinaꞌa, ta xa̱á ya nda xaꞌa tá ndi̱xiꞌi ra Abel. Nda xaꞌa ra ikán xa̱á ya iin saa nda xaꞌa ra Zacarías, seꞌe ra Berequías. Xii sikua ndóꞌo̱ ku nda xa̱ꞌni ra Zacarías kivi xi̱ndichi ra maꞌñu ya kúu yeꞌe veꞌe ñuꞌu kaꞌnu xiꞌin nama nuu sóko na ñaꞌa nuu Ndioxi.

San Mateo 27:23

Saa ndi̱kaꞌan tuku ra Pilato xiꞌin na, káchi ra saa: ―Ta ¿unkua ndee ni i̱kan ra kua? ―káchi ra. Saa ndee ni ka ndi̱kaꞌan ndiꞌi na, káchi na saa: ―¡Chinuu ra ndaꞌa cruzin, ná kuvi ra! ―káchi ndiꞌi na.

San Mateo 5:37

Tá kivi káꞌan ndo xaa súvi ndo chiñu káchi ndo, ta xaa súvi ndo ya, tá káꞌan ndo xäa súvi ndo ya káchi ndo, ta xäa súvi ndo ya. Köo xíniñuꞌu kaꞌan ndo inka tuꞌun ya kandixa naꞌa ndóꞌo̱, chi tá chínuu ndo inka tuꞌun káꞌan ndo ta ya káku xiní kiti nǎꞌa ku tuꞌun ikán ―káchi Jesús.

San Lucas 11:51

Ta nda xaꞌa ra Abel, ra vaꞌa ra ndi̱xiꞌi i̱kan ñani ra, xiꞌin inka ra Zacarías, ra ndi̱kaꞌan ndoso tuꞌun yuꞌu Ndioxi xinaꞌa, ra xa̱ꞌni xii sikua ndo maꞌñu cuarto i̱í xiꞌin nuu xáꞌni na kiti nuu Ndioxi. Ikán ku nuu xa̱ꞌni xii sikua ndo ra. Ta nduku Ndioxi cuenta nuu ndo xaꞌa ra ikán xiꞌin ndiꞌi ka nda ndi̱kaꞌan ndoso tuꞌun yuꞌu ra, saa chi ndóꞌo̱, tá ndi̱xiyo xii sikua ndo, saa íin ndo.

San Juan 10:32

Saa ndi̱kaꞌan Jesús xiꞌin nda, káchi ra saa: ―Kuaꞌa ni ya vaꞌa íkan i nuu ndo xiꞌin ndee Iva i Ndioxi. ¿Ta unku ndiꞌi ya ikán kúni ndo kaꞌni ndo yeꞌe xaꞌa? ―káchi ra xiꞌin nda.

San Juan 8:40

Sundi ndóꞌo̱ ta kúni ndo kaꞌni ndo yeꞌe xaꞌa ya ndi̱tuꞌun i ya ndaa xiꞌin ndo, ya xi̱ni soꞌo i ndi̱kaꞌan Iva i. Chi ra Abraham ta nda iin ichí köo ndi̱kan ra tá kuꞌva íkan ndóꞌo̱.

San Juan 8:41

Ndóꞌo̱, ta tá káa ya íkan iva ndo saa íin ya íkan ndo ―káchi Jesús xiꞌin na. Saa ndi̱kuiin na, káꞌan na: ―Ndeꞌe, ta süvi nde ndíkaku saka ku nde, iin va iva nde, Ndioxi ku iva nde ―káchi na xiꞌin Jesús.

Los Hechos 7:52

Saa chi xii sikua ndo ku na xa̱a nduvaꞌa ni xiꞌin nda ndi̱kaꞌan ndoso tuꞌun yuꞌu Ndioxi xinaꞌa, nda ndi̱tuꞌun xaꞌa taa ra xa íyo tuꞌun xaꞌa kixi. Ta ra ikán ku ra ti̱in ndo ndi̱taxi ndo ra ndaꞌa na sáa ini xíni ñaꞌa ta xa̱ꞌni na ra.

1 Tesalonicenses 2:14

Ñani yo, ndóꞌo̱ ta ndee ni ndóꞌo ndo íkan na ñuu mií ndo, tá ndóꞌo na ñani yo na veꞌe ñuꞌu Iva yo Ndioxi, na ndíkun Jesucristo ndóo estado Judea, saa ndóꞌo tu ndóꞌo̱ va, chi na ikán ta ka̱nitaꞌan ni na judío taꞌan mií na xiꞌin na.

HEBREOS 11:4

Xaꞌa ya xi̱ndaa ni ini ra Abel xi̱ni ra Ndioxi yakan kua ndi̱soko ra nina ya vaꞌa nuu Ndioxi, vaꞌa ni ka ya ndi̱soko ra ikán nuu ñani ra, ra Caín. Xaꞌa ya ikán kua vaꞌa ni ku̱ni Ndioxi xi̱ni ñaꞌa ra, ta ndi̱kaꞌan ra xaꞌa ra ya vaꞌa ni taa ku ra, saa ndi̱kiꞌin Ndioxi ya ta̱xi ra ndaꞌa ra. Yakan vani xa naꞌa ni ndi̱xiꞌi ra Abel ta ya vaꞌa i̱kan ra nuu Ndioxi, ya ikán kua sínaꞌa yoo ya xíniñuꞌu ni yo kundaa ni ini yo kuni yo Ndioxi tá kuꞌva i̱kan ra Abel.

HEBREOS 12:24

Ta ndóꞌo̱, ku̱yati ndo nuu Jesús, ra ndíchi nuu Ndioxi nuu ki̱ndoo ra ya xa̱á xaꞌa ndo xáku ndaꞌvi ra xaꞌa ndo nuu Ndioxi. Saa chi ra ikán ku ra ki̱ndoo iin trato ya xa̱á xiꞌin ndo, ta xiꞌin nií ra ku rá nda̱sa i̱í Ndioxi ndóꞌo̱, saa chi ndee ni ka nií Jesús nuu nií ra Abel, ra ndi̱xiꞌi xinaꞌa.

1 Pedro 4:4

Xaꞌa ya ñaa kua káꞌan väꞌa naꞌa xaꞌa ndo, chi köo ítaꞌan ka ndo xiꞌin na, köo íkan ka ndo taꞌan ñaꞌa ya kini ni i̱kan ndo xiꞌin na yachi, ya síndiꞌi xaꞌa ndóꞌo̱ nuu Ndioxi.

1 Juan 3:8

Na köo xíin sindoo ya väꞌa, na ikan ku seꞌe kiti nǎꞌa, chi kiti nǎꞌa nda kivi xaꞌa vi i̱kan ri ya väꞌa yakan kua ki̱xi Seꞌe Ndioxi si̱ndiꞌi xaꞌa ra ya íkan ri.

Judas 1:11

¡Ndaꞌvi ni nda! Chi kuaꞌan nda ichí taꞌan ya ndi̱xika ra Caín ra xa̱ꞌni ñani xinaꞌa. Ta saa íkan tu nda tá i̱kan ra Balán chi xíni ni nda ndá kuꞌva tava nda xuꞌun ndaꞌa naꞌa. Ta saa íkan tu nda tá kuꞌva i̱kan ra Coré xinaꞌa köo ndi̱xiin ra xaa súvi ra chiñu ya ndi̱taꞌnda nuu ra xaa súvi ra, ta saa kundoꞌo nda ñaa, síndiꞌi nda xaꞌa mií va nda.

El Apocalipsis 17:6

Saa xi̱ni i yá ku̱ndaa ini i xiꞌin yá ya ndi̱xini ni yá, xíꞌi yá, chi xa xi̱ꞌi ni yá nií na i̱í, na xi̱ndikun tuꞌun Ndioxi, ta nií ikán ku rá ndi̱xita tá ndi̱xiꞌi na xaꞌa ya kándixa na Tata yo Jesucristo.