1 Juan 2:4 - Xochapa Mixteco

⁴ Ndiꞌi na káꞌan: “Xíni i ini Ndioxi”, káchi na, ta köo xáa súvi na ya xáꞌnda chiñu ra nuu na, na ñaa, ta na vata va ku na, köo ya ndaa íyo ini na.

1 Juan 2:4 Iomraidhean Croise

San Juan 8:44

Kiti nǎꞌa va ku iva ndo: Seꞌe ri ikán va ku ndóꞌo̱ yakan kúni ndo ikan ndo ya íkan ri ikán. Saa chi ri ikán ta nda tá xaꞌa vi xa̱á ri xáꞌni ri ndìì. Ta nda iin ichí köo íkan ri ya ndaa, ta ni köo káꞌan ri ya ndaa. Tá káꞌan ri ya siki ta ndínaꞌa ri mií ri ya saa íyo ri, ta ri ikán ku iva siꞌí ndiꞌi ya vata.

Tito 1:10

Saa chi íyo kuaꞌa ni nda köo xíin kandixa, ta ndá yokan tuꞌun ya íin ya köo káꞌan nda, saa síndaꞌvi nda naꞌa kuakiꞌvi na ichí väꞌa xaꞌa tuꞌun ya káꞌan nda xiꞌin na. Ta nda íkan saa ku sava nda ñúꞌu tañu ndo ñaa, chi káꞌan nda ya xíniñuꞌu ndiꞌi naꞌa ndikunuu tuni Ndioxi na, saa kua ndikuiso vaꞌa ra na, káchi nda.

Tito 1:16

Káꞌan na xíni na Ndioxi sundi ndiꞌi ñaꞌa väꞌa íkan na ta ndínaꞌa na mií na ya köo xíni na ra, ta ndíkuaa va na ra, saa kúndasi nuu na xíni na naꞌa, ta köo xíin na xaa súvi na ya kúni Ndioxi, ta nda iin ñaꞌa vaꞌa küchiñu na ikan na.

1 Juan 1:10

Tá tu káꞌan yo köo íkan yo ya väꞌa, ta tá káa ra vata saa ndása yo Iva yo Ndioxi, ta ni tuꞌun ra ya ndaa ta köo ya íyo ini yo.

1 Juan 1:6

Tá tu káꞌan yo iin yuꞌu ku yo xiꞌin ra, káchi yo, ta íkan yo ñaꞌa väꞌa, ta kúni kachi ya: yo vata ku yo. Ta tá káa yo xíka nuu naá saa íin yo, ta köo íkan yo ya ndaa.

1 Juan 1:8

Tá tu káꞌan yo köo kuachi yo, káchi yo, ta síndaꞌvi yo mií va yo, ta köo ya ndaa íyo ini yo.

1 Juan 2:3

Tá tu xáa súvi yo ya xáꞌnda chiñu Ndioxi nuu yo, ta saa kua kúndaa ini yo ya ndixa kua xíni yo ini ra.

1 Juan 2:9

Tá ndá na káꞌan xíka na ichí Jesucristo, káchi na, ta kúndasi nuu na xíni na taꞌan na, ta kúni kachi ya köo xíka na nuu yéꞌe̱. Nuu naá va xíka na.

1 Juan 3:6

Yakan ndiꞌi na ítaꞌan vaꞌa xiꞌin Tata yo Jesucristo ta köo íkan ka na ya väꞌa, tá kúu ndiꞌi na íkan ya väꞌa ta kúni kachi ya: Köo xíni na ra, ta ni täꞌan kuni na ra.

1 Juan 4:20

Tá tu ndá na káꞌan: “Kúꞌvi ni ini i xíni i Ndioxi”, káchi na, ta kúndasi nuu na xíni na ñani taꞌan na, ta na ñaa ta na vata ku na. Saa chi tá tu köo kúꞌvi ini na xíni na ñani taꞌan na, na xíto na nuu, ta küvi kuꞌvi ini na kuni na Ndioxi, ra täꞌan kuni na.

1 Juan 4:7

Ñani yo, ná kuꞌvi ni ini yo kuni taꞌan yo chi ya kúꞌvi ni ini yo taꞌan yo ta nuu Ndioxi vaxi ya, saa xáꞌnda chiñu ra nuu yo. Ta ndiꞌi na kúꞌvi ni ini xíni taꞌan, ta na ñaa ku na ka̱ku nuu Ndioxi saa xíni na Ndioxi.