1 Juan 2:3 - Xochapa Mixteco

³ Tá tu xáa súvi yo ya xáꞌnda chiñu Ndioxi nuu yo, ta saa kua kúndaa ini yo ya ndixa kua xíni yo ini ra.

1 Juan 2:3 Iomraidhean Croise

San Lucas 6:46

Ta saa ndi̱kaꞌan ka ra xiꞌin na, káchi ra saa: ―Ta ndóꞌo̱, ¿ndachu kua káꞌan ndo ku i ra chee, ra ndee nuu ndo, ta köo íkan ndo ya káꞌan i xiꞌin ndo?

San Juan 14:15

’Tá tu kúꞌvi ini ndo xíni ndo yeꞌe, ta xaa súvi ndo ya káꞌan i xiꞌin ndo.

San Juan 15:10

Tá tu xáa súvi ndo ya xáꞌnda chiñu i nuu ndo, ta saa kua koo tuun ndo xiꞌin i, chi kúꞌvi ni ini i xíni i ndóꞌo̱, ta kuꞌva saa kua xáa súvi yeꞌe ya xáꞌnda chiñu Iva i yakan íyo tuun i xiꞌin ra ta kúꞌvi ni ini ra xíni ra yeꞌe.

San Juan 15:14

Ta ndóꞌo̱ ku ndo ítaꞌan vaꞌa ni xiꞌin i tá tu xáa súvi ndo ya káꞌan i xiꞌin ndo.

San Juan 17:3

Ta ya kutaku na ndiꞌi saa ichí kua kúni kachi ya ná kuni vaꞌa na ini un, chi iin yóꞌo̱ ku Ndioxi ra ndaa ni xiꞌin Jesucristo, ra ti̱ꞌvi un vaxi ñuu ivi yóꞌó.

2 Corintios 4:6

Saa chi suvi mií Ndioxi ku ra xa̱ꞌnda chiñu ya ndi̱yeꞌe ñu̱ꞌu̱ yéꞌe̱ nuu naá. Ta suvi mií ra ku ra si̱ndiyeꞌe ya nima yo ya ku̱chiñu yo ndi̱xuna ya xínituni yo, saa kua kuni yo ya luvi ni ndi̱yeꞌe ya kúu mií Ndioxi, ya ndi̱yeꞌe ya nuu Jesucristo.

HEBREOS 5:9

Yakan tá sindiꞌi ra xa̱a súvi ra ndiꞌi ya ndi̱kaꞌan Ndioxi xiꞌin ra, saa kua ndi̱xinu ra ndu̱u ra taa, ra ndee ni ndixa xíniñuꞌu yo ya sikaku ra yoo koo yo xiꞌin ra ndiꞌi saa ichí tá tu xáa súvi yo ya káꞌan ra.

1 Juan 2:13

Na taꞌan yo, ndóꞌo̱ iva siꞌí, táa i tutu yóꞌó xaa ya nuu ndo, chi xíni ndo Tata yo Jesucristo, ra xa íyo tá täꞌan xikoo xaꞌa ñuu ivi yóꞌó. Saa táa tu i nuu ndóꞌo̱ na kuâán va, saa chi xa ku̱chiñu ndo nuu kiti nǎꞌa. Saa táa tu i ya xaa ya nuu ndóꞌo̱ na vali, na íin tá íyo seꞌe i, saa chi xa xíni vaꞌa ndo Iva yo Ndioxi.

1 Juan 3:14

Saa chi yoo ta xaꞌa ya kúꞌvi ini yo xíni taꞌan yo yakan kúndaa ini yo tá íin yo xa ndíi ndi̱xiyo yo ta ndi̱taku yo. Chi na köo kúꞌvi ini xíni taꞌan tá íin na ndíi saa íin na nuu Ndioxi.

1 Juan 3:19

Ta xaꞌa ya kúꞌvi ini yo xíni taꞌan yo kua ndínaꞌa yo mií yo ya kúu yo kuenta ya ndaa, ta ndikundee ini yo xiꞌin ndee ya táxi Ndioxi ndaꞌa yo.

1 Juan 3:6

Yakan ndiꞌi na ítaꞌan vaꞌa xiꞌin Tata yo Jesucristo ta köo íkan ka na ya väꞌa, tá kúu ndiꞌi na íkan ya väꞌa ta kúni kachi ya: Köo xíni na ra, ta ni täꞌan kuni na ra.

1 Juan 4:13

Ta xíni yo ya ítaꞌan yo xiꞌin Ndioxi, saa ítaꞌan ra xiꞌin yo, saa chi ta̱xi ra Tachi ra íyo ya xiꞌin yo.

1 Juan 4:7

Ñani yo, ná kuꞌvi ni ini yo kuni taꞌan yo chi ya kúꞌvi ni ini yo taꞌan yo ta nuu Ndioxi vaxi ya, saa xáꞌnda chiñu ra nuu yo. Ta ndiꞌi na kúꞌvi ni ini xíni taꞌan, ta na ñaa ku na ka̱ku nuu Ndioxi saa xíni na Ndioxi.

1 Juan 5:19

Xíni yo seꞌe Ndioxi ku yoo ta ndáa ra yoo. Ta ndiꞌi ka naꞌa, na köo ndíkun ñaꞌa, ta kiti nǎꞌa ku ri xáꞌnda chiñu nuu na.

1 Juan 5:2

Tá kúꞌvi ini yo xíni yo Ndioxi ta xáa súvi yo ya káꞌan ra xiꞌin yo, saa kúndaa ini yo kúꞌvi ini yo xíni yo ndiꞌi seꞌe ra.

1 Juan 5:3

Tá tu xáa súvi yo ya xáꞌnda chiñu Ndioxi nuu yo ta sínaꞌa yo mií yo ya kúꞌvi ini yo xíni yo ra. Saa chi ya xáꞌnda chiñu ra nuu yo ta süvi tá káa iin ya vee ndíso yo káa ya.

El Apocalipsis 12:17

Saa ndi̱saa ni ini kiti ko̱ó nǎꞌa ikán xiꞌin yá, ta ndi̱kiꞌin ri kuaꞌan ri kani taꞌan ri xiꞌin tá kúu ndiꞌi seꞌe yá. Ta na seꞌe yá ikán ku na xáa súvi ya xáꞌnda chiñu Ndioxi, ta ndee ni ndíkuiin na, köo síndoo na ya ndítuꞌun na tuꞌun ya ndaa xaꞌa Tata yo Jesucristo, kándixa ni na ra.

El Apocalipsis 14:12

Ta nani ndátun yo kuu saa kua xíniñuꞌu na ñuu Ndioxi, na i̱í, na xáa súvi ni ya xáꞌnda chiñu ra. Xíniñuꞌu na xaꞌa ndee ni ini na, ta tuun ni ná kundaa ini na kuni na Tata yo Jesús ―káchi ya xi̱ni soꞌo i.

El Apocalipsis 22:14

Vaꞌa ni kée na ndíkata toto na ya ndúyaa ni ya, chi na ikán ta kuu mií na ichí kaxi na kuiꞌi ndaꞌa itun táxi kutaku na xiꞌin Ndioxi ndiꞌi saa ichí. Saa kuchiñu na kiꞌvi na yeꞌe ñuu i̱í ikán.