1 Juan 2:16 - Xochapa Mixteco

¹⁶ Saa chi kuꞌva íyo na ñuu ivi yóꞌó ta süvi tá kuꞌva kúni Ndioxi kua, kuꞌva kúni mií va na kua, tá kúu xíni yo sava ná síꞌi ta ndikun ndíkani väꞌa ini yo xiꞌin ná, saa tu ya kúni yo ndiꞌi ñaꞌa ya luvi ni náꞌa íyo ñuu ivi yóꞌó, ta saa tu ya kútai ni ini yo xiꞌin ñaꞌa yo, ndiꞌi ya yóꞌó ta süvi ndaꞌa Ndioxi vaxi ya. Ñaꞌa íyo ivi yóꞌó va kua.

1 Juan 2:16 Iomraidhean Croise

San Mateo 4:8

Tá sindiꞌi saa ndi̱kundaka tuku kiti nǎꞌa Jesús kuaꞌan ra xiꞌin ri iin iku sukun ni. Ta ikán si̱naꞌa ri ndiꞌi ni kúu ñuu ya ndee ni, xiꞌin ya kuika ni, si̱naꞌa ndiꞌi ri ya nuu ra.

San Mateo 5:28

Ta ya ndaa ni ndixa kua saa íyo ya, nda tá xíto ndaa iin taa ñaꞌa ta ndíkani kiꞌvi ini ra xíni ra yá, nda tá káa ra xa ndi̱kixi xiꞌin va yá saa káa ra, xaꞌa ya ndi̱kani ini ra saa.

San Lucas 4:5

Ta saa ndi̱kiꞌin ri ra kuaꞌan ra xiꞌin ri iin iku sukun, ta ndikun si̱naꞌa ndiꞌi ri ñuu ya íyo ñuu ivi yóꞌó nuu ra.

ROMANOS 13:14

Vaꞌa ni ka kua ná ndikundixi ni yo ndee Tata yo Jesucristo. Ta ná ndïkani kíꞌvi ini yo tá kuꞌva ndíkani ini na ñuu ivi yóꞌó, chi na ikán ta ndisaa xaꞌa chiñu kíꞌvi ya kútoo ni mií ikin kuñu na kua íkan na.

1 Corintios 10:6

Xaꞌa ya ndo̱ꞌo xii yo saa kua, sínaꞌa Ndioxi yoo ya ná kütoo yo ikán yo ya väꞌa, tá kuꞌva i̱kan na ikán.

Gálatas 5:17

Chi ñaꞌa ya kútoo ni ikin kuñu yo xaa súvi ya ta köo íyo yuꞌu ya xiꞌin Tachi I̱í Ndioxi. Saa tu mií Tachi I̱í Ndioxi va, köo íyo yuꞌu ya xiꞌin ñaꞌa väꞌa ya kúni ikin kuñu yo xaa súvi ya. Káni taꞌan va uvi saa ya xiꞌin taꞌan ya. Xaꞌa ya ñaa kua köo kúchiñu ndo xaa súvi ndo ya ndixa kúni ndo xaa súvi ndo.

Gálatas 5:24

Ta saa ndiꞌi yo íyo xiꞌin Jesucristo xaꞌa ya ndi̱xiꞌi ra nuu cruzin xaꞌa yo, ta saa iin káchi ndi̱xiꞌi tu ikin kuñu yoo va xiꞌin ndiꞌi ñaꞌa väꞌa ya ndee ni ku̱too ikin kuñu yo xaa súvi ya yachi.

Efesios 2:3

Saa ndi̱xiyo ndiꞌi va yo yachi: I̱kan ni yo ndiꞌi nuu ñaꞌa ya väꞌa, ya ku̱too ni mií ikin kuñu yo ikan ya. I̱kan yo tá kuꞌva íkan ndiꞌi naꞌa, xa̱a súvi ni yo ndiꞌi ñaꞌa ya ndi̱kani ini yo vaꞌa ni nuu yo, túvi yo. Ta xaꞌa ya ikán kua xíniñuꞌu yo sitixuꞌvi ni Ndioxi yoo, chi sáa ni ini ra xíni ra ya väꞌa íkan yo.

Tito 2:12

Xaꞌa ya kúꞌvi ni ini Ndioxi xíni ra yoo kua sínaꞌa ra nuu yo ya xíniñuꞌu yo sindoo yo ndiꞌi taꞌan ya väꞌa íyo ñuu ivi yóꞌó, ta ná ndïkani ini yo ikan yo ndá ka ya väꞌa, saa ná koo káxin ni ini yo, ta ndaa ni ná koo ini yo, i̱í ná koo yo nuu ra.

Tito 3:3

Chi saa ndi̱xiyo yo yachi tá täꞌan ndikundikun yo ichí Tata yo Jesucristo: kíꞌvi ni ndi̱xiyo ini yo, ikú ni ndi̱xiyo yo, tá íin yo nda̱ñuꞌu saa ndi̱xiyo yo nuu Ndioxi, ta xi̱nuꞌni yo ndaꞌa ndiꞌi kuachi ya ku̱too ni ikin kuñu yo ikan ya, kuaꞌa ni nuu ya väꞌa i̱kan yo, saa kûni ni ini yo xi̱ni yo naꞌa. Ta ndiꞌi naꞌa ndi̱saa ini xi̱ni yoo, ta saa tu yoo va, ndi̱saa ni ini yo xi̱ni yo na.

Santiago 3:15

Ya ndíchi kúu mií ndo ta süvi nuu Ndioxi vaxi ya, ya kána koo xi̱ní na ñuu ivi yóꞌó va ku ya, chi kiti nǎꞌa ku ri táxi ndíkani ini ndo ya ndee ni ndíchi ndo, túvi ndo.

Santiago 4:16

Sundi ndóꞌo̱ ta káꞌan tái ni va ndo, tá káꞌan naꞌa, na iku ni ini va saa káꞌan ndo, chi mií vi ndo ku ndo xáꞌnda chiñu nuu kivi ya vaxi túvi ndo, ta xaꞌa ya íkan ndo saa, ta väꞌa káꞌan ndo.

1 Pedro 1:14

Yachi ta köo ndi̱kundaa ini ndo xaꞌa tuꞌun ra, yakan ke̱ꞌe ndo ya väꞌa nuu ra, sundi vitin ta ndu̱u ndo seꞌe ra, na xáa súvi ni ya kúni ra, yakan köo xíniñuꞌu ka ndo koo ndo tá kuꞌva ndi̱xiyo ndo yachi.

1 Pedro 2:11

Ñani yo tin kuꞌva yo, ndóꞌo̱ ta tá íin naꞌa, na ndóo tóo xiꞌin na xíka tóo ñuu ivi yóꞌó saa íin ndo, yakan xíkan ni i ya mani nuu ndo, ndee koo ini ndo ta täxi ka ndo kaꞌnda chiñu ya väꞌa kúni kaꞌnda chiñu nuu ikin kuñu ndo, chi ndiꞌi ya väꞌa ñaa ta kánitaꞌan ya xiꞌin ya vaꞌa ndo.

2 Pedro 2:10

Ta xaa nduvaꞌa ni va Ndioxi xiꞌin ndiꞌi naꞌa, na íkan ya väꞌa, ya kúni ni mií ikin kuñu na, ta ni köo xáa súvi mií na chiñu ya xáꞌnda chiñu Ndioxi nuu na. Ta na vata ikán ta ndee ni tuun ini na, ni köo íꞌvi na kaꞌan ndivaꞌa na xaꞌa na kúu mií ndee naꞌnu ka nuu na.

2 Pedro 2:18

Chi nda ikán ta ndee ni chínuu vaꞌa nda tuꞌun káꞌan nda xiꞌin naꞌa ya sáka nda xi̱ní na, síxinu nda i̱ni na xiꞌin tuꞌun ya káꞌan nda xiꞌin na ndisaa xaꞌa ya kútoo ni mií ikin kuñu nda kua káꞌan nda xaꞌa. Ta na íkan nda saa xiꞌin ku naꞌa, na xa si̱ndoo ya väꞌa i̱kan na, na xa ka̱na koo tañu na väꞌa ku na íkan nda saa xiꞌin.