1 Juan 2:10 - Xochapa Mixteco

¹⁰ Sundi iin na kúꞌvi ni ini xíni taꞌan, ta kúni kachi ya xíka na nuu yéꞌe̱. Nda iin ñaꞌa küchiñu sindikava na ya ikan na ya väꞌa.

1 Juan 2:10 Iomraidhean Croise

San Mateo 13:21

Sundi täꞌan tiin vaꞌa ya nima na, ni täꞌan kundaa vaꞌa ini na xiꞌin ya, ta ñaa vaxi tindoꞌo nuu na, án sítixuꞌvi ñaꞌa naꞌa xaꞌa ya kándixa na Jesucristo, ñaa ndikun síndikoo na tuꞌun Ndioxi.

San Mateo 18:7

¡Ndee ni kundoꞌo na ñuu ivi yóꞌó! saa chi ndiꞌi saa kivi íyo ñaꞌa ya chíndaꞌa na kuakiꞌvi na kuachi. Sundi ndee ni ka kundoꞌo na táa sii naꞌa ikan na ya väꞌa!

San Juan 11:9

Saa ndi̱kuiin Jesús, káꞌan ra: ―Uxi uvi hora kúu mií iin kivi. Ta iin na xíka nduvi ta käkiꞌi xaꞌa na nduva na, chi nduvi kua xíka na ta túvi nuu na xiꞌin ya yéꞌe̱ ñuu ivi yóꞌó.

San Juan 12:35

Saa ndi̱kuiin Jesús káꞌan ra xiꞌin na, káchi ra saa: ―Siloꞌo ni kivi íyo yeꞌe kúu ñu̱ꞌu̱ xiꞌin ndo. Yakan xíniñuꞌu ndo ndikundikun ndo ichí nuu yéꞌe̱, süvi ka vi ya iin kama soꞌva ku̱u ta xaa ya naá tiin ya ndóꞌo̱. Chi ndiꞌi na xíka nuu naá, ta ni köo xíni na nuu kuꞌun na.

San Juan 8:31

Saa ndi̱kaꞌan Jesús xiꞌin na judío na kándixa ñaꞌa, káchi ra saa: ―Tá tu chíkaa soꞌo ni ndo tuꞌun ya sínaꞌa i ndóꞌo̱ iin iin kivi ta saa kua ndixa ni kúu ndo ndóꞌo̱ ndíkun yeꞌe.

ROMANOS 14:13

Xaꞌa ya ikán kua ná käꞌan kuachi ka yo xaꞌa na taꞌan yo. Ná kiꞌin yo kuenta xiꞌin mií yo ta ná täxi yo kakiꞌi na taꞌan yo, koyo na nuu kiꞌvi na kuachi, ta küaꞌa ka na kandixa na Ndioxi.

Filipenses 1:10

Ta saa kuchiñu ndo ndikaxin ndo ikan ndo nina ya vaꞌa, ya ndee ni ndáa yaꞌvi nuu Ndioxi, ta kivi ná ndiko koo Jesucristo ta nditaꞌan ra ndóꞌo̱ ya íyo vií ni ndo nuu ra, ta köo kuachi kúu mií ndo.

2 Pedro 1:10

Yakan ndóꞌo̱, ta xíniñuꞌu ndo tuun ni kundikun ndo ichí Tata yo Jesucristo nuu ndínaꞌa ndo mií ndo, ya ka̱na ra ndóꞌo̱ saa ndi̱kaxin ra ndóꞌo̱ ya kundikun ndo ra. Tá ná ikan ndo saa ta nda iin kivi köyo ndo nuu kuachi ya ikan ndo ya väꞌa.

1 Juan 2:11

Sundi naꞌa, na kúndasi nuu xíni taꞌan, ta íyo na nuu naá, saa xíka na nuu naá, ta köo xíni na nuu xíka na chi küvi koto na, tá íin na kuáa̱ saa ndu̱u na xiꞌin ya naá.

1 Juan 3:14

Saa chi yoo ta xaꞌa ya kúꞌvi ini yo xíni taꞌan yo yakan kúndaa ini yo tá íin yo xa ndíi ndi̱xiyo yo ta ndi̱taku yo. Chi na köo kúꞌvi ini xíni taꞌan tá íin na ndíi saa íin na nuu Ndioxi.