1 Juan 1:6 - Xochapa Mixteco

⁶ Tá tu káꞌan yo iin yuꞌu ku yo xiꞌin ra, káchi yo, ta íkan yo ñaꞌa väꞌa, ta kúni kachi ya: yo vata ku yo. Ta tá káa yo xíka nuu naá saa íin yo, ta köo íkan yo ya ndaa.

1 Juan 1:6 Iomraidhean Croise

San Mateo 7:22

Kivi vaxi tá ná xaa nani Ndioxi kuachi xiꞌin na ñuu ivi, ta kuaꞌa ni na kaꞌan xiꞌin i, kachi na saa: “Tata, ndi̱xika nde ndi̱kaꞌan ndoso nde tuꞌun un xiꞌin naꞌa, ta xiꞌin kivi un ta̱va nde tachi nduvaꞌa kúu mií na ta suvi ni xiꞌin kivi un i̱kan nde yatuꞌun xiꞌin na”, kachi na.

San Juan 11:10

Sundi na xíka ñǔu ta kákiꞌi xaꞌa na chi köo ñu̱ꞌu̱ túun kúu mií na nuu xíka na ―káchi Jesús.

San Juan 12:35

Saa ndi̱kuiin Jesús káꞌan ra xiꞌin na, káchi ra saa: ―Siloꞌo ni kivi íyo yeꞌe kúu ñu̱ꞌu̱ xiꞌin ndo. Yakan xíniñuꞌu ndo ndikundikun ndo ichí nuu yéꞌe̱, süvi ka vi ya iin kama soꞌva ku̱u ta xaa ya naá tiin ya ndóꞌo̱. Chi ndiꞌi na xíka nuu naá, ta ni köo xíni na nuu kuꞌun na.

San Juan 12:46

Yeꞌe ku ñu̱ꞌu̱ ya xa̱a i ñuu ivi yóꞌó, ta ndiꞌi na kándixa yeꞌe, ta ndöo na koo na nuu naá.

San Juan 8:12

Saa xa̱á tuku ra káꞌan ra xiꞌin naꞌa, káchi ra saa: ―Yeꞌe ku ñu̱ꞌu̱ ya síndiyeꞌe nuu na ñuu ivi yóꞌó. Ta ndiꞌi na ndíkun yeꞌe ta käka na ichí ya naá, chi kúu mií na ñu̱ꞌu̱ ya táxi kutaku na ―káchi ra xiꞌin na.

San Juan 8:55

Sundi ndóꞌo̱ ta köo xíni ndo ra, ta yeꞌe ta xíni vaꞌa i ra. Tá tu ná kaꞌan i xiꞌin ndo köo xíni i ra kachi i xiꞌin ndo, ta ndúu i iin ra vata taꞌan mií ndo. Sundi yeꞌe ta ya ndixa kua xíni i ra, ta xáa súvi i ya káꞌan ra.

1 Timoteo 4:2

Ta kuni soꞌo na ya sínaꞌa naꞌa, na vata, na uvi yuꞌu, chi na vata ikán, ta ni köo xíni ka na ya kaꞌa̱n nuu, tá íin ya xa ndíi va saa ndu̱u ya xínituni na.

Santiago 2:14

Ñani mani, ¿ni köo ndáa yaꞌvi vi ya káꞌan sava ndo ya ndáa ni ini ndo xíni ndo Ndioxi, tá tu köo xáa súvi ndo nda iin loꞌo chiñu ya xáꞌnda chiñu ra nuu ndo? ¿Án kuchiñu kaku ndo ndisaa xaꞌa ya ndáa ini ndo xíni ndo ra, túvi ndo, ta köo xáa súvi ndo ya xáꞌnda chiñu ra?

Santiago 2:16

Tá káꞌan iin ndo káchi ndo: “Vaꞌa, ñani yo ndikitaꞌan ka yo, Ndioxi ná kuꞌun xiꞌin un, kuenta ni koo un, ndikasi vaꞌa un mií un xiꞌin toto vi̱xi̱n chi vixin ni, ta ná kuxi vaꞌa un ndakua xaa ini un”, ná kachi ndo xiꞌin na, ta köo chíndee ndo na xiꞌin ñaꞌa ya xíniñuꞌu na, yakan ni köo ndáa yaꞌvi vi ya káꞌan ndo xiꞌin na.

Santiago 2:18

Küvi kaꞌan yo xiꞌin taꞌan yo, kachi yo: “Yóꞌo̱ ta ndee ni ndáa ini un xíni un Tata yo, ta yeꞌe ta ndee ni vaꞌa xáa súvi i chiñu vaꞌa nuu ra”, kachi yo. Ta vaꞌa sinaꞌa un ndisaa ya ndáa ni ini un xíni un ra, ta sïnaꞌa un chiñu ya xáa súvi un nuu ra. Sundi yeꞌe ta sinaꞌa i ya ndáa ni ini i xíni i ra xiꞌin chiñu ya vaꞌa ni xáa súvi i nuu ra.

1 Juan 1:10

Tá tu káꞌan yo köo íkan yo ya väꞌa, ta tá káa ra vata saa ndása yo Iva yo Ndioxi, ta ni tuꞌun ra ya ndaa ta köo ya íyo ini yo.

1 Juan 1:3

Ya xi̱ni nde xiꞌin ya xi̱ni soꞌo nde ndi̱kaꞌan ra, ya yóꞌó kua káꞌan nde xiꞌin ndo ya ná ndikitaꞌan ndo xiꞌin nde ya koo ndiꞌi yo iin yuꞌu. Ta saa ndixa iin yuꞌu ná koo ndiꞌi yo xiꞌin taꞌan yo. Chi ndeꞌe ta ndixa iin yuꞌu íyo nde xiꞌin Iva yo Ndioxi tin Jesucristo ra kúu Seꞌe ra.

1 Juan 1:8

Tá tu káꞌan yo köo kuachi yo, káchi yo, ta síndaꞌvi yo mií va yo, ta köo ya ndaa íyo ini yo.

1 Juan 2:4

Ndiꞌi na káꞌan: “Xíni i ini Ndioxi”, káchi na, ta köo xáa súvi na ya xáꞌnda chiñu ra nuu na, na ñaa, ta na vata va ku na, köo ya ndaa íyo ini na.

1 Juan 4:20

Tá tu ndá na káꞌan: “Kúꞌvi ni ini i xíni i Ndioxi”, káchi na, ta kúndasi nuu na xíni na ñani taꞌan na, ta na ñaa ta na vata ku na. Saa chi tá tu köo kúꞌvi ini na xíni na ñani taꞌan na, na xíto na nuu, ta küvi kuꞌvi ini na kuni na Ndioxi, ra täꞌan kuni na.