1 Juan 1:4 - Xochapa Mixteco

⁴ Ta ya táa nde tutu yóꞌó xaa ya ndaꞌa ndo, ta ya vaꞌa ná kusini ni ka va ndo kua.

1 Juan 1:4 Iomraidhean Croise

San Juan 15:11

’Ya yóꞌó kua káꞌan i xiꞌin ndo ya ná koo ya sií ni íyo nuu i xiꞌin ndo, ta saa kua ná kusini ni ka ndo.

San Juan 16:24

Nda kivi vitin ta nda iin ñaꞌa täꞌan nduku ndo nuu ra tixin kivi yeꞌe. Nduku ndo ya nuu ra ta taxi ra ya ndaꞌa ndo, ta saa kua ndixa ni ka kusini ndo.

San Juan 3:29

Ta vitin ná kundaa ini ndo chi tá kúu nuu íyo viko tíndaꞌa, ta ra íin xiꞌin ñaꞌa yá tíndaꞌa ikán kuu ií yá, sundi ra íyo yati xiín ií yá, tá xíni soꞌo ra ya káꞌan ra ta kúsini ni ra tá xíni soꞌo ra tachi ra. Ta saa ndóꞌo yeꞌe, kúsini ni i chi xa xa̱a ra vitin.

2 Corintios 1:24

Ta ya ñaa ta köo kúni kachi ya, xáꞌnda ni nde nuu ndo xaꞌa kuꞌva ya ndáa ini ndo xíni ndo Ndioxi, chi ndóꞌo̱ ta xa ndee ni va ndáa ini ndo xíni ndo ra, ta ndisaa ya kúni ndeꞌe kua, iin káchi xaa chiñu nde xiꞌin ndo nuu chindee taꞌan nde xiꞌin va ndo ya ná kusini ni ndo.

Efesios 3:19

Saa káꞌan ni i xiꞌin Ndioxi ya ná taxi ra ya xínituni ndo ndaꞌa ndo ya ná kuchiñu ndo kundaa ini ndo chi ya kúꞌvi ni ini ra xíni ra ndóꞌo̱ ta yáꞌa ni ka ndee ya ikán nuu ndá ka ya xínituni ndo. Káꞌan ni i xiꞌin ra xaꞌa ndo ya ná xinu ndo kuni taꞌan ni ndo xiꞌin ra, saa ná sikutu ni ra ya vaꞌa ini ndo.

1 Juan 2:1

Ndóꞌo̱ ndíkun Jesucristo, tá íin seꞌe i saa íin ndo, yakan táa i tutu yóꞌó xaa ya nuu ndo ya ná ïkan ndo ya väꞌa. Sundi tá ndá ndóꞌo̱ ndíkava nuu kuachi ta vaꞌa ná kundaa ini ndo chi Tata yo Jesucristo ku ra ndaa ni ini, ta ra ikán ku ra ndíchi ndíkuiin xaꞌa yo nuu Iva yo Ndioxi.

2 Juan 1:12

Íyo kuaꞌa ni ka ya kúni i kaꞌan i xiꞌin ndo ta köo kúni i taa i ya nuu tutu yóꞌó. Vaꞌa ka kaꞌan yuꞌu i xiꞌin ndo nda ná xaa i koto i ndóꞌo̱, saa chi kúni i xaa i koto i ndóꞌo̱. Ta saa kua kusini ni ndiꞌi yo.