1 Juan 1:3 - Xochapa Mixteco

³ Ya xi̱ni nde xiꞌin ya xi̱ni soꞌo nde ndi̱kaꞌan ra, ya yóꞌó kua káꞌan nde xiꞌin ndo ya ná ndikitaꞌan ndo xiꞌin nde ya koo ndiꞌi yo iin yuꞌu. Ta saa ndixa iin yuꞌu ná koo ndiꞌi yo xiꞌin taꞌan yo. Chi ndeꞌe ta ndixa iin yuꞌu íyo nde xiꞌin Iva yo Ndioxi tin Jesucristo ra kúu Seꞌe ra.

1 Juan 1:3 Iomraidhean Croise

San Juan 17:11

’Tata, Iva i Ndioxi, ra i̱í, yeꞌe ta köo ka i koo ñuu ivi yóꞌó, sundi na ndíkun yeꞌe ta ndoo na koo na yóꞌó, yakan xíkan ni i ya mani nuu un xaꞌa na. Kundaa ni un na xiꞌin ndee kúu mií kivi un ta saa ná nduu na iin tá kuꞌva íin mií yo.

San Juan 17:21

ya ná kutaꞌan vaꞌa na xiꞌin taꞌan na, tá kuꞌva íyo mií yo xiꞌin taꞌan yo Iva mani. Ta saa iin yuꞌu ná koo na xiꞌin yo, saa kundaa ini na ñuu ivi ya ti̱ꞌvi un yeꞌe vaxi i.

San Juan 17:25

Tata Iva yo, ra vaꞌa, ra ndaa ni kuu mií un. Na ndíkun ñuu ivi yóꞌó ta köo xíni na yóꞌo̱, sundi yeꞌe ta xíni i yóꞌo̱, ta na ndíkun yeꞌe xa xíni na yóꞌo̱ ku ra ti̱ꞌvi yeꞌe vaxi i.

San Juan 17:3

Ta ya kutaku na ndiꞌi saa ichí kua kúni kachi ya ná kuni vaꞌa na ini un, chi iin yóꞌo̱ ku Ndioxi ra ndaa ni xiꞌin Jesucristo, ra ti̱ꞌvi un vaxi ñuu ivi yóꞌó.

San Juan 19:35

Ta ra ndítuꞌun ya yóꞌó ku iin ra xi̱ni xiꞌin nuu ya, ta ndíkuiin ra xaꞌa ya káꞌan ra ya kúu ya ndaa ni ya ná kandixa tu ndóꞌo̱ va ya káꞌan ra.

Los Hechos 13:32

’Yakan ndítuꞌun nde xiꞌin ndo tuꞌun vaꞌa ya ki̱ndoo Ndioxi xinaꞌa ikan ra xiꞌin xii sikua yo,

Los Hechos 13:41

Kuni soꞌo ndóꞌo̱ kúndasi nuu xíni yeꞌe, ta vaꞌa ndi̱kanda ka ini ndo kundoo ndo, ta saa ndiꞌi xaꞌa ndo. Chi vaxi kivi ikan i iin ya chee nuu ndo ta küaꞌa ndo kandixa ndo ya. Ni inka naꞌa ná kaꞌan xiꞌin ndo, ta küaꞌa ndo kandixa ndo na káchi ya ta̱a nda xinaꞌa ―káchi ra Pablo xiꞌin na.

Los Hechos 2:42

Ta ndiꞌi saa kivi xíni soꞌo na ya sínaꞌa nda apóstol. Tá kuꞌva íyo ya káꞌan nda xiꞌin na, saa íyo ya íkan na xiꞌin taꞌan na. Vitin taan ndíkitaꞌan ndiꞌi na xíxi na xiꞌin taꞌan na. Saa káꞌan tu na xiꞌin Ndioxi va.

Los Hechos 20:27

Saa chi xa ndi̱kani ndiꞌi va i ya kúni Ndioxi nuu ndo ta nda iin ya köo ndi̱tiseꞌe i nuu ndo.

Los Hechos 4:20

Sundi ndeꞌe ta küvi kutaxin yuꞌu nde kaꞌan nde xaꞌa ya xi̱ni nde xiꞌin ya xi̱ni soꞌo nde xaꞌa Jesús ―káchi nda xiꞌin na.

ROMANOS 15:27

Ta ini mií na ka̱na ya ikan na saa, ta vaꞌa ni íkan na, saa xíniñuꞌu na ikan na xaꞌa ya köo kúu na judío. Saa chi xaꞌa na taꞌan yo na judío, ta nda na köo kúu judío ndi̱niꞌi ni ya vaꞌa. Yakan vitin vaꞌa ná chindee taꞌan loꞌo na köo kúu judío xiꞌin na judío.

1 Corintios 1:30

Ta Ndioxi i̱kan ra saa, si̱kitaꞌan ra ndóꞌo̱ xiꞌin Tata yo Jesucristo. Ta mií Tata yo Jesucristo ku ra táxi ya ndíchi ndaꞌa yo, saa ndása tu ra yoo ndúu yo naꞌa, na köo ka kuachi kúu mií nuu ra, ta ndása i̱í ra yoo, saa ndáxin ra yoo ndaꞌa kuachi nuu núꞌni yo.

1 Corintios 1:9

Vaꞌa ni Ndioxi xiꞌin yo, chi ndee ni vaꞌa síxinu ra ya káꞌan ra xiꞌin yo. Xaꞌa ya ñaa kua ka̱na mií ra ndóꞌo̱ ya iin ndi̱kutaꞌan ndo xiꞌin Seꞌe ra, ra kúu Tata yo Jesucristo.

1 Corintios 15:1

Ñani yo tin kuꞌva yo, kúni i ná ndikaꞌán ini ndo xaꞌa tuꞌun vaꞌa xaꞌa Tata yo Jesucristo ya xa ndi̱kaꞌan ndoso i xiꞌin ndo. Ta ya yóꞌó ku ya xa ku̱ndaa ini ndo xaꞌa ta nda vitin tuun ni kándixa ndo ya.

2 Corintios 13:14

Ta saa ná niꞌi ni ndo ya vaꞌa nuu Tata yo Jesucristo xiꞌin ya kúꞌvi ni ini Iva yo Ndioxi xíni ra ndóꞌo̱. Saa ná koo Tachi I̱í Ndioxi xiꞌin ndiꞌi ndo ndiꞌi saa ichí. Saa ná koo.

Efesios 3:6

Ta ya yóꞌó ku ya chi̱tuni Ndioxi ndi̱xiyo sěꞌe: Iin káchi niꞌi naꞌa, na köo kúu judío xiꞌin na judío. Niꞌi na ñaꞌa ya ki̱ndoo Ndioxi taxi ra ndaꞌa naꞌa, na ndixa kúu seꞌe ra. Nda na köo kúu judío niꞌi ya yóꞌó xaꞌa ya kándixa na Jesucristo ya sikaku ra na.

Filipenses 1:7

Ya vaꞌa ni kua káꞌan i saa xaꞌa ndiꞌi ndo chi kúꞌvi ni ini i xíni i ndóꞌo̱, chi ndóꞌo̱, ta ndiꞌi saa ichí íyo ndo xiꞌin i ya chíndee taꞌan ndo xiꞌin i, ta süvi ndisaa tá ndíkaa i veꞌe kàà kua íkan ndo saa xiꞌin i, ni nuu na chiñu kuaꞌan i ndíkuiin i xaꞌa tuꞌun vaꞌa xaꞌa Tata yo Jesucristo ndá kuꞌva kua sikaku ra na, ta iin káchi íyo ndo xiꞌin i xíto ndo ya íkan Ndioxi ya vaꞌa xiꞌin i.

Filipenses 2:1

Na taꞌan yo, xa ta̱xi Cristo ndee ndaꞌa yo ya xaꞌa yo tindee ini xiꞌin taꞌan yo, saa ta̱xi ra ndee ndaꞌa yo sindiko yo ini taꞌan yo, ta íyo Tachi Ndioxi xiꞌin yo táku ya ini yo, saa kúꞌvi ni ini yo xíni taꞌan yo xaꞌa ra, ta xaꞌa ra kua kúndaꞌvi ini yo xíni taꞌan yo.

Filipenses 3:10

Saa chi ya kúni ni i kua yóꞌó: Kúni ni i kuni taꞌan vaꞌa ka i xiꞌin Cristo, saa kúni i koo ndee Ndioxi ya si̱taku Jesús xiꞌin i, ta xa íyo ndúvi i ndoꞌo i tá kuꞌva ndi̱xiyo ndúvi mií ra ndi̱xiꞌi ra.

Colosenses 1:13

Ndioxi ku ra sa̱ña ndika yoo nuu ndee ya xáꞌnda chiñu nuu naá. Ta si̱yaꞌa ra yoo ndi̱kiꞌvi yo ndikundoo yo xiꞌin ra nuu xáꞌnda chiñu Seꞌe ra, ra kúꞌvi ni ini ra xíni ra.

1 Tesalonicenses 1:10

Ta káꞌan na xaꞌa ndo ya ndátun ndo Jesús, ra kúu seꞌe Ndioxi ra ke̱e nuu ndivi, ta ndiko koo tuku ra kixi ra ñuu ivi yóꞌó. Chi Ndioxi ku ra si̱taku ñaꞌa tañu na ndíi, ta ra ikán ku ra sikaku yoo nuu tindoꞌo ya ndee ni vaxi sata na ñuu ivi yóꞌó.

1 Timoteo 6:2

Saa na xáa chiñu nuu xitoꞌo na, ra kándixa Tata yo Jesucristo, xíniñuꞌu na xaa toꞌo ni na xitoꞌo na, xaꞌa ya kúu ra ñani yo, ra kándixa Tata yo Jesucristo. Ta ndee ni ka vaꞌa xíniñuꞌu na chikaa ni na ndee ya xaa chiñu vií ni na nuu ra, chi ñani yo ra kúꞌvi ni ini yo xíni yo ku ra, ta ra ikán ku ra níꞌi ni ya vaꞌa xaꞌa chiñu ya íkan na nuu ra. Ñani yo Timoteo ya yóꞌó kua xíniñuꞌu un sinaꞌa un na veꞌe ñuꞌu, saa kaꞌan un xiꞌin na, xaꞌa un ndee xiꞌin na.

HEBREOS 2:12

Chi saa káꞌan mií Jesús, káchi ra saa: Kaꞌan ndoso i xaꞌa un xiꞌin ñani i. Ta saa kata i yaa xaa kaꞌnu i yóꞌo̱, nuu ndíkitaꞌan na xáa toꞌo na yóꞌo̱, káchi Jesús xiꞌin Ndioxi.

HEBREOS 3:1

Ñani yo xiꞌin kuꞌva yo, ndóꞌo̱ ku ndo ndi̱kaxin Ndioxi, saa ka̱na ra ndóꞌo̱ ta xa̱a i̱í ra ndóꞌo̱ koo ndo xiꞌin ra. Yakan kiꞌin ni ndo kuenta, chi suvi mií Jesús ku ra ku apóstol, ra ti̱ꞌvi Ndioxi vaxi xaa chiñu ra nuu ra, ta kúu tu ra sutu ra chee ni nuu ndiꞌi yo kándixa ñaꞌa.

HEBREOS 3:14

Ta ya ndixa kua táxi Cristo ndiꞌi ya kúu mií ra ndaꞌa yo, tá tu köo síndoo yo ya tuun ni ndíkun yo ra, tá tu ndáa ni ini yo xíni yo ra tá kuꞌva ndi̱xiyo yo xiꞌin ra nda tá xaꞌa, tá sikan xa̱á yo ndikun yo ra.

1 Pedro 5:1

Ta xáku ndaꞌvi ni i nuu nda ñani yo, nda xikuaꞌa nda ñúꞌu xiꞌin ndo, nda ndóso nuu na ñani yo na veꞌe ñuꞌu, nda xikuaꞌa taꞌan yeꞌe. Chi yeꞌe ta ndíkuiin i xaꞌa Tata yo Jesucristo ya ndee ni ndi̱xuꞌvi ra xaꞌa yo. Ta kivi tá ná ndiko koo ra ta saa kuni yo ya yéꞌe̱ luvi ni xiꞌin ndee chee ni kúu mií ra, ya ndituvi kuni yo.

2 Pedro 1:16

Ta xa ndi̱tuꞌun nde xiꞌin ndo, si̱naꞌa nde ndóꞌo̱ xaꞌa ndee ya kúu mií Tata yo Jesucristo xiꞌin ya ndiko koo ra kixi tuku ra ñuu ivi yóꞌó, ta ya ndaa ni kua ndi̱kaꞌan nde xiꞌin ndo, süvi kuento vata kua ndi̱tuꞌun nde xiꞌin ndo. Chi ndeꞌe ta xi̱ni xiꞌin nuu mií nde ndee chee ni kúu mií ra.

1 Juan 1:1

Na taꞌan yo, vitin káꞌan nde xiꞌin ndo xaꞌa iin taa ra xa íyo xinaꞌa tá täꞌan xáa xaꞌa ñuu ivi. Chi ndeꞌe ta xi̱ni xiꞌin nuu nde ra, saa xi̱ni soꞌo nde tuꞌun ya ndi̱kaꞌan ra, ta ti̱in ndaa nde ra xiꞌin ndaꞌa nde. Yakan ndítuꞌun nde xiꞌin ndo xaꞌa ra, chi ra ikán ku tuꞌun Ndioxi ra táxi kutaku yo.

1 Juan 1:5

Ya yóꞌó ku tuꞌun ya xi̱ni soꞌo nde ndi̱kaꞌan ndoso Tata yo Jesucristo, ta ya yóꞌó kua káꞌan nde xiꞌin ndo: Ndioxi ku ñu̱ꞌu̱ yéꞌe̱ ta nda loꞌo páꞌa ya naá köo nuu íyo ra.

1 Juan 1:7

Sundi tá tu xíka yo nuu yéꞌe̱ tá kuꞌva íyo Ndioxi nuu yéꞌe̱, ta saa íyo yo iin yuꞌu xiꞌin taꞌan yo. Ta ni̱í Jesucristo Seꞌe Ndioxi ku rá ndíkata ndiꞌi kuachi yo, ndúvaꞌa yo nuu Iva yo Ndioxi.