1 Juan 1:2 - Xochapa Mixteco

² Ta ndu̱u ra, ra ivi tá íin mií yo ivi yóꞌó. Saa ki̱xi ra ñuu ivi yóꞌó ta xi̱ni xiꞌin nuu nde ra yakan kua ndíkuiin nde xaꞌa ra tin káꞌan nde xaꞌa ra xiꞌin ndo. Chi ra ikán ku ra táxi kutaku yo xiꞌin Ndioxi ndiꞌi saa kivi, ta xiꞌin Iva yo Ndioxi ndi̱xiyo ra, ta vitin ndi̱tuvi ra nuu yo.

1 Juan 1:2 Iomraidhean Croise

San Juan 1:18

Nda iin mituꞌun naꞌa täꞌan kuni xiꞌin nuu Ndioxi. Iindaa Jesucristo Seꞌe Ndioxi, ra iin mituꞌun nuu ra, ra íyo xiꞌin ra, ra ikán ku ra xíni vaꞌa Ndioxi, ta ra ikán ku ra sínaꞌa yoo ndá kuꞌva káa Ndioxi.

San Juan 1:4

Ta mií ra ikán ku ra kúu mií ndee ya taxi ra kutaku na ñuu ivi xiꞌin ra tá kuꞌva táku mií ra. Chi ya táku ra kua vaꞌa síndiyeꞌe ra nuu na ñuu ivi.

San Juan 10:28

Ta yeꞌe taxi i kutaku ri ndiꞌi saa tiempo, nda iin ichí ndïꞌi xaꞌa ri, ta ni naꞌa ta nda iin na küchiñu kindaa ri ndaꞌa i.

San Juan 14:6

Saa ndi̱kuiin Jesús ndi̱kaꞌan ra xiꞌin ra, káchi ra saa: ―Yeꞌe ku ra ku ichí, ta yeꞌe ku mií ya ndaa, yeꞌe ku ra táxi kutaku na. Nda iin na küvi kuꞌun nuu Iva i, tá tu süvi xiꞌna nuu yeꞌe vaxi na.

San Juan 15:27

Ta saa tu ndóꞌo̱ va, ndikuiin ndo xaꞌa i nuu naꞌa, chi ndóꞌo̱ ta nda núnu̱ú xa̱á ndo íyo ndo xiꞌin i ―káchi ra xiꞌin nda.

San Juan 16:28

Nuu Iva i ke̱e i vaxi i ñuu ivi yóꞌó, ta vitin sindoo i ñuu ivi yóꞌó ta ndiko koo tuku i kuꞌun i nuu ra ―káchi Jesús xiꞌin nda.

San Juan 17:3

Ta ya kutaku na ndiꞌi saa ichí kua kúni kachi ya ná kuni vaꞌa na ini un, chi iin yóꞌo̱ ku Ndioxi ra ndaa ni xiꞌin Jesucristo, ra ti̱ꞌvi un vaxi ñuu ivi yóꞌó.

San Juan 17:5

Tata Iva i Ndioxi, vitin xaa kaꞌnu un yeꞌe, taxi un koo i xiín un nuu luvi ni ndi̱xiyo i xiꞌin un yachi tá täꞌan xikoo ñuu ivi yóꞌó.

San Juan 19:35

Ta ra ndítuꞌun ya yóꞌó ku iin ra xi̱ni xiꞌin nuu ya, ta ndíkuiin ra xaꞌa ya káꞌan ra ya kúu ya ndaa ni ya ná kandixa tu ndóꞌo̱ va ya káꞌan ra.

San Juan 21:14

Ya yóꞌó ku ichí uni, nuu ndi̱tuvi ra nuu nda xi̱taꞌan xiꞌin ra tá sindiꞌi ndi̱taku ra.

San Juan 3:13

’Nda iin naꞌa köo ndi̱ndaa nuu ndivi, iindaa mituꞌun Taa ra xa̱a ñuu ivi yóꞌó ku ra nu̱u nuu ndivi, chi ikán íyo ra.

San Juan 7:29

Ta mií i ta xíni vaꞌa i ra, chi nuu ra ikán ke̱e i vaxi i. Mií ra ti̱ꞌvi yeꞌe vaxi i ―káchi ra xiꞌin na.

San Juan 8:38

Yeꞌe ta káꞌan i xiꞌin ndo ndá kuꞌva íyo ya si̱naꞌa Iva i nuu i. Ta saa tu ndóꞌo̱ va ndisaa ya káꞌan iva ndo xiꞌin ndo kua xáa súvi ndo ―káchi Jesús xiꞌin na.

Los Hechos 1:22

nda kivi tá si̱kuchi ra Juan Jesús iin saa nda kivi tá nda̱a ra kuaꞌan ra nuu ndivi. Ta vitin xíniñuꞌu nde iin ra kiꞌvi ra xiꞌin nde nduu nde uxi uvi. Ta saa ndikitaꞌan ra kuu ra testigo xiꞌin nde kaꞌan nde xaꞌa Jesús ya ndi̱taku ra ―káchi ra Pedro xiꞌin na.

Los Hechos 10:41

Ta süvi ndiꞌi na ndi̱situvi Ndioxi ra nuu. Ndisaa nuu ndeꞌe nda ndi̱kaxin Ndioxi kuu testigo, ku nde si̱tuvi ra nuu chi ndeꞌe ku nde xi̱xi xiꞌin Jesús tá ndi̱taku ra.

Los Hechos 2:32

Ta vitin ndeꞌe ku testigo xaꞌa Jesús ya si̱taku Ndioxi ra tixin ñuꞌú.

Los Hechos 3:15

Ta xa̱ꞌni ndo taa ra vaꞌa ni, chi iin mituꞌun ra ikán ku ra táxi ichí ya kutaku yo. Sundi Ndioxi ta si̱taku ñaꞌa ra. Ndeꞌe ku testigo xaꞌa ra, xi̱ni nde ndi̱taku ra.

Los Hechos 5:32

Ta ndeꞌe ku testigo xaꞌa ya yóꞌó, saa tu Tachi I̱í Ndioxi ya táxi ra ndaꞌa ndiꞌi na xíni soꞌo ya káꞌan ra ―káchi ra Pedro xiꞌin na chiñu ikán.

ROMANOS 8:3

Ndioxi i̱kan ra ya vaꞌa xiꞌin yo, ñaꞌa ya köo ndi̱kuchiñu ley ya ta̱a ra Moisés ikan ya xiꞌin yo xaꞌa ya köo ndee kúu mií ikin kuñu yo nuu ya väꞌa. Xaꞌa ya ikán kua ti̱ꞌvi ra Seꞌe ra ki̱xi ra ñuu ivi yóꞌó, ta ndi̱xiyo ikin kuñu ra tá kuꞌva íin mií yo ivi yóꞌó. Ti̱ꞌvi Ndioxi ra ki̱xi ra ndi̱soko ra mií ra xaꞌa kuachi yo, ta saa ku̱chiñu ra si̱ndiꞌi xaꞌa ra ndee ya kúu mií kuachi yo nuu Ndioxi.

Gálatas 4:4

Sundi tá ndi̱xinu kivi ya chi̱tuni mií Ndioxi ti̱ꞌvi ra Seꞌe ra ki̱xi ra ñuu ivi yóꞌó, saa ka̱ku ra tixin iin ñaꞌa, ta xa̱a súvi ndiꞌi ra ya káꞌan ley ya ta̱a ra Moisés.

1 Timoteo 3:16

Ta saa ná kundaa ini ndo chi nda vitin ta ndee ni ndee ya ndaa si̱naꞌa Tata yo Jesucristo nuu yo kándixa ñaꞌa, ta soꞌva íyo ya: Tata yo Jesucristo ta ndu̱u ra taꞌan mií yo ivi yóꞌó, ta ki̱xi ra ñuu ivi yóꞌó. Ta Tachi I̱í Ndioxi kua ndíkuiin xaꞌa ra. Ta xi̱ni na tatun Ndioxi ra. Saa ndi̱kaꞌan ndoso nda xi̱ndikun sata ra xaꞌa ra nuu ndiꞌi naꞌa, na köo kúu judío. Ndiꞌi ni kúu xaꞌa ñuu ivi yóꞌó íyo naꞌa, na kándixa ra. Saa ndi̱kiꞌin tuku Iva yo Ndioxi ra, nda̱a tuku ra kuaꞌan ra nuu ndivi.

2 Timoteo 1:10

Ta vitin si̱naꞌa Ndioxi yoo ya kúꞌvi ni ini ra xíni ra yoo xaꞌa ya ti̱ꞌvi ra Seꞌe ra Jesucristo ki̱xi ra sikaku ra yoo. Ta si̱ndiꞌi xaꞌa ra ndee ya xáꞌni naꞌa, saa ta̱va túvi ra tuꞌun vaꞌa xaꞌa mií ra ya kuchiñu yo kutaku yo vitin tin ndiꞌi saa kivi ya vaxi.

Tito 1:2

Chi yoo ta xa kúndaa teꞌe vaꞌa ini yo, ya ki̱ndoo ra xiꞌin yo taxi ra koo yo xiꞌin ra ndiꞌi saa ichí, ta köo ndi̱sindaꞌvi ra yoo chi nda tá täꞌan ka vi xikoo xaꞌa ñuu ivi kua ndi̱kaꞌan ra ikan ra saa xiꞌin yo.

1 Pedro 5:1

Ta xáku ndaꞌvi ni i nuu nda ñani yo, nda xikuaꞌa nda ñúꞌu xiꞌin ndo, nda ndóso nuu na ñani yo na veꞌe ñuꞌu, nda xikuaꞌa taꞌan yeꞌe. Chi yeꞌe ta ndíkuiin i xaꞌa Tata yo Jesucristo ya ndee ni ndi̱xuꞌvi ra xaꞌa yo. Ta kivi tá ná ndiko koo ra ta saa kuni yo ya yéꞌe̱ luvi ni xiꞌin ndee chee ni kúu mií ra, ya ndituvi kuni yo.

1 Juan 1:1

Na taꞌan yo, vitin káꞌan nde xiꞌin ndo xaꞌa iin taa ra xa íyo xinaꞌa tá täꞌan xáa xaꞌa ñuu ivi. Chi ndeꞌe ta xi̱ni xiꞌin nuu nde ra, saa xi̱ni soꞌo nde tuꞌun ya ndi̱kaꞌan ra, ta ti̱in ndaa nde ra xiꞌin ndaꞌa nde. Yakan ndítuꞌun nde xiꞌin ndo xaꞌa ra, chi ra ikán ku tuꞌun Ndioxi ra táxi kutaku yo.

1 Juan 2:25

Saa chi Tata yo Jesucristo ki̱ndoo ra taxi ra ya ndi̱kaꞌan ra taxi ra ndaꞌa yo, ta ya ikán kua yóꞌó: taxi ra koo yo xiꞌin ra ndiꞌi saa tiempo.

1 Juan 3:5

Ta ndóꞌo̱ xa xíni ndo ya ki̱xi Tata yo Jesucristo ñuu ivi yóꞌó ki̱ndaa ra kuachi yo. Chi mií ra ta nda iin kuachi ra köo.

1 Juan 3:8

Na köo xíin sindoo ya väꞌa, na ikan ku seꞌe kiti nǎꞌa, chi kiti nǎꞌa nda kivi xaꞌa vi i̱kan ri ya väꞌa yakan kua ki̱xi Seꞌe Ndioxi si̱ndiꞌi xaꞌa ra ya íkan ri.

1 Juan 4:14

Ta ndeꞌe xi̱ni xiꞌin nuu nde Jesús, ra kúu Jesucristo ra ti̱ꞌvi Iva yo Ndioxi ki̱xi ñuu ivi yóꞌó. Ta ndíkuiin nde xaꞌa ra ya ki̱xi ra sikaku ra ndiꞌi na ñuu ivi yóꞌó.

1 Juan 4:2

Ta xiꞌin ya yóꞌó ndíkuni ndo na, tá tu ndixa Tachi Ndioxi síkaꞌán ini na kaꞌan na: tá ndíkuni na Tata yo Jesucristo ya ki̱xi ra ñuu ivi yóꞌó ta ndu̱u ra ra ivi tá íin mií yo na ivi yóꞌó, káchi na, ta na ñaa ku na kúu mií Tachi Ndioxi.

1 Juan 5:11

Ta ya ndíkuiin ini yo kua yóꞌó, ta̱xi Ndioxi ichí táku yo xiꞌin ra ndiꞌi saa tiempo. Chi Jesucristo Seꞌe ra ku ra táxi táku yo xiꞌin ra.

1 Juan 5:13

Táa i tutu yóꞌó xaa nuu ndiꞌi ndóꞌo̱ na kándixa Jesús ra kúu Seꞌe Ndioxi. Táa i ya xaa nuu ndo ya ná kundaa ini ndo ya koo ndo xiꞌin Ndioxi ndiꞌi saa tiempo ya vaxi, saa táa i ya nuu ndo ya ná kandixa ni ndo tixin kivi ra.

1 Juan 5:20

Xíni tu yo ya ki̱xi Jesús Seꞌe Ndioxi ñuu ivi yóꞌó ta ta̱xi ra ya xínituni yo ya kundaa vaꞌa ini yo xaꞌa Ndioxi, ra ndaa. Ta iin yuꞌu ku yo xiꞌin Seꞌe ra, ra kúu Jesucristo, ra ndaa. Saa chi Jesucristo ku Ndioxi ra ndaa, ra táxi ichí ya kutaku yo xiꞌin Ndioxi ndiꞌi saa tiempo.