1 Juan 1:10 - Xochapa Mixteco

¹⁰ Tá tu káꞌan yo köo íkan yo ya väꞌa, ta tá káa ra vata saa ndása yo Iva yo Ndioxi, ta ni tuꞌun ra ya ndaa ta köo ya íyo ini yo.

1 Juan 1:10 Iomraidhean Croise

San Juan 3:33

Sundi tá kúu na kándixa tuꞌun káꞌan ra, na yóꞌó ku na ndíkuiin xaꞌa Ndioxi, ya kúu ra, ra ndaa ni.

Colosenses 3:16

Ta taxi ndo ndee ni ná koo mií tuꞌun Tata yo Jesucristo nima ndo. Saa sinaꞌa taꞌan ndo ta ndikani ndo nuu taꞌan ndo sixinu ndo ini taꞌan ndo ya ná ikan ndo ya vaꞌa kúni Ndioxi. Saa ná kusini ndo ta kata ndo salmo xiꞌin yaa i̱í nuu Ndioxi ya táxi ndo tixaꞌvi ndaꞌa ra xaꞌa ya íyo vaꞌa ni ini ndo xiꞌin ra.

1 Juan 1:8

Tá tu káꞌan yo köo kuachi yo, káchi yo, ta síndaꞌvi yo mií va yo, ta köo ya ndaa íyo ini yo.

1 Juan 2:14

Táa i nuu ndóꞌo̱ iva siꞌí saa chi xa xíni ndo Tata yo Jesucristo, ra xa íyo tá täꞌan xikoo ñuu ivi yóꞌó. Saa táa tu i nuu ndóꞌo̱ kuâán, saa chi ndee ni ndo ta xa ndi̱tiin tuꞌun Ndioxi nima ndo, ku̱chiñu ndo nuu kiti nǎꞌa.

1 Juan 2:4

Ndiꞌi na káꞌan: “Xíni i ini Ndioxi”, káchi na, ta köo xáa súvi na ya xáꞌnda chiñu ra nuu na, na ñaa, ta na vata va ku na, köo ya ndaa íyo ini na.

1 Juan 4:4

Ñani yo, kuenta Ndioxi ku yo ta xa ku̱chiñu yo nuu na sáa ini xíni Tata yo, saa chi ndee ni ka Ndioxi ra íyo xiꞌin yo nuu tachi nduvaꞌa ya xáꞌnda chiñu nuu na ñuu ivi yóꞌó.

1 Juan 5:10

Ta ndiꞌi na kándixa Jesús ra kúu Seꞌe Ndioxi, ta íyo tu ya ndíkuiin xaꞌa ra ini na ikán va. Ta naꞌa, na xïin kandixa ya káꞌan Ndioxi xaꞌa Seꞌe ra, ta tá káa ra vata saa ndása na ra, saa chi köo xíin na kandixa na ya káꞌan Ndioxi xaꞌa Seꞌe ra.

2 Juan 1:2

Ta saa ndeꞌe kúꞌvi ni ini nde xíni nde ndóꞌo̱, saa chi íyo ya ndaa ini yo vitin, ta saa koo ya xiꞌin yo ndiꞌi saa tiempo ya vaxi.