तीतस 3:8 - कोन्छ्‌योककी सुङ

⁸ दी ताम्‍ङे ति टेङ्‍बु यिन, ख्‍यिराङ दी ताम्‍ङेला ङार की सिनी ङ नो कितिन। तुक क्‍यानी सी कोन्‍छ्‍योकला तेपा किवे, तिवी लाका ल्‍यामु कितुपला ङ्‍याम्‍ले किशी। तुक कितुप ति मीतिवी थोक्‍ला छासे ल्‍यामु ताङ ख्‍येप्‍साङ वोतुप यिन।

तीतस 3:8 Iomraidhean Croise

मत्ती 20:4

ती थोङ्‍सिमा तीकी तिवाला ‘ख्‍यिराङ साङ ङे गुन्‍डुम शिङ खला गल्‍नी लाका की। ख्‍यिरा लाका क्‍यावु चोयी ति ल तेरिन।’ सिनी सिक्‍यासुङ।

यूहन्‍ना 12:44

तमा येशूकी मीतिवाला थोर ग्‍यप्‍नी दुक सुङ्सुङ, “सी ङला तेपा किवे, तीकी ङला तिराङ तेपा कितुप मिन, यिने ङला तोङ्‍गुप तीला तेपा कितुप यिन।

यूहन्‍ना 5:24

ङ ख्‍यिराङला टेङ्‍बु सिरिन, सी ङे सुङला ङ्‍येन्‍नी ङला तोङ्‍गुप तीला तेपा किवे, तीला नाम्‍साङ मिशिवु मिजी थोप्‍किवी। तीला पर्च्या मोफोकिवी, तमा शेप ने थर्नी मिजी ङ्‍येकिवी।”

लोमा छ्‍येतिवी लाका 12:15

यिने तिवी लावाम तीला दी ङ्‍येन्‍मु ति काङ सिरुप यिनाङ सिक्‍यासुङ। तमा तीकी पत्रुस वुतुङ के वानोक सिनी हम्‍बा क्‍यानी सिक्‍यासुङ। यिने तिवी याङ पत्रुसला ल्हाटे कितुप देवाच्‍येनकी लेन क्‍योलुप थु के यिन्‍दे सिक्‍यासुङ।

रोमी 4:5

चुका मी तीकी टेङ्‍बु वोतुप लाका ति मिकिवी, यिने कोन्‍छ्‍योक ति मी मेटेङ्‍बुतिवाला साङ टेङ्‍बु वे सिनी सेमला लिङ्‍गुप कोन्‍छ्‍योक यिन सिनी तेपा कितुप पेला तीकी क्‍यावु तेपाला टेङ्‍बु वे सिनी खोकी सेमला लिङ्‍गिवी।

२ कोरिन्थी 4:13

कोन्‍छ्‍योककी सुङला “ङे तेपा क्‍यायी, तुक क्‍यानी ङ लपिन।,” सिरुप तीला कोन्‍छ्‍योककी थु चाङ्‍मा वोतुप दोके ङ्‍यिराङला साङ ती थु चाङ्‍मा वे। तुक क्‍यानी ङ्‍यिराङ साङ कोन्‍छ्‍योकला तेपा क्‍यानी ती ताम्‍ङे लप्‍किवी।

एफिसी 4:28

कुन कितुपतिवी साङ तफेन्‍ला कुन मिकिशी। तीकी लाका टेमु क्‍यानी सशी, तमा कतुकारला ख्‍येलुपतिवाला तेर थुप्‍शी।

१ तिमोथी 1:15

दी सुङ ति मी तेरीकी यिन्‍ज्‍यिक मिन्‍ज्‍यिक सेमला लिङ गोकिवी। च्‍यिलासिसिन दी सुङ ति दिक्‍छेनतिवाला दिक्‍पा ने थर ज्‍यितुपला येशू ख्रीष्‍ट दी जम्‍बुलिङला फेपुपकी कोर्ला यिन। ती दिक्‍छेनतिवी नाङ्‍ला तेरी सिनाङ दिक्‍छेन ति ङ राङ यिन।

१ तिमोथी 2:8

ती तप्‍की तेरी जोम्‍नी सोवा देकुप पेला ख्‍योक्‍पेजातिवी सेमला ङ्‍यिर्मु मिकिवु ताङ खाँदा माक्‍यानी क्‍येन मेतुप लाक्‍पा लाङ्‍नी मोपोर किशी सिरुप ति ङे नोवा वे।

१ तिमोथी 5:10

तीकी पुज्‍युङपुमतिवा ल्‍यामु क्‍यानी र्‍होलुप ताङ खोरो खाङ्‍बा वुङ्‍गुप डेन्‍बुतिवाला ताङ्‍देन क्‍यावु ताङ कोन्‍छ्‍योकला तेपा कितुपतिवाला शब्‍ज्‍यी क्‍यावु ताङ दुक्‍पाला ख्‍येलुपतिवाला दाल्‍जा किटे कितुप ताङ लाका काङ साङ ल्‍यामु क्‍यानी मी यम्‍बाला खोरो किताङ नालु ल्‍यामु वोतुप ति छ्‍या तेन्‍दुप वुङ गोकिवी।

२ तिमोथी 1:12

ती तप्‍की ङला दुक्‍पा वोसिनाङ तीकी थोक्‍ला ङ ङोछा मिकी। च्‍यिलासिसिन ङे सुला तेपा क्‍या वे, ती ति ङला ल्‍यामु क्‍यानी छ्‍या वे। खो माफेवा सेक खोकी ङला चेक तेन नङ्‍गुप लाका ति खोकी राङ र्‍होक्‍नी ज्‍योकिवी सिरुप ति ङला तेन्‍तेन वे।

तीतस 1:9

खोरो लापुप सुङ टेङ्‍बुला रम्‍बु क्‍यानी युक गोकिवी। तुक क्‍यासिन तीकी सुङ टेङ्‍बुला लापुप दोके येन्‍देन तेर थुप्‍किवी। तमा सुङ टेङ्‍बुकी तेन्‍दोकला लङ्‍गुपतिवाला टेङ्‍बु काङ यिन सिरुप ति लोप साङ थुप्‍किवी।

तीतस 2:14

ती ख्रीष्‍टकी राङ दाक्‍पुला रङगी तेरी दुक्‍टातिवा नेसुर थर ज्‍यितुपला खोरे मिजी साङ दाक्‍पी थोक्‍ला नाङ्‍सुङ। तमा लाका ल्‍यामु कितुप खक्‍छ्‍येवु मिरिक जोपला सेम टेङ्‍बु जो नाङ्‍सुङ।

तीतस 2:7

तमा ख्‍युरुङ लाका तेरीला टेङ्‍बु क्‍यानी ख्‍योरो मिजी ति यम्‍बाला छ्‍या तेन। ख्‍योरो लोपुप येन्‍देन ति टेङ्‍बु ताङ ताङ्‍देन वोतुप ताङ

तीतस 3:1

ओङ्‍ज्‍येन कितुपतिवा ताङ मी छ्‍येतिवी ओङला देनी तिवी खला ङ्‍येन्‍दुप ताङ लाका टेङ्‍बु कितुपला नाम्‍साङ तिङ माछे सिनी मीतिवाला टोङ्‍गु बिन।

तीतस 3:14

दाक्‍पी मीतिवी नरी लाका ल्‍यामु किशी, तमा कतुकारला ख्‍येलुपतिवाला दाल्‍जा कि थुप्‍नी ङोछाला मेख्‍येल्‍शी।

फिलेमोन 1:11

ती ति गोमाला ख्‍योरो थोक्‍ला फेन मोथोवु वोसिनाङ त याङ ख्‍युरुङ ताङ ङ ङ्‍यिकरकी थोक्‍ला फेन थोवु च्‍युङ वे।

हिब्रू 10:24

तमा दाक्‍पु च्‍यिककी च्‍यिकला ङ्‍यिङ्‍ज्‍ये कितुप ताङ लाका ल्‍यामु कितुपला चुक क्‍यानी टोङ्‍गु तेर गोकिवी, तीकी थोक्‍ला नासाम तोङ्‍गुप।

१ पत्रुस 1:21

खो नेसुर ख्‍यिरा कोन्‍छ्‍योकला तेपा क्‍या वे। कोन्‍छ्‍योककी येशूला टुङ्‍नी शेपतिवा नेसुर ङोसु लङ च्‍यिनी मोवा नाङ्‍सुङ। तुक क्‍यानी ख्‍यिरा तेपा ताङ रेवा ति कोन्‍छ्‍योकला ज्‍याक्‍नी वे।