तीतस 3:1 - कोन्छ्‌योककी सुङ

¹ ओङ्‍ज्‍येन कितुपतिवा ताङ मी छ्‍येतिवी ओङला देनी तिवी खला ङ्‍येन्‍दुप ताङ लाका टेङ्‍बु कितुपला नाम्‍साङ तिङ माछे सिनी मीतिवाला टोङ्‍गु बिन।

तीतस 3:1 Iomraidhean Croise

मत्ती 22:21

येशूकी तुक सुङ्‍सिमा तिवी “कैसरकी ति यिन।” सिनी सिक्‍यासुङ। तमा येशूकी तिवाला सुङ्‍सुङ, “तुकै यिन्‍सिन कैसरकी ति कैसरला ते, कोन्‍छ्‍योककी ति कोन्‍छ्‍योकला राङ पुल।”

१ कोरिन्‍थी 15:58

तुक क्‍यानी ङे ङ्‍यिङ्‍ज्‍येवु अच्‍युनुपतिवा, ख्‍यिराङ हम क्‍या देता। सी साङ ख्‍यिराङला येर मर कितुप मोजोशिता। ख्‍यिराङ ति चोवो येशूकी थोक्‍ला शब्‍ज्‍यी कितुला नरी फरिन ग्‍युका। च्‍यिलासिसिन ख्‍यिराङला छ्‍या वे, ख्‍यिरा चोवोकी थोक्‍ला टेमु क्‍यावु ति नाम्‍साङ तेर्मेला मोडोवी।

एफिसी 2:10

दाक्‍पु ति कोन्‍छ्‌योककी थोक्‍ला लाका ल्‍यामु कितुपला ख्रीष्‍ट नेसुर खोकी छ्‍याककी ज्‍येवु यिन। दाक्‍पु खोकी नोवाला वोतुप दोके युक्‍शी सिनी खोकी दाक्‍पुला तोङ्‍ला के ज्‍येवु यिन।

फिलिप्पी 1:11

तमा येशू ख्रीष्‍ट नेमा वुङ्‍गुप टेङ्‍बुकी ख्‍यिरा मिजीला डेलु गरुप दोके छाछिङी च्‍युङ्‍नी कोन्‍छ्‍योकला मोवा कितुप ताङ सोवा देकुप च्‍युङ थुप्‍शी।

कलस्सी 1:10

तुक क्‍यासिन ख्‍यिरा चोवोकी सेमला डोप मिजी क्‍याङ्‍नी नरी खोला गा लोङ थुप्‍किवी। तमा ख्‍यिराङ तेरी मङ मङ लाका ल्‍यामु कितुप च्‍युङ्‍नी कोन्‍छ्‍योककी नङ्‍गुप रिक्‍पाला फरिन डिवी।

१ तिमोथी 2:2

तमा ग्‍येल्‍वुतिवा ताङ ग्‍येल्‍वी ओङला लाका कितुप मी छ्‍येतिवा तेरीकी थोक्‍ला साङ मोपोर की। तुक क्‍यासिन दाक्‍पु लोदिमु क्‍यानी कोन्‍छ्‍योकला सोवा देकुप ताङ ल्‍यामु वोतुप मिजी क्‍योङ थुप्‍शी।

१ तिमोथी 4:6

ती येन्‍देन ति ख्‍योरो अच्‍युनुपतिवाला साङ लाप्‍सुङ सिसिन ख्‍योरो तेपा क्‍यावु सुङ ताङ येन्‍देन टेङ्‍बुला सिक्‍यावु दोके मङ रम्‍बु च्‍युङ्‍नी ख्‍युरुङ येशू ख्रीष्‍टकी थोक्‍ला लाका ल्‍यामु कितुप डिवी।

१ तिमोथी 5:10

तीकी पुज्‍युङपुमतिवा ल्‍यामु क्‍यानी र्‍होलुप ताङ खोरो खाङ्‍बा वुङ्‍गुप डेन्‍बुतिवाला ताङ्‍देन क्‍यावु ताङ कोन्‍छ्‍योकला तेपा कितुपतिवाला शब्‍ज्‍यी क्‍यावु ताङ दुक्‍पाला ख्‍येलुपतिवाला दाल्‍जा किटे कितुप ताङ लाका काङ साङ ल्‍यामु क्‍यानी मी यम्‍बाला खोरो किताङ नालु ल्‍यामु वोतुप ति छ्‍या तेन्‍दुप वुङ गोकिवी।

२ तिमोथी 1:6

तुक क्‍यानी ङ ख्‍युरुङला ताम्‍ङे यी टेन्‍दा लोङ्‍यिन। ती ति काङ यिन सिसिन, ङे ख्‍योरो गोला लाक्‍पा ज्‍याक्‍नी मोपोर क्‍यासिमा कोन्‍छ्‍योककी ख्‍युरुङला नङ्‍गुप कटिनकी ङ्‍येम्‍बा ति टोक माज्‍येनी तीला रम्‍बु जोपला यिन।

२ तिमोथी 2:14

दी ताम्‍ङेकी कोर्ला तेपा कितुप मीतिवाला टेन्‍दा लोङ। तमा चोवो कोन्‍छ्‍योककी थोङ्‍दाङला क बिन्‍नी तिवा ताम्‍ङे छिक च्‍यिकला साङ खाँदा मिकिशी। तुका ताम्‍ङे ति काङ साङ फेन मोथोवु यिन, ती ताम्‍ङेकी जोसालेन्‍सिन ङ्‍येन्‍दुपतिवाला मेलोवा जेवी।

२ तिमोथी 2:21

ती दोके सी साङ दिक्‍पा कितुप क्‍युर्नी खुरुङ टेङ्‍बु जेवी सिसिन ती ति नाथोप पेला खाङ्‍बी ज्‍यिन्‍दाककी खक्‍छ्‍येवुला थोकुप चेङ्‍गा वोतुप नेक्‍योक दोके च्‍युङ्‍नी ज्‍यिन्‍दाककी थोक्‍ला तेरी लाका ल्‍यामु कितुप च्‍युङ्‍गिवी।

तीतस 1:16

तिवा कोन्‍छ्‍योकला ङो शेकिवी सिनी सिरुप याङ सिवी, यिने रङगी किताङ नेसुर खोला मारे तोङ्‍गिवी। तिवा दुक्‍टा ताङ खोकी सुङला मेङ्‍येन्‍दुप गिवी। तमा काङ साङ लाका टेङ्‍बु कि छ्‍योवु मेङ्‍गिवी।

तीतस 2:14

ती ख्रीष्‍टकी राङ दाक्‍पुला रङगी तेरी दुक्‍टातिवा नेसुर थर ज्‍यितुपला खोरे मिजी साङ दाक्‍पी थोक्‍ला नाङ्‍सुङ। तमा लाका ल्‍यामु कितुप खक्‍छ्‍येवु मिरिक जोपला सेम टेङ्‍बु जो नाङ्‍सुङ।

तीतस 3:14

दाक्‍पी मीतिवी नरी लाका ल्‍यामु किशी, तमा कतुकारला ख्‍येलुपतिवाला दाल्‍जा कि थुप्‍नी ङोछाला मेख्‍येल्‍शी।

तीतस 3:8

दी ताम्‍ङे ति टेङ्‍बु यिन, ख्‍यिराङ दी ताम्‍ङेला ङार की सिनी ङ नो कितिन। तुक क्‍यानी सी कोन्‍छ्‍योकला तेपा किवे, तिवी लाका ल्‍यामु कितुपला ङ्‍याम्‍ले किशी। तुक कितुप ति मीतिवी थोक्‍ला छासे ल्‍यामु ताङ ख्‍येप्‍साङ वोतुप यिन।

हिब्रू 13:21

ती कोन्‍छ्‍योककी खोकी नोवाला वोतुप ति ख्‍यिरा तेरी किशी नोनी ख्‍यिराङला गोवु तेरी ल्‍यामु वोतुपतिवा नङ्‍शी। तमा चुका ति खोला सेमला डोप नोके, येशू ख्रीष्‍ट नेसुर ती ति ख्‍यिरा मिजीला खोकी क्‍या नङ्‍शी। येशू ख्रीष्‍टला नरीकी नरी मोवा च्‍युङ्‍शी। आमिन।

२ पत्रुस 1:12

दी ताम्‍ङे ति ख्‍यिराङला छ्‍या वे, तमा ख्‍यिराङ तेपा रम्‍बु क्‍यानी देकिवी, यिन्‍सिनाङ ङ ख्‍यिराङला नरी टेन ज्‍यितुपला दी ताम्‍ङे ति सिरिन।

यहूदा 1:5

ती ताम्‍ङे ति ख्‍यिराङला छ्‍या राङ वे, यिन्‍सिनाङ ङ ताम्‍ङे चेयी ख्‍यिराङला टेन्‍सो कि ज्‍यितिन। चोवोकी मीतिवाला मिश्र लुङ्‍बा नेसुर तेन्‍नी वावु मीतिवी नाङ्‍ला तेपा मिकिवु गिपातिवाला खोकी तेरी पुसुकी डो च्‍यिसुङ।