तीतस 2:8 - कोन्छ्‌योककी सुङ

⁸ क्‍येन मेतुप वुङ्‍शी। तमा सी साङ ख्‍योरो ताम्‍ङेला मारे तोङ मुथुप्‍शी। तुक क्‍यानी ङ्‍यिरा तेन्‍दोकला लावुतिवी ङ्‍यिरा कोर्ला सिरुप ताम्‍ङे काङ साङ माङ्‍येनी ङोछाला ख्‍येल्‍शी।

तीतस 2:8 Iomraidhean Croise

मर्कूस 12:17

येशूकी तिवाला सुङ्‍सुङ, “कैसरकी ति कैसरला ते, तमा कोन्‍छ्‍योककी ति कोन्‍छ्‍योकला पुल।” खोकी दुक सुङ्‍गुप थोनी तिवा हलेवा क्‍यासुङ।

मर्कूस 12:28

ती पेला यहूदी छ्‍योकी गेकेन यी वानी येशूला सदुकीतिवी मुला केवुल कियी वोतुप थोनोक। येशूकी सदुकीतिवाला टिलेन ल्‍यामु नङ्‍गुप थोनी तीकी खोला टिसुङ, “गेकेन, कोन्‍छ्‍योककी कतिवी नाङ्‍ला तेरी सिनाङ क छ्‍ये ति चुका ति यिन?”

मर्कूस 12:32

ती थोनी ती यहूदी छ्‍योकी गेकेन तीकी येशूला सिक्‍यासुङ, “गेकेनकी टेके सुङ्‍सुङ। कोन्‍छ्‍योक च्‍यिक राङ वे, खो मिसिन यम्‍बा सु साङ मे।

मर्कूस 12:34

तीकी सिक्‍यावु रिक्‍पा वोतुप ताम्‍ङे थोनी येशूकी तीला “ख्‍युरुङ ति कोन्‍छ्‍योककी ग्‍येल्‍खापला शुक्‍तु छ्‍येनोक।” सिनी सुङ्‍सुङ। तमा ती ज्‍युक्‍ला सी साङ खोला टिवा टेपला ङाडेङ माक्‍या।

लूका 13:17

येशूकी तुक सुङ्‍सिमा खोकी तेन्‍दोकला लावुतिवा तेरी खक्‍योवा लासुङ। यिने यम्‍बा मी माङ्‍छ्‍योक ति खोकी क्‍या नङ्‍गुप तेरी हलेवु लाकाला गा क्‍यासुङ।

२ थेसलोनिकी 3:14

सी दी ङ्‍यिरा तङ्‍गुप यिकीला टिवु ताम्‍ङे ति मेङ्‍येन्‍वे, तुका मीतिवा ल्‍यामो क्‍यानी ङो शेनी ज्‍योक। तिवी मुला तम्‍जी साङ माजो। तमा तिवा ङोछाला ख्‍येल्‍शी।

१ तिमोथी 5:14

ती तप्‍की नाज्‍युङ वोतुप पेला राङ युक्‍सिम फोकुप पुम्‍पेजातिवा जेन्‍दी क्‍यानी पेजातिवा क्‍येनी खाङ्‍बा शिङ क्‍यानी सशी। तमा दाक्‍पी डतिवी दाक्‍पुला ताम्‍ङे जोप लाम मेङ्‍येशी।

१ तिमोथी 6:3

दोजो मी ललाइकी येन्‍देन मेटेङ्‍बुतिवा लोप्‍किवी, यिने दाक्‍पी चोवो येशू ख्रीष्‍टकी खक्‍छ्‍येवु सुङ ताङ दाक्‍पी मोवा कि गोवु येन्‍देनकी मुला मिडिकिवी सिसिन,

तीतस 3:14

दाक्‍पी मीतिवी नरी लाका ल्‍यामु किशी, तमा कतुकारला ख्‍येलुपतिवाला दाल्‍जा कि थुप्‍नी ङोछाला मेख्‍येल्‍शी।

१ पत्रुस 2:12

यिने मिरिक यम्‍बाकी मीतिवी पर्ला ख्‍यिरा किताङ नालु ति ल्‍यामु वुङ गोकिवी। सी ख्‍यिराङला मेलोवा सिनी ख्‍यिरा तेन्‍दोकला लासिनाङ ख्‍यिरा लाका ल्‍यामु क्‍यावु ति थोङ्‍नी कोन्‍छ्‍योक फेवु तुजेला तिवी साङ खोला सोवा देक्‍शी।

१ पत्रुस 2:15

च्‍यिलासिसिन कोन्‍छ्‍योककी नोवा ति ख्‍यिरा लाका ल्‍यामु क्‍यानी ख्‍यिरा तेन्‍दोकला लानी ताम्‍ङे मेलोवा कितुप मी अम्‍बारङ्‍शिङतिवाला खरक्‍पा देतुप जोप यिन।

१ पत्रुस 3:16

तमा ख्‍यिराङ सेम टेङ्‍बु क्‍यानी दे, तुक क्‍यासिन ख्‍यिरा ख्रीष्‍टला ताङ्‍देन क्‍यानी क्‍यावु लाकाकी तेन्‍दोकला लङ्‍गुपतिवा तिवी क्‍यावु लाका मेलोवाकी थोक्‍ला ङोछा लङ्‍शी।