तीतस 2:7 - कोन्छ्‌योककी सुङ

⁷ तमा ख्‍युरुङ लाका तेरीला टेङ्‍बु क्‍यानी ख्‍योरो मिजी ति यम्‍बाला छ्‍या तेन। ख्‍योरो लोपुप येन्‍देन ति टेङ्‍बु ताङ ताङ्‍देन वोतुप ताङ

तीतस 2:7 Iomraidhean Croise

२ कोरिन्थी 1:12

ङ्‍यिराङ दी ताम्‍ङेला तेके किवी, तमा ङ सेम टेङ्‍बुकी पङ्बु तेरिन। दी जम्‍बुलिङला देनी क्‍यावु ङ्‍यिरा किताङ नालु ताङ खक्‍छ्‍येवुला ख्‍यिरा मुकी तम्‍जीला ताम्‍ङे जिनोक माजोनी कोन्‍छ्‍योक नेमा वावु टेङ्‍बुला क्‍यावु यिन। ङ्‍यिरा तुक क्‍यावु ति जम्‍बुलिङकी रिक्‍पा नेमा वावु मिन, कोन्‍छ्‍योककी कटिन नेमा वावु यिन।

२ कोरिन्थी 2:17

मी यम्‍बी दोके ङ्‍यिरा ति कोन्‍छ्‍योककी सुङला ख्‍येमु वोतुप च्‍यालक छोङ कितुप मी दोके मिन। बोरु ङ्‍यिराङ याङ कोन्‍छ्‍योककी तङ्‍गुप तप्‍की खोकी थोङ्‍दाङला ख्रीष्‍टकी थोक्‍ला ताम्‍ङे टेङ्‍बु तिराङ सिवी।

२ कोरिन्थी 4:2

ङ्‍यिराङ तेरी परकी छ्‍याकला वोतुप ताङ ङोछा लङ्‍गुप लाका मेलोवातिवा नाम्‍साङ मिकिवी। तमा जिनोक जोप ताङ कोन्‍छ्‍योककी सुङ ति कुतुक जोप साङ मिकिवी। यिने टेङ्‍बु वोतुप सुङ तिराङ ख्‍याप्‍टाक क्‍यानी कोन्‍छ्‍योककी थोङ्‍दाङला तेरी मीतिवी सेमला ङ्‍यिराङ टेङ्‍बु यिन सिरुप तेन्‍तेन किवी।

२ कोरिन्थी 8:8

दी ताम्‍ङे ति ङे ख्‍यिराङला क तेरुपला सिक्‍यावु मिन। यिने मी यम्‍बी सेम्‍बा सेमगी दाल्‍जा कितुप लाकाला चो ङ्‍यम्‍ले क्‍यासुङ ती ति ख्‍यिराङला सिक्‍यानी ख्‍यिरा ङ्‍यिङ्‍ज्‍ये क्‍यावु ति टेङ्‍बु यिनोक मिनोक हाक्‍कोवुला सिक्‍यावु यिन।

एफिसी 6:24

तमा दाक्‍पी चोवो येशू ख्रीष्‍टला नरी ङ्‍यिङ्‍ज्‍ये कितुपतिवा तेरीकी मुला कटिन ति थोप्‍शी।

फिलिप्पी 1:10

तुक क्‍यानी चुका ताम्‍ङे ति खक्‍छ्‍येवु यिन ति ख्‍यिरा बे थुप्‍शी। तमा ख्रीष्‍ट फेवु तुजे सेक ख्‍यिराङ क्‍येन मेतुप ताङ टेङ्‍बु क्‍यानी दे थुप्‍शी।

२ थेसलोनिकी 3:9

ङ्‍यिराङला ख्‍यिराङ नेसुर दाल्‍जा ङ्‍येतुप ओङ मेतुप याङ मिन, यिन्‍सिनाङ ख्‍यिरा ङ्‍यिरा क्‍यावु दोके क्‍यानी ङ्‍यिरा लुमु से गोकिवी सिरुप ति ख्‍यिराङला हाक्‍कोशी सिनी ङ्‍यिरा तुक क्‍यावु यिन।

१ तिमोथी 4:12

ख्‍युरुङ नाज्‍युङ वे सिनी सी साङ ख्‍युरुङला मो मेबेप्‍शी, यिने मीतिवी थोङ्‍दाङला ताम्‍ङे लप्‍ताङ ताङ किताङ नालु ताङ ङ्‍यिङ्‍ज्‍ये ताङ तेपा ताङ टेङ्‍बु वोतुप पङ्‍बु छ्‍या तेन।

१ तिमोथी 5:10

तीकी पुज्‍युङपुमतिवा ल्‍यामु क्‍यानी र्‍होलुप ताङ खोरो खाङ्‍बा वुङ्‍गुप डेन्‍बुतिवाला ताङ्‍देन क्‍यावु ताङ कोन्‍छ्‍योकला तेपा कितुपतिवाला शब्‍ज्‍यी क्‍यावु ताङ दुक्‍पाला ख्‍येलुपतिवाला दाल्‍जा किटे कितुप ताङ लाका काङ साङ ल्‍यामु क्‍यानी मी यम्‍बाला खोरो किताङ नालु ल्‍यामु वोतुप ति छ्‍या तेन्‍दुप वुङ गोकिवी।

तीतस 3:8

दी ताम्‍ङे ति टेङ्‍बु यिन, ख्‍यिराङ दी ताम्‍ङेला ङार की सिनी ङ नो कितिन। तुक क्‍यानी सी कोन्‍छ्‍योकला तेपा किवे, तिवी लाका ल्‍यामु कितुपला ङ्‍याम्‍ले किशी। तुक कितुप ति मीतिवी थोक्‍ला छासे ल्‍यामु ताङ ख्‍येप्‍साङ वोतुप यिन।

१ पत्रुस 5:3

ख्‍यिराङला चेक तेन ज्‍यकुप मीतिवाला ओङ्‍ज्‍येन क्‍यानी मिन, यिने ख्‍यिरा मिजी ति तिवी थोक्‍ला पङ्‍बु च्‍युङ गोकितो।