तीतस 2:5 - कोन्छ्‌योककी सुङ

⁵ खुरुङला डेकला ज्‍योकुप ताङ खोरो ख्‍योवी मुला टेङ्‍बु वोतुप ताङ खाङ्‍बा शिङ ल्‍यामो क्‍यानी ल्‍हाप ताङ च्‍यङ्‍च्‍यु सेम्‍बा वोतुप ताङ रङगी ख्‍योवी ओङला दे गोकिवी सिनी लोप्‍शी। तुक क्‍यासिन कोन्‍छ्‍योककी सुङला मी यम्‍बी मारे मोतोङ्‍शी।

तीतस 2:5 Iomraidhean Croise

लोमा छ्‍येतिवी लाका 9:36

योप्‍पा ग्‍येसाला तबीता सिरुप पुम्‍पेजा यी देकिनोक। तीकी मिङ ति ग्रीक ताम्‍ङेला डोरकास सिनोक। तीकी नरी लाका टेङ्‍बु तिराङ कितुप ताङ पेराङ्‍बुतिवाला साङ दाल्‍जा किनोक।

लोमा छ्‍येतिवी लाका 9:39

तमा पत्रुस तिवी मुला ते गाल। ते लेप्‍सिमा तिवी पत्रुसला येला तेला वोतुप कोठाला क्‍याल्‍सुङ। ते पेर्मी युक्‍सिमतिवा तेरी पत्रुसकी गारी गुरीला लानी ङुयी सिरा तबीता तिवी मुला वोतुप पेला तीकी चेम्‍बुप मज्‍यातिवा छ्‍या तेन्‍सुङ।

रोमी 14:16

ख्‍योरो क्‍यावु लाका ल्‍यामुला मी यम्‍बी मेलोवा सिनी क्‍येन मेतेर्शी।

रोमी 2:24

ती तप्‍की कोन्‍छ्‍योककी सुङला “ख्‍यिरा तेन्‍दोककी यहूदी मिन्‍दुप मिरिक यम्‍बाकी मीतिवी कोन्‍छ्‍योकला मारे तोङ्‍गिवी।” सिनी टि वे।

१ कोरिन्‍थी 11:3

यिने दी ताम्‍ङे ति ख्‍यिरा हाक्‍कोशी सिरुप ति ङला नोवा वे। तेरी मीतिवा सिनाङ छ्‍ये ति येशू ख्रीष्‍ट यिन। तमा पेर्मी सिनाङ छ्‍ये ति तीकी ख्‍योवा यिन। तमा ख्रीष्‍ट सिनाङ छ्‍ये ति कोन्‍छ्‍योक यिन।

१ कोरिन्‍थी 14:34

पुम्‍पेजातिवा ति खरक्‍पा देशी। तिवाला काङ साङ सि माज्‍यी, यिने कोन्‍छ्‍योककी नङ्‍गुप ठिमला सिक्‍यावु दोके तिवा चर्चकी ओङला देशी।

एफिसी 5:33

काङ यिन्‍सिनाङ ख्‍यिराङ तेरीकी दाक दाक्‍पी पेर्मीला रङला दोके ङ्‍यिङ्‍ज्‍ये किशी, पेर्मीतिवी साङ रङगी ख्‍योवाला ताङ्‍देन किशी।

कलस्सी 3:18

पेर्मीतिवा, ख्‍यिरा रङगी ख्‍योवातिवी सिक्‍यावु खला ङ्‍येन। तुक कितुप ति चोवोला तेपा कितुप मीतिवी कि गोवु यिन।

१ तिमोथी 5:10

तीकी पुज्‍युङपुमतिवा ल्‍यामु क्‍यानी र्‍होलुप ताङ खोरो खाङ्‍बा वुङ्‍गुप डेन्‍बुतिवाला ताङ्‍देन क्‍यावु ताङ कोन्‍छ्‍योकला तेपा कितुपतिवाला शब्‍ज्‍यी क्‍यावु ताङ दुक्‍पाला ख्‍येलुपतिवाला दाल्‍जा किटे कितुप ताङ लाका काङ साङ ल्‍यामु क्‍यानी मी यम्‍बाला खोरो किताङ नालु ल्‍यामु वोतुप ति छ्‍या तेन्‍दुप वुङ गोकिवी।

१ तिमोथी 6:1

तेपा कितुप योक्‍पुला देतुपतिवा तेरीकी दाक दाक्‍पी ज्‍यिन्‍दाकला ताङ्‍देन की। तुक क्‍यासिन सी साङ कोन्‍छ्‍योककी मिङ ताङ दाक्‍पी बिन्‍दुप येन्‍देनला मारे मोतोङ्‍गिवी।

तीतस 2:4

तुक राङ क्‍यानी मी गामातिवी पुम्‍पेजा ज्‍येन्‍दातिवाला दाक दाक्‍पी ख्‍योवा ताङ पेजातिवाला ङ्‍यिङ्‍ज्‍ये कितुप ताङ