तीतस 2:3 - कोन्छ्‌योककी सुङ

³ तुक राङ क्‍यानी मी गामातिवा किताङ नालु ति टेङ्‍बु वोतुप ताङ मी यम्‍बी कोर्ला ताम्‍ङे मेलोवा मिकिवु ताङ छ्‍याङ्‍गेले मेतुप ताङ चुका ति ल्‍यामु नोके तिराङ लोप्‍शी

तीतस 2:3 Iomraidhean Croise

रोमी 1:29

तमा मीतिवा तेरी वुल्‍दुङ्‍बा कितुप ताङ दुक्‍टा कितुप ताङ देर्पा कितुप ताङ लाका मेलोक्‍पा कितुप गल वे। तिवा ठतोक कितुप ताङ मी सेतुप ताङ थमु ग्‍यकुप ताङ जिनोक जोप ताङ दुक्‍टा वोतुप नासाम तोङ्‍गुप ताङ ताम्‍ङे क्‍योलुप ताङ

रोमी 16:2

खोकी मी बङीला दाल्‍जा किटे क्‍या वे। तमा ङला साङ दाल्‍जा किटे क्‍यासुङ। ती तप्‍की खो वुङ्‍गुप पेला ख्‍यिरा खोला कोन्‍छ्‍योककी पुम दोके नासाम ताङ्‍नी गासो शुसा। खोला काङ रे च्‍यिक रे गोसिन दाल्‍जा किटे किसा।

एफिसी 5:3

यिने ख्‍यिरा पर्ला शम्‍डेन कितुप ताङ तेरी परकी लाका मेटेङ्‍बु कितुप ताङ देर्पा कितुप लाकातिवा क्‍युर। च्‍यिलासिसिन तुका लाकातिवा कोन्‍छ्‌योकला तेपा कितुप मीतिवी कितुप पोमु मेङ्‍गिवी।

१ तिमोथी 3:11

तुक राङ क्‍यानी तिवी पेर्मीतिवा साङ किताङ नालु ल्‍यामु वोतुप ताङ मीला मारे मोतोङ्‍गुप ताङ डेकला देतुप ताङ तेरी ताम्‍ङेला खोङ्‍तेर्मु वुङ गोकिवी।

१ तिमोथी 3:8

तुक राङ क्‍यानी चर्चला ल्हाटे कितुप मीतिवा साङ नासाम ल्‍यामु तोङ्‍गुप वुङ गोकिवी। तन्‍दा राङ च्‍यिक तन्‍दा राङ च्‍यिक सिरुप ताङ छ्‍याङ्‍गेले कितुप ताङ नोरला देर्पा कितुप मिन,

१ तिमोथी 5:23

गोमाला दोके छ्‍यु तिराङ थुङ्‍गुप मिन, यिने ख्‍योरो खोक्‍पी थोक्‍ला ताङ येलुङ येलुङ मानाशी सिनी गुन्‍डुम छ्‍याङ साङ चे चेयी थुङ।

तीतस 1:7

च्‍यिलासिसिन गोमा कितुप मी छ्‍ये ति कोन्‍छ्‍योककी लाका कितुप मी यिन्‍दुप तप्‍की क्‍येन मेतुप वुङ गोकिवी। ती ति हम्‍बा मिकिवु ताङ शार्क्येक ङ्‍यिर्मु मिकिवु ताङ छ्‍याङ्‍गेले मेतुप ताङ खाँदा मिकिवु ताङ टोङ्‍बाला देर्पा कितुप वुङ्‍गुप मेवी।

तीतस 2:4

तुक राङ क्‍यानी मी गामातिवी पुम्‍पेजा ज्‍येन्‍दातिवाला दाक दाक्‍पी ख्‍योवा ताङ पेजातिवाला ङ्‍यिङ्‍ज्‍ये कितुप ताङ

हिब्रू 5:12

ख्‍यिरा तेपा क्‍यावु ति लो अलायी गाल, तुक क्‍यानी त याङ ख्‍यिराङ गेकेन के च्‍युङ गोवु ति यिन्‍जा, यिने तरोङ साङ ख्‍यिराङला ललाइकी कोन्‍छ्‍योककी सुङगी कोर्ला गोमा नेज्‍युनी येलुङ लोप गोवु नोक। ख्‍यिराङ याङ समा क्‍योङ्‍बु साप मिन, आमी नुम तिराङ थुङ्‍गुप आङा टिक्‍पे दोके नोक।

ज्‍यल्‍का 2:20

यिन्‍सिनाङ ख्‍योरो तेन्‍दोकला ङे सि गोवु ताम्‍ङे च्‍यिक वे। ख्‍युरुङ ईजेबेल पुम्‍पेजी सिक्‍यावु खला ङ्‍येन्‍गिनोक। तीकी खुरुङ ति नम्‍दर शेतुप यिन सिनी सिनोक, यिने ङला शब्‍ज्‍यी कितुपतिवाला ति शम्‍डेन कितुप ताङ कुतिवाला पुलुप समा सोसिन गिवी सिनी लोप्‍किनोक।