तीतस 2:13 - कोन्छ्‌योककी सुङ

¹³ ती तप्‍की चोछ्‍येवु कोन्‍छ्‍योक ताङ दिक्‍पा ने थर ज्‍यितुप चोवो येशू ख्रीष्‍ट फेपुप मोवाकी थोक्‍ला दाक्‍पु रेवा क्‍यानी गुनी देकिवी।

तीतस 2:13 Iomraidhean Croise

मत्ती 16:27

ङ मी पुज्‍युङ ङे पपी मोवा थोप्‍नी देवाच्‍येनकी लेन क्‍योलुप थुतिवी मुला लोक्‍नी वुङ्‍गिवी, ती पेला तेरी मीतिवा रे रेकी काङ क्‍यावे, तीकी क्‍यावु दोके राङ ङ छ्‍यक्‍तक तेर्किवी।

मत्ती 25:31

“ङ मी पुज्‍युङ तेरी देवाच्‍येनकी लेन क्‍योलुप थुतिवी मुला खोरो मोवाला वुङ्‍गुप पेला ङ ति खोरो ग्‍येल्‍ठिकला देकितो।

मत्ती 26:64

तमा येशूकी तीला सुङ्‍सुङ, “ख्‍योरो राङ सिक्‍यासुङ। यिने ङ ख्‍यिराङ तेरीला सिरिन, तफेन्‍ला ङ मी पुज्‍युङ ति चोछ्‍येवु कोन्‍छ्‍योककी यावी थाकाला देतुप ताङ देवाच्‍येनकी मुक्‍पी ख नेमा वुङ्‍गुप ति ख्‍यिरा थोङ्‍गितो।”

मर्कूस 14:62

येशूकी सुङ्‍सुङ, “यिन, ती ति ङ राङ यिन। मी पुज्‍युङ चोछ्‍ये वोतुप कोन्‍छ्‍योककी यावी थाकाला देतुप ताङ देवाच्‍येन नेमा मुक्पी ख नेमा वुङ्‍गुप ति ख्‍यिरा थोङ्‍गितो।”

मर्कूस 8:38

दी शम्‍डेन कितुप ताङ दिक्‍पा वोतुप गिपा नेसुर सी ङ ताङ ङे सुङला ङोछा किवे, ङ मी पुज्‍युङ साङ चाङ्‍मा वोतुप देवाच्‍येनकी लेन क्‍येलुप थुतिवी मुला ङे पपी मोवा थोप्‍नी वुङ्‍गुप पेला तीला ङोछा कितिनो।”

लोमा छ्‍येतिवी लाका 24:15

टेङ्‍बु वोतुपतिवा ताङ मेटेङ्‍बुतिवा तेरीला कोन्‍छ्‍योककी शेप ने सेन्‍बु लोङ्‍गिवी सिरुप ताम्‍ङे ति दिवी खोप्‍रे सेमला लावु दोके ङ साङ कोन्‍छ्‍योकला रेवा कितिन।

रोमी 15:13

ख्‍यिराङला रेवा नङ्‍गुप कोन्‍छ्‍योककी ख्‍यिरा क्‍यावु तेपाकी थोक्‍ला गा ताङ लोदिमु तेरी नङ्‍शी। तमा ख्‍यिराङ खोकी थु चाङ्‍माकी ओङला मङ मङ रेवा क्‍यानी दे थुप्‍शी।

रोमी 5:5

तमा ती रेवा ङ्‍येसिमा दाक्‍पुला यिछ्‍येता मलङ्‍गिवी। च्‍यिलासिसिन कोन्‍छ्‍योककी दाक्‍पुला नङ्‍गुप थु चाङ्‍मा नेमा खोकी ङ्‍यिङ्‌ज्‍ये ति दाक्‍पी सेमला छासे क्‍यानी नाङ्‍सुङ।

रोमी 8:18

तसाम पेला दी मिजीला दाक्‍पुला वुङ्‍गुप दुक्‍पा ताङ ज्‍युक्‍ला दाक्‍पुला ङ्‍येतुप कोन्‍छ्‍योककी मोवा ति डिक्‍नी ल्‍हासिन ती दुक्‍पा ति काङ साङ मिन सिनी नासाम शर्किवी।

१ कोरिन्‍थी 1:7

तुक क्‍यानी ख्‍यिराङ दाक्‍पी चोवो येशू ख्रीष्‍ट लोक्‍नी फेवु तुजेला गुनी देतुप तप्‍की कोन्‍छ्‍योककी ख्‍यिराङला खोकी थु चाङ्‍माकी नङ्‍गुप ङ्‍येम्‍बा साङ बङी नङ्‍गिवी।

२ कोरिन्थी 4:4

दी जम्‍बुलिङकी ल्‍हलु यिन्‍दुप शैतानकी येशूला तेपा मिकिवु मीतिवी सेम ति क्‍योङ्‍बु जोवु तप्‍की तिवी कोन्‍छ्‍योककी जुजमला फेवु ख्रीष्‍टकी मोवा यिन्‍दुप लेन ल्‍यामुकी वोसिर सल्‍वु ति थोङ मुथुपी।

२ कोरिन्थी 4:6

“नक्‍तोमीला ठछ्‍येली डोशी।” सिनी सुङ्‍गुप कोन्‍छ्‍योककी दाक्‍पी सेमला खोकी वोसिर ति ग्‍यक च्‍यिन वे। तमा ती वोसिरकी दाक्‍पुला येशू ख्रीष्‍टकी शालला वोतुप कोन्‍छ्‍योककी मोवा हाक्‍को ज्‍यिकिवी।

कलस्सी 1:23

तुक कितुपला वुतुङ के ख्‍यिराङ तेपाला येर मर माक्‍यानी नरी डेकला दे गोकिवी। तमा ख्‍यिरा थोवु लेन ल्‍यामुला रेवा क्‍यावु ति क्‍युर्नी माज्‍योक। ती लेन ल्‍यामु ति देवाच्‍येनकी वोक्‍ला वोतुप तेरी मीतिवाला ख्‍याप्‍टाक क्‍यावु यिन। ङ पावल साङ ती लेन ल्‍यामु ख्‍याप्‍टाक कितुप लावा च्‍युङ वे।

कलस्सी 1:27

तमा खोकी यहूदी मिन्‍दुप मिरिक यम्‍बाकी मीतिवी पर्ला ती छ्‍याकला वोतुप मोवा ति छासे हलेवु वे सिरुप ताम्‍ङे ति खोरे मीतिवाला हाक्‍को ज्‍यितुपला पेन नङ्‍गुप यिन। ती छ्‍याककी ताम्‍ङे ति ख्‍यिरा मिजीला वोतुप ख्रीष्‍ट यिन। ख्रीष्‍ट ख्‍यिरा मिजीला वोतुप तप्‍की ख्‍यिराङला मोवा वोतुप रेवा ङ्‍येनी वे।

कलस्सी 1:5

तुका तेपा ताङ ङ्‍यिङ्‍ज्‍ये क्‍यावु ति ख्‍यिरा थोक्‍ला देवाच्‍येनला ज्‍यकुप रेवा नेसुर वुङ्‍गुप यिन। ती रेवाकी कोर्ला गोमाला के ख्‍यिरा सुङ टेङ्‍बु वोतुप कोन्‍छ्‍योककी लेन ल्‍यामु थोवु पेला हाक्‍को वे।

कलस्सी 3:4

ख्‍यिरा मिजी ति ख्रीष्‍ट यिन। खो फेपुप तुजेला ख्‍यिराङ साङ खोकी मुला राङ खोकी मोवाला वुङ्‍गुप थोङ्‍गितो।

२ थेसलोनिकी 2:16

तमा दाक्‍पुला ङ्‍यिङ्‍ज्‍ये क्‍या नङ्‍गुप ताङ खोकी कटिन नेसुर नरीकी थोक्‍ला टोङ्‍गु ताङ रेवा ल्‍यामु नङ्‍गुप दाक्‍पी पपा कोन्‍छ्‍योक ताङ चोवो येशू ख्रीष्‍टकी

२ थेसलोनिकी 2:8

ती दुक्‍टा तीला पि तोङ्‍गुप पेला चोवो येशू दी जम्‍बुलिङला फेप्‍किवी। तमा खो फेवु पेला ग्‍यपुप वोसिर ताङ खोकी उकी राङ तीला ना तोङ्‍गिवी।

१ तिमोथी 1:1

टसी देलेक! दी यिकी ति दाक्‍पुला थर्वा नङ्‍गुप चोवो कोन्‍छ्‍योक ताङ दाक्‍पी रेवा क्‍यावु येशू ख्रीष्‍टकी क नेसुर खोकी लोमा छ्‍ये च्‍युङ्‍गुपला पेतुप ङ पावलकी

२ तिमोथी 1:2

आङ तिमोथीला दी यिकी ति टिवु यिनो। पपा कोन्‍छ्‍योक ताङ दाक्‍पी चोवो ख्रीष्‍ट येशू नेमा ख्‍युरुङला कटिन ताङ च्‍यम्‍बा ताङ लोदिमु वुङ्‍शी।

२ तिमोथी 4:1

येशू ख्रीष्‍ट ग्‍येला कितुपला फेपुप पेला सेन्‍बु वोतुप ताङ शेपतिवा तेरीला ठिम क्‍या नङ्‍गिवी। तुक क्‍यानी कोन्‍छ्‍योक ताङ ती येशू ख्रीष्‍टकी थोङ्‍दाङला ङ ख्‍युरुङला क छ्‍येम्‍बु बिन्‍नी सिरिन।

२ तिमोथी 4:8

त याङ कोन्‍छ्‍योककी चिप्‍ला ङे लाका टेङ्‍बु क्‍यावु छ्‍यक्‍तक ङ्‍ये गोवु तिराङ लुनी वे। ती ति ठिम क्‍या नङ्‍गुप टेङ्‍बु वोतुप कोन्‍छ्‍योककी राङ ङला नङ्‍गिवी। ङला तिराङ मिन, खो फेपुप तुजे सेक तेपा क्‍यानी गु देतुपतिवा तेरीला खोकी नङ्‍गिवी।

तीतस 1:2

तुक क्‍यानी तिवा ति नाम्‍साङ मिशिवु मिजी ङ्‍येतुपला रेन्‍नी देन वे। ती मिजी ति जिनोक जो मनङ्‍गुप कोन्‍छ्‍योककी थल्‍मा नेज्‍युनी थाक्‍छ्‍येन नङ्‍गुप यिन।

तीतस 1:4

येशू ख्रीष्‍टला तेपा कितुप च्‍यिक राङ वोतुप ङे आङ तीतसला दी यिकी टिवु यिनो। पपा कोन्‍छ्‍योक ताङ दाक्‍पुला दिक्‍पा ने थर ज्‍यितुप येशू ख्रीष्‍टकी कटिन ताङ लोदिमु ख्‍युरुङला नङ्‍शी।

तीतस 3:4

यिने दिक्‍पा ने थर ज्‍यितुप कोन्‍छ्‍योककी कटिनकी जोसालेन्‍सिन

हिब्रू 9:28

तुक क्‍यानी ख्रीष्‍ट ति मी बङीकी दिक्‍पा ता ज्‍यितुपला थेङ्‍मा च्‍यिकला राङ खुरुङ जिन्‍बा च्‍युङ्‍सुङ। त खो थेङ्‍मा ङ्‍यिवाला येलुङ फेप्‍किवी। खो येलुङ फेपुप पेला दिक्‍पा खुरुपला मिन, यिने खो फेवु लाम ल्‍हानी देतुपतिवाला थर ज्‍यितुपला फेप्‍किवी।

१ पत्रुस 1:3

दाक्‍पी चोवो येशू ख्रीष्‍टकी पपा कोन्‍छ्‍योकला सोवा देकिन। च्‍यिलासिसिन खोकी येशू ख्रीष्‍टला शेप ने ङोसु लाङ्‍नी खोकी खोरे छासेकी कटिन नेमा दाक्‍पुला मिजी सम्‍बा नाङ्‍सुङ। तमा दाक्‍पु शिसिनाङ सेन्‍बु लुवु रेवा ङ्‍येन वे।

१ पत्रुस 1:7

ती छेटाङ ति ख्‍यिरा तेपा टेङ्‍बु वोतुप छ्‍या देन्‍दुपला यिन। ख्‍यिरा क्‍यावु तेपा ति सेर मे नाङ्‍ला र्‍हेनी ङोमा जोवु सिनाङ छासे खक्‍छ्‍येवु वोतुप तप्‍की येशू ख्रीष्‍ट फेपुप तुजेला ख्‍यिराङला खोकी ग्‍येल्‍खापला सोवा ताङ मोवा ताङ ताङ्‍देन क्‍या नङ्‍गिवी।

२ पत्रुस 1:1

येशू ख्रीष्‍टकी थोक्‍ला शब्‍ज्‍यी कितुप लोमा छ्‍ये ङ सिमोन पत्रुसकी छ्‍योक नेमा टसी देलेक! दी यिकी ति टेङ्‍बु वोतुप दाक्‍पी कोन्‍छ्‍योक ताङ दिक्‍पा ने थर ज्‍यितुप येशू ख्रीष्‍ट नेमा ङ्‍यिरा दोके खक्‍छ्‍येवु तेपा कितुप मीतिवाला टिवु यिनो।

२ पत्रुस 3:18

तमा दाक्‍पुला दिक्‍पा ने थर ज्‍यितुप चोवो येशू ख्रीष्‍टकी कटिन ताङ खोकी रिक्‍पाला ख्‍यिराङ मङ मङ फरिन ग्‍युक। खोला तन्‍दा ताङ नरीकी नरी मोवा वुङ्‍शी। आमिन।

१ यूहन्‍ना 4:14

ङ्‍यिरा थोङ्‍गुप पङ्‍बु ति काङ यिन सिसिन, कोन्‍छ्‍योककी खोरे सेवु साङ जम्‍बुलिङकी मीतिवा दिक्‍पा ने थर ज्‍यितुपला नाङ्‍सुङ।

यहूदा 1:21

तमा दाक्‍पी चोवो येशू ख्रीष्‍टकी नाम्‍साङ मिशिवु मिजी नङ्‍गुप च्‍यम्‍बाकी थोक्‍ला गुनी देतुप पेला कोन्‍छ्‍योककी नङ्‍गुप ङ्‍यिङ्‍ज्‍येला क्‍युर्नी माज्‍योक।

ज्‍यल्‍का 1:7

ल्‍होसा, खो मुक्‍पी ख नेमा फेप्‍कितो। खो फेवु ति मी तेरीकी मिककी थोङ्‍गितो। खोला दुङ सुरुप मीतिवी साङ खो फेवु ति थोङ्‍गितो। तमा जम्‍बुलिङला वोतुप तेरी मिरिककी मीतिवा खो फेपुप तप्‍की ङुप्‍राङ कितो। तुकै राङ वुङ्‍शिता। आमिन।