तीतस 2:10 - कोन्छ्‌योककी सुङ

¹⁰ तिवा कुन कितुप मेङ्‍शी, यिने तेपा कि छ्‍योवु वुङ्‍शी। तुक क्‍यासिन तिवी तेरी ताम्‍ङेला दाक्‍पुला दिक्‍पा ने थर ज्‍यितुप कोन्‍छ्‍योककी कोर्ला लापुप सुङ ति टेङ्‍बु नोक सिनी हाक्‍कोकिवी।

तीतस 2:10 Iomraidhean Croise

मत्ती 24:45

“सु खोङ्‍तेर्मु ताङ रिक्‍पा वोतुप लावा वोज्‍यिवी? ज्‍यिन्‍दाककी तीला खोरो खाङ्‍बी लावातिवाला टेके तुजेला समा तेरुपला चेक तेसिन तीकी चुक कि गोकिवी?

मत्ती 5:16

ती दोके ख्‍यिरा वोसिर ति मीतिवी चिप्‍ला ग्‍यक च्‍यिनी तिवी ख्‍यिरा क्‍यावु लाका ल्‍यामु थोङ्‍नी देवाच्‍येनला ज्‍यु वोतुप ख्‍यिरा पपा कोन्‍छ्‍योकला सोवा देक च्‍यी।”

लूका 1:47

तमा ङे सेमगी दिङ नेज्‍युनी ङला थर ज्‍यितुप कोन्‍छ्‍योकला गा किवी,

लूका 1:80

तमा ती आङा ति छरिन सिरा कोन्‍छ्‍योककी थु चाङ्‍मा नेमा रम्‍बु गाल्‍सुङ। तमा ती ति इस्राएलकी मीतिवी मिङ्‍गाला वुङ्‍गुप सिनाङ गोमाला दासा पाङ्‍थेरीला राङ देसुङ।

लूका 16:10

“सु ताम्‍ङे चेयीला खोङ्‍तेर्मु गिवे, ती ति ताम्‍ङे बङीला साङ खोङ्‍तेर्मु गिवी। तमा सु ताम्‍ङे चेयीला खोङ्‍तेर्मु मेवे, ती ति ताम्‍ङे बङीला साङ खोङ्‍तेर्मु मेङ्‍गिवी।

यूहन्‍ना 12:6

तीकी तुक सिक्‍यावु ति पेराङ्‍बुतिवाला नासाम ताङ्‍नी सिक्‍यावु मिन, यिने खोरुङ राङ कुर्मेन यिन्‍दुप तप्‍की यिन। ती ति टङ्‍गा ज्‍योकुप मी यिन्‍सिनाङ तीकी पर्चिक पर्चिक टङ्‍गा ज्‍योकुप छयी नङ नेसुर खोरो थोक्‍ला टङ्‍गा थेन्‍गिनोक।

१ कोरिन्‍थी 4:2

तोजो तिराङ मिन, कोन्‍छ्‍योककी ग्‍येल्‍खापकी कोर्ला शब्‍ज्‍यी कितुप मीतिवा ति खोङ्‍तेर्मु वुङ गोकिवी।

एफिसी 4:1

तुक क्‍यानी ख्रीष्‍टकी थोक्‍ला चोन्‍खाङला शोरुप ङ ख्‍यिराङला ठाकुरे सिनी गोङ्‍बा शोयी। कोन्‍छ्‌योककी ख्‍यिराङला काङगी थोक्‍ला कताङ वे, ती दोके राङ मिजी क्‍योङ।

फिलिप्पी 1:27

त खक्‍छ्‍येवु ताम्‍ङे ति दी राङ यिन, ख्‍यिरा मिजी ति ख्रीष्‍टकी लेन ल्‍यामुला सुङ्‍गुप दोके च्‍युङ्‍शी। तुक क्‍यानी ङ ख्‍यिरा ते वोसिनाङ माङुसिनाङ ख्‍यिराङ सेम च्‍यिक्‍पा राङ च्‍युङ्‍नी डेकला देतुप ताङ लेन ल्‍यामुला वोतुप तेपाकी थोक्‍ला मुला राङ हुर्ताक क्‍यावु ति ङे थो थुप्‍शी।

फिलिप्पी 4:8

तेरी सिनाङ तिङ्‍ला अच्‍युनुपतिवा, चुका ताम्‍ङे ति टेङ्‍बु नोके, चुका ताम्‍ङेला ताङ्‍देन कि गोवु नोके, चुका ताम्‍ङे टेके नोके, चुका ताम्‍ङे ति क्‍येन मेतुप नोके, चुका ताम्‍ङे ति ङ्‍यिङ्‍ज्‍येवु नोके, चुका ताम्‍ङे ति चिताङ कि गोवु नोके, तीला राङ नासाम तोङ। दोजो ललाइ छ्‍ये ताङ टेन छ्‍योवु वोसिन ती ताम्‍ङे ति ल्‍यामु नासाम तोङा।

१ तिमोथी 1:1

टसी देलेक! दी यिकी ति दाक्‍पुला थर्वा नङ्‍गुप चोवो कोन्‍छ्‍योक ताङ दाक्‍पी रेवा क्‍यावु येशू ख्रीष्‍टकी क नेसुर खोकी लोमा छ्‍ये च्‍युङ्‍गुपला पेतुप ङ पावलकी

१ तिमोथी 5:17

चर्चला ल्हाटे क्‍यानी गोमा कितुप मीतिवाला तेरीकी दोम्‍बा ङ्‍यी ताङ्‍देन कि गोकिवी। खक्‍छ्‍येवुला कोन्‍छ्‍योककी सुङ ख्‍याप्‍टाक कितुप ताङ लोपुप मीतिवाला मङ ताङ्‍देन की।

१ तिमोथी 6:1

तेपा कितुप योक्‍पुला देतुपतिवा तेरीकी दाक दाक्‍पी ज्‍यिन्‍दाकला ताङ्‍देन की। तुक क्‍यासिन सी साङ कोन्‍छ्‍योककी मिङ ताङ दाक्‍पी बिन्‍दुप येन्‍देनला मारे मोतोङ्‍गिवी।

१ तिमोथी 6:3

दोजो मी ललाइकी येन्‍देन मेटेङ्‍बुतिवा लोप्‍किवी, यिने दाक्‍पी चोवो येशू ख्रीष्‍टकी खक्‍छ्‍येवु सुङ ताङ दाक्‍पी मोवा कि गोवु येन्‍देनकी मुला मिडिकिवी सिसिन,

तीतस 1:3

दाक्‍पुला ती थाक्‍छ्‍येन नङ्‍गुप सुङ ति खोरे पेतुप तुजेला छ्‍या तेन नाङ्‍सुङ। तन्‍दा साङ ती सुङ ख्‍याप्‍टाक कितुपला दिक्‍पा ने थर ज्‍यितुप कोन्‍छ्‍योककी ङला चेक तेसुङ।

तीतस 3:4

यिने दिक्‍पा ने थर ज्‍यितुप कोन्‍छ्‍योककी कटिनकी जोसालेन्‍सिन

१ पत्रुस 2:12

यिने मिरिक यम्‍बाकी मीतिवी पर्ला ख्‍यिरा किताङ नालु ति ल्‍यामु वुङ गोकिवी। सी ख्‍यिराङला मेलोवा सिनी ख्‍यिरा तेन्‍दोकला लासिनाङ ख्‍यिरा लाका ल्‍यामु क्‍यावु ति थोङ्‍नी कोन्‍छ्‍योक फेवु तुजेला तिवी साङ खोला सोवा देक्‍शी।

१ पत्रुस 3:16

तमा ख्‍यिराङ सेम टेङ्‍बु क्‍यानी दे, तुक क्‍यासिन ख्‍यिरा ख्रीष्‍टला ताङ्‍देन क्‍यानी क्‍यावु लाकाकी तेन्‍दोकला लङ्‍गुपतिवा तिवी क्‍यावु लाका मेलोवाकी थोक्‍ला ङोछा लङ्‍शी।

२ यूहन्‍ना 1:9

ख्रीष्‍टकी सुङ्‍गुप कला मुयुकुप ताङ डेकला मेदेवु मीतिवी मुला कोन्‍छ्‍योक मेवी, यिने खोकी नङ्‍गुप सुङला हम क्‍यानी देतुप मीतिवी मुला कोन्‍छ्‍योक ताङ खोकी सेवु ङ्‍यिकर ज्‍युकिवी।