तीतस 1:4 - कोन्छ्‌योककी सुङ

⁴ येशू ख्रीष्‍टला तेपा कितुप च्‍यिक राङ वोतुप ङे आङ तीतसला दी यिकी टिवु यिनो। पपा कोन्‍छ्‍योक ताङ दाक्‍पुला दिक्‍पा ने थर ज्‍यितुप येशू ख्रीष्‍टकी कटिन ताङ लोदिमु ख्‍युरुङला नङ्‍शी।

तीतस 1:4 Iomraidhean Croise

लूका 2:11

हारिङ दाऊदकी ग्‍येसाला मीतिवाला दिक्‍पा ने थर ज्‍यितुप चोवो ख्रीष्‍ट क्‍ये वे।

यूहन्‍ना 4:42

तमा तिवी ती पुम्‍पेजाला “तन्‍दा ङ्‍यिरा तेपा क्‍यावु ति ख्‍योरे सिक्‍यावु तप्‍की मिन, ङ्‍यिरा राङ खोकी सुङ थोनी खो ति वुतुङ के जम्‍बुलिङकी मीतिवाला दिक्‍पा ने थर ज्‍यितुप यिनोक सिनी हाक्‍कोवु तप्‍की यिन।” सिनी सिक्‍यासुङ।

रोमी 1:12

तुक क्‍यासिन ख्‍यिरा क्‍यावु तेपाकी ङला ङाडेङ ङ्‍येशी, ङे क्‍यावु तेपाकी ख्‍यिराङला ङाडेङ ङ्‍येशी सिनी ङला रेवा वे।

रोमी 1:7

रोमला वोतुप ख्‍यिराङ कोन्‍छ्‍योककी ङ्‍यिङ्‍ज्‍येवु मीतिवा ताङ खोला तेपा क्‍यावु चाङ्‍मा वोतुप मीतिवा तेरीला दाक्‍पी पपा कोन्‍छ्‍योक ताङ चोवो येशू ख्रीष्‍ट नेमा कटिन ताङ लोदिमु वुङ्‍शी।

२ कोरिन्थी 12:18

तीतसला ख्‍यिरा ते ग्‍युक सिनी ङे सिक्‍यायी। तमा तीकी मुला यम्‍बा नुपला साङ तङ्‍यिन। काङ तीतसकी ख्‍यिरा लो नेसुर काङ रे च्‍यिक रे ख्‍येप्‍साङ लासुङ रो? ङ ताङ तीकी सेम च्‍यिक्‍पा राङ च्‍युङ्‍नी मुला राङ लाका क्‍यावु मिन रो?

२ कोरिन्थी 2:13

यिने ङे मुला लाका कितुप नुप तीतसला ते माठेसिमा ङला लोदिमु माच्‍युङ। तुक क्‍यानी ते वोतुप मीतिवी मु नेसुर क्‍येनी माकेडोनियाला गलिन।

२ कोरिन्थी 4:13

कोन्‍छ्‍योककी सुङला “ङे तेपा क्‍यायी, तुक क्‍यानी ङ लपिन।,” सिरुप तीला कोन्‍छ्‍योककी थु चाङ्‍मा वोतुप दोके ङ्‍यिराङला साङ ती थु चाङ्‍मा वे। तुक क्‍यानी ङ्‍यिराङ साङ कोन्‍छ्‍योकला तेपा क्‍यानी ती ताम्‍ङे लप्‍किवी।

२ कोरिन्थी 7:6

यिन्‍सिनाङ तीतस ङ्‍यिरा ते वासिमा यिछ्‍येतुप मीतिवाला टोङ्‍गु नङ्‍गुप कोन्‍छ्‍योककी ङ्‍यिराङला टोङ्‍गु नाङ्‍सुङ।

२ कोरिन्थी 8:16

कोन्‍छ्‍योककी तीतसकी सेमला ङे दोके क्‍यानी ख्‍यिरा थोक्‍ला ल्‍हटे कितुप सेम नाङ्‍सुङ। तुक क्‍यानी ङ खोला थुचिछे बुलिन।

२ कोरिन्थी 8:23

तीतस ति ख्‍यिरा थोक्‍ला ङे मुला राङ लाका कितुप दाल्‍जा यिन। यम्‍बा नुपतिवा ति चर्चतिवी शब्‍ज्‍यी कितुपला पेतुप मीतिवा यिन। तिवा ख्रीष्‍टकी थोङ्‍दाङला ताङ्‍देन वोतुप मीतिवा यिन।

२ कोरिन्थी 8:6

तुक क्‍यानी तीतसकी गोमा नेज्‍युनी सेम्‍बा सेमगी दाल्‍जा कितुप लाका ति गो चुवु तप्‍की ती कटिनकी लाका ति ख्‍यिरा पर्ला सिन्‍दा कितुपला दाल्‍जा किटे किशी सिनी ङ्‍यिरा तीला टोङ्‍गु बिनिन।

गलाती 2:3

यिने ङे मुला वोतुप तीतस ति ग्रीककी मी यिन्‍सिनाङ तीला सी साङ यहूदीतिवी च्‍येतुप लुक्‍सु कि राङ गोकिवी सिनी माक्‍या।

गलाती 3:26

तमा ख्रीष्‍ट येशूला तेपा क्‍यावु तप्‍की ख्‍यिराङ तेरी कोन्‍छ्‍योककी पेजातिवा यिन।

गलाती 3:28

तुक क्‍यानी कोन्‍छ्‍योककी थोङ्‍दाङला ख्‍यिरा नाङ्‍ला काङ ख्‍ये मे, यहूदी साङ मिन, ग्रीककी मी साङ मिन। योक्‍पु साङ मिन, ज्‍यिन्‍दाक साङ मिन। पुम्‍पेजा साङ मिन, ख्‍योक्‍पेजा साङ मिन। येशू ख्रीष्‍टला तेपा क्‍यासिमा ख्‍यिराङ तेरी च्‍यिक्‍पा राङ यिन।

एफिसी 1:2

दाक्‍पी पपा कोन्‍छ्‌योक ताङ चोवो येशू ख्रीष्‍ट नेमा ख्‍यिराङला कटिन ताङ लोदिमु वुङ्‍शी।

कलस्सी 1:2

कलस्‍सेला देतुप कोन्‍छ्‍योकला तेपा कितुप चाङ्‍मा ताङ खोङ्‍तेर्मु वोतुप अच्‍युनुपतिवाला टिवु यिनो। दाक्‍पी पपा कोन्‍छ्‍योककी ख्‍यिराङला कटिन ताङ लोदिमु नङ्‍शी।

१ तिमोथी 1:12

ङला ङार नङ्‍गुप दाक्‍पी चोवो ख्रीष्‍ट येशूला थुचिछे बुलिन, च्‍यिलासिसिन खोकी खोरुङला शब्‍ज्‍यी कितुपकी थोक्‍ला ङला खोङ्‍तेर्मु वोतुप सिनी चिसुङ।

२ तिमोथी 1:1

टसी देलेक! येशू ख्रीष्‍टला वोतुप थाक्‍छ्‍येन नङ्‍गुप मिजी नेसुर कोन्‍छ्‍योककी नोवाकी पेन नङ्‍गुप ख्रीष्‍ट येशूकी लोमा छ्‍ये ङ पावलकी

२ तिमोथी 1:2

आङ तिमोथीला दी यिकी ति टिवु यिनो। पपा कोन्‍छ्‍योक ताङ दाक्‍पी चोवो ख्रीष्‍ट येशू नेमा ख्‍युरुङला कटिन ताङ च्‍यम्‍बा ताङ लोदिमु वुङ्‍शी।

२ तिमोथी 4:10

च्‍यिलासिसिन डेमासकी दी जम्‍बुलिङकी ताम्‍ङेला नासाम तङ्‍नी ङला क्‍युर ज्‍याक्‍नी थेसलोनिकेला गाल्‍सुङ। क्रेसेन्‍स साङ गलातियाला गाल्‍सुङ। तमा तीतस ति दलमातियाला गाल्‍सुङ।

तीतस 1:3

दाक्‍पुला ती थाक्‍छ्‍येन नङ्‍गुप सुङ ति खोरे पेतुप तुजेला छ्‍या तेन नाङ्‍सुङ। तन्‍दा साङ ती सुङ ख्‍याप्‍टाक कितुपला दिक्‍पा ने थर ज्‍यितुप कोन्‍छ्‍योककी ङला चेक तेसुङ।

तीतस 2:13

ती तप्‍की चोछ्‍येवु कोन्‍छ्‍योक ताङ दिक्‍पा ने थर ज्‍यितुप चोवो येशू ख्रीष्‍ट फेपुप मोवाकी थोक्‍ला दाक्‍पु रेवा क्‍यानी गुनी देकिवी।

२ पत्रुस 1:1

येशू ख्रीष्‍टकी थोक्‍ला शब्‍ज्‍यी कितुप लोमा छ्‍ये ङ सिमोन पत्रुसकी छ्‍योक नेमा टसी देलेक! दी यिकी ति टेङ्‍बु वोतुप दाक्‍पी कोन्‍छ्‍योक ताङ दिक्‍पा ने थर ज्‍यितुप येशू ख्रीष्‍ट नेमा ङ्‍यिरा दोके खक्‍छ्‍येवु तेपा कितुप मीतिवाला टिवु यिनो।

२ पत्रुस 1:11

तमा दिक्‍पा ने थर ज्‍यितुप दाक्‍पी चोवो येशू ख्रीष्‍टकी ख्‍यिराङला नाम्‍साङ ना मोडोवु खोकी ग्‍येल्‍खापला छासे ताङ्‍देन ताङ मुला शुक ज्‍यिकिवी।

२ पत्रुस 2:20

दोजो तिवी दाक्‍पुला दिक्‍पा ने थर ज्‍यितुप चोवो येशू ख्रीष्‍टला ङो शेनी दी जम्‍बुलिङकी मेटेङ्‍बु वोतुप च्‍यालक नेसुर थेन्‍सिमा येलुङ गोमी किताङ नालुला लोक्‍नी ती दिक्‍पी ओङला राङ डिवी सिसिन तिवा गोमी ति सिनाङ ज्‍युक्‍ला मङ मेलोक्‍पा डिवी।

२ पत्रुस 3:18

तमा दाक्‍पुला दिक्‍पा ने थर ज्‍यितुप चोवो येशू ख्रीष्‍टकी कटिन ताङ खोकी रिक्‍पाला ख्‍यिराङ मङ मङ फरिन ग्‍युक। खोला तन्‍दा ताङ नरीकी नरी मोवा वुङ्‍शी। आमिन।

२ पत्रुस 3:2

तुक क्‍यानी तोङ्‍ला लुङ्‍तेम्‍बा टेङ्‍बुतिवी नम्‍दर शेतुप ताम्‍ङे ताङ लोमा छ्‍येतिवी ख्‍यिराङला दिक्‍पा ने थर ज्‍यितुप चोवो येशूकी कोर्ला लापुप सुङ ति ख्‍यिरा नरी नासाम ताङ्‍नी टोक माज्‍येता।

१ यूहन्‍ना 5:14

दाक्‍पी कोन्‍छ्‍योकला रेवा क्‍यावु ति काङ यिन सिसिन, खोकी नोवाला काङ लङ्‍सिनाङ खोकी दाक्‍पुला नङ्‍गिवी सिरुप ति दाक्‍पुला तेन्‍तेन वे।

यहूदा 1:3

ङे ङ्‍यिङ्‍ज्‍येवु अच्‍युनुपतिवा, दाक्‍पु तेरीला थोपुप थर्वाकी कोर्ला ङ ख्‍यिराङला टिकुपला छासे नो लासुङ। यिने त याङ कोन्‍छ्‍योककी खोरे मीतिवाला थेङ्‍मा च्‍यिक नङ्‍सिमा नरीकी नरी लुवु तेपा ति ख्‍यिरा छासे रम्‍बु क्‍यानी र्‍होक सिनी ङाडेङ तेरुपला ङे दी यिकी टिकुप ति ल्‍यामु यिन सिनी नोसुङ।