तीतस 1:3 - कोन्छ्‌योककी सुङ

³ दाक्‍पुला ती थाक्‍छ्‍येन नङ्‍गुप सुङ ति खोरे पेतुप तुजेला छ्‍या तेन नाङ्‍सुङ। तन्‍दा साङ ती सुङ ख्‍याप्‍टाक कितुपला दिक्‍पा ने थर ज्‍यितुप कोन्‍छ्‍योककी ङला चेक तेसुङ।

तीतस 1:3 Iomraidhean Croise

मर्कूस 1:15

खोकी मीतिवाला सुङ्‍सुङ, “कोन्‍छ्‍योककी तुजे छे सिन वे, खोकी ग्‍येल्‍खाप चिप्‍ला वा वे। ख्‍यिराङ दिक्‍पा ने सेम ग्‍युर्नी खोकी लेन ल्‍यामुला तेपा की।”

मर्कूस 13:10

यिने दी सिनाङ गोमाला तेरी मिरिककी मीतिवाला लेन ल्‍यामु ति ख्‍याप्‍टाक कि गोकितो।

मर्कूस 16:15

येशूकी तिवाला सुङ्‍सुङ, “ख्‍यिराङ जम्‍बुलिङ तेरीला गल्‍नी मी तेरीला लेन ल्‍यामु ति ख्‍याप्‍टाक की।

लूका 1:47

तमा ङे सेमगी दिङ नेज्‍युनी ङला थर ज्‍यितुप कोन्‍छ्‍योकला गा किवी,

लोमा छ्‍येतिवी लाका 10:36

इस्राएलकी मीतिवी थोक्‍ला कोन्‍छ्‍योककी नङ्‍गुप सुङ ति ख्‍यिराङला साङ छ्‍या वे। ती सुङ ति येशू ख्रीष्‍ट नेमा सुङ्‍गुप कोन्‍छ्‍योक ताङ मीतिवी पर्ला वोतुप लोदिमुकी लेन ल्‍यामु यिन। तमा येशू ति तेरीकी चोवो यिन।

लोमा छ्‍येतिवी लाका 17:26

खोकी मी च्‍यिक नेमा राङ दी जम्‍बुलिङ तेरीकी खला देतुप मी रुजेनतिवा तेरी जो नाङ्‍सुङ। तमा मीतिवा ती जम्‍बुलिङला वासिमा चो सेक दे गोवु छे ताङ देतुप दासा साङ जो नाङ्‍सुङ।

रोमी 15:19

ततिवा ताङ हलेवु लाकाकी ओङ ताङ, कोन्‍छ्‍योककी थु चाङ्‍माकी ओङ नेसुर क्‍यावु यिन। तुक क्‍यानी येशू ख्रीष्‍टकी लेन ल्‍यामु ति यरूशलेम नेज्‍युनी इल्‍लुरिकन सेक तेरी दासाला ङे ख्‍याप्‍टाक क्‍यायी।

रोमी 16:25

त याङ दाक्‍पु तेरीकी कोन्‍छ्‍योकला मोवा कितुप। खोकी राङ ख्‍यिराङला ङे ख्‍याप्‍टाक क्‍यावु येशू ख्रीष्‍टकी लेन ल्‍यामु नेसुर नरी तेपा रम्‍बु क्‍या दे ज्‍यिकिवी। ती लेन ल्‍यामु ति कल्‍वा कल्‍वा नेज्‍युनी छ्‍याकला ज्‍याङ वोतुप यिन।

रोमी 16:26

यिने त याङ ती छ्‍याकला वोतुप लेन ल्‍यामु ति कोन्‍छ्‍योककी लुङ्‍तेम्‍बातिवी टिवु खोकी सुङला ल्‍यामो क्‍यानी ठछ्‍येली हाक्‍को थुपुप गल वे। तमा नरीकी नरी लुवु कोन्‍छ्‍योककी क नेसुर यहूदी मिन्‍दुप मिरिक यम्‍बाकी मीतिवा तेरीकी तेपा क्‍यानी खोकी सुङला ङ्‍येन्‍सुङ।

रोमी 5:6

तुक क्‍यानी दाक्‍पु दिक्‍पी ओङला शोर्नी काङ साङ कि मुथुपुप पेला राङ येशू ख्रीष्‍ट दाक्‍पी दिक्‍पी थोक्‍ला टेके तुजेला टुङ्‍सुङ।

१ कोरिन्‍थी 9:17

ती सुङ ख्‍याप्‍टाक कितुप लाका ति ङरा राङ क्‍यावु यिन्‍सियाङ ङला काङ रे च्‍यिक रे छ्‍यक्‍तक थोपुप ति यिन्‍जा, यिने दी लाका ति कोन्‍छ्‍योककी ङला चेक तेन नङ्‍गुप तप्‍की ङे क्‍यावु यिन।

गलाती 4:4

यिने तुजे छेसिमा कोन्‍छ्‍योककी खोरे सेवुला दी जम्‍बुलिङला तङ्‍नी पुम्‍पेजा यीकी खोक नेमा मोशाकी ठिमकी ओङला क्‍येसुङ।

एफिसी 1:10

कोन्‍छ्‌योककी नोवा ति काङ यिन सिसिन तुजे छेसिमा देवाच्‍येन ताङ जम्‍बुलिङला वोतुप तेरी ख्रीष्‍टकी मुला खोकी ओङला च्‍युङ्‍शी।

एफिसी 2:17

तमा खो फेप्‍नी ख्‍युरुङ थाक्‍रिङ्‍बु वोतुपतिवाला ताङ थाक्‍ङ्‍यिमु वोतुपतिवाला साङ लोदिमु तेरुप सुङ ख्‍याप्‍टाक क्‍या नाङ्‍सुङ।

फिलिप्पी 1:13

च्‍यिलासिसिन ख्रीष्‍टकी कोर्ला सुङ ख्‍याप्‍टाक क्‍यावु तप्‍की ङ चोन्‍खाङला शोरुप यिन सिरुप ति रोमी ग्‍येल्‍खाङला र्‍हेन्‍दुप मक्‍मीतिवा ताङ यम्‍बा मीतिवा तेरीला छ्‍या वे।

कलस्सी 1:23

तुक कितुपला वुतुङ के ख्‍यिराङ तेपाला येर मर माक्‍यानी नरी डेकला दे गोकिवी। तमा ख्‍यिरा थोवु लेन ल्‍यामुला रेवा क्‍यावु ति क्‍युर्नी माज्‍योक। ती लेन ल्‍यामु ति देवाच्‍येनकी वोक्‍ला वोतुप तेरी मीतिवाला ख्‍याप्‍टाक क्‍यावु यिन। ङ पावल साङ ती लेन ल्‍यामु ख्‍याप्‍टाक कितुप लावा च्‍युङ वे।

कलस्सी 1:6

ती लेन ल्‍यामु ति ख्‍यिरा ते वा वे। तमा ती ति तेरी जम्‍बुलिङला फेल्‍नी डोयी वे। ती दोके क्‍यानी ख्‍यिरा कोन्‍छ्‍योककी टेङ्‍बु वोतुप कटिनकी ताम्‍ङे थोनी हाक्‍कोवु पेला नेज्‍युनी ती लेन ल्‍यामुकी ख्‍यिरा पर्ला लाका कियी वे।

१ थेसलोनिकी 2:4

यिने कोन्‍छ्‍योककी ङ्‍यिराङला लो तेन्‍नी लेन ल्‍यामु ख्‍याप्‍टाक कि च्‍यिसुङ। ङ्‍यिरा ख्‍याप्‍टाक क्‍यावु लेन ल्‍यामु ति मीला गा लोङ्‍गुपला मिन, यिने दाक्‍पी सेम ल्‍हाप कोन्‍छ्‍योकला गा लोङ्‍गुपला यिन।

१ तिमोथी 1:1

टसी देलेक! दी यिकी ति दाक्‍पुला थर्वा नङ्‍गुप चोवो कोन्‍छ्‍योक ताङ दाक्‍पी रेवा क्‍यावु येशू ख्रीष्‍टकी क नेसुर खोकी लोमा छ्‍ये च्‍युङ्‍गुपला पेतुप ङ पावलकी

१ तिमोथी 1:11

दाक्‍पी येन्‍देन ति मोलाम नङ्‍गुप कोन्‍छ्‍योक टेङ्‍बुकी मोवा वोतुप लेन ल्‍यामु ताङ मुला डिकिवी। ती ति खोकी ङला चेक तेन नङ्‍नी वे।

१ तिमोथी 2:3

दी ति दाक्‍पुला दिक्‍पा ने थर ज्‍यितुप कोन्‍छ्‍योककी थोङ्‍दाङला ल्‍यामु ताङ खोला सोवा देक छ्‍योवु डिवी।

१ तिमोथी 4:10

तीकी थोक्‍ला राङ दाक्‍पु हुर्ताक ताङ टेमु कियी वे, च्‍यिलासिसिन दाक्‍पी रेवा ति ङोसु वोतुप कोन्‍छ्‍योकला वे। खो ति मी तेरीकी कोन्‍छ्‍योक यिन, खोकी खक्‍छ्‍येवुला तेपा कितुप मीतिवाला दिक्‍पा ने थर ज्‍यिकिवी।

२ तिमोथी 4:17

यिने चोवो येशू ङे मिजीला ज्‍युनी ङला ङार नङ्‍सुङ। तीकी तेन्‍दोक ति यहूदी मिन्‍दुप मिरिक यम्‍बाकी मीतिवा तेरीला कोन्‍छ्‍योककी सुङ ख्‍याप्‍टाक क्‍यानी तिवाला ती सुङ तेरी हाक्‍को ज्‍यितुपला यिन। तमा खोकी ङला ठिम्‍खाङकी सेतुप छ्‍येर्पा नेसुर र्‍होक्‍सुङ।

तीतस 2:10

तिवा कुन कितुप मेङ्‍शी, यिने तेपा कि छ्‍योवु वुङ्‍शी। तुक क्‍यासिन तिवी तेरी ताम्‍ङेला दाक्‍पुला दिक्‍पा ने थर ज्‍यितुप कोन्‍छ्‍योककी कोर्ला लापुप सुङ ति टेङ्‍बु नोक सिनी हाक्‍कोकिवी।

तीतस 2:13

ती तप्‍की चोछ्‍येवु कोन्‍छ्‍योक ताङ दिक्‍पा ने थर ज्‍यितुप चोवो येशू ख्रीष्‍ट फेपुप मोवाकी थोक्‍ला दाक्‍पु रेवा क्‍यानी गुनी देकिवी।

ज्‍यल्‍का 14:16

तमा ती मुक्‍पी खला देतुप तीकी खोरो लकला वोतुप सोर थ्‍वोनी जम्‍बुलिङकी सप्‍लेतिवा ङासुङ।