तीतस 1:15 - कोन्छ्‌योककी सुङ

¹⁵ मी टेङ्‍बुतिवाला ताम्‍ङे तेरी टेङ्‍बु राङ गिवी, यिने मी मेटेङ्‍बु ताङ तेपा मिकिवुतिवाला ति तेरी ताम्‍ङे मेटेङ्‍बु तिराङ गिवी। तिवी सेम ताङ नासाम साङ मेलोक्‍पा गिवी।

तीतस 1:15 Iomraidhean Croise

मत्ती 15:18

यिने ख नेमा थेन्‍दुप ति सेम नेमा थेन्‍गिवी, तीकी राङ मीला मेलोवा जेवी।

लोमा छ्‍येतिवी लाका 10:15

ती ज्‍युक्‍ला साङ येलुङ दुक सिरुप वोरु यी लेसुङ, “कोन्‍छ्‍योककी चेङ्‍गा जो नङ्‍गुप च्‍यालकला ख्‍योरो मेचेङ्‍गा यिन सिनी नासाम मातोङ!”

रोमी 14:14

चोवो येशूला तेपा क्‍यावु तप्‍की दी ताम्‍ङे ति ङला तेन्‍तेन वे। साप समा ति चुका तिङ मेचेङ्‍गा मेवी, यिने चुका तीकी तीला मेचेङ्‍गा यिन सिनी नासाम तोङ्‍गिवे, तीकी थोक्‍ला मेचेङ्‍गा राङ डिवी।

रोमी 14:20

साप समी थोक्‍ला कोन्‍छ्‍योककी क्‍या नङ्‍गुप लाकाला ना मातोङ। साप समातिवा तेरी चेङ्‍गा राङ यिन। यिने चुका समा सोसिमा मी यम्‍बाला मेलोवा जेवे, ती समा साप ति मेलोवा यिन।

रोमी 14:23

यिने मी ललाइकी सेमला नाम्‍दोक क्‍यानी काङ रे च्‍यिक रे सोसुङ सिसिन तीला क्‍येन फोकिवी। च्‍यिलासिसिन तीकी साप ति तेपा नेसुर वावु मिन। तेपा माक्‍यानी क्‍यावु लाकातिवा तेरी दिक्‍पा यिन।

१ कोरिन्‍थी 10:23

मी ललाइकी “मीतिवी काङ क्‍यासिनाङ गिवी।” सिनी सिवी, यिने ती तेरी ताम्‍ङे ति ख्‍येप्‍साङ वोतुप ति मिन। तमा “मीतिवी काङ क्‍यासिनाङ गिवी।” सिनी सिवी, यिने तेरी ताम्‍ङे ति मी यम्‍बाला ख्‍येप्‍साङ मे।

१ कोरिन्‍थी 10:25

श चोङ्‍गुप दासाला गल्‍नी श ङ्‍योप पेला ख्‍योरो सेम लोदिवुला ती श ति कुला पुलुप यिनाङ मिन सिनी काङ साङ माटिवा क्‍यानी ङ्‍योनी सोवा। तुक क्‍यासिन ख्‍योरो सेम ति लो दिकिवी।

१ कोरिन्‍थी 10:31

तुक क्‍यानी ख्‍यिराङ सोसिनाङ थुसिनाङ काङ क्‍यासिनाङ ती तेरी कोन्‍छ्‍योककी मोवाकी थोक्‍ला किसा।

१ कोरिन्‍थी 8:7

यिन्‍सिनाङ तेरी तेपा कितुप मीतिवाला साङ दी ताम्‍ङेकी कोर्ला ल्‍यामु क्‍यानी छ्‍या मेवी। माङ्‍शोक मीतिवा गोमाला कुला छ्‍यो तोङ्‍गुप बानी गलुप तप्‍की तरोङ साङ समा साप पेला कुला तेकुप समा राङ सयी वे सिरुप नासाम तोङ्‍यिन वे। तुक क्‍यानी तिवी ल्‍यामु मेलोवा हाक्‍माकोवु तप्‍की ती समा सोनी मेचेङ्‍गा गल वे सिरुप नासाम तोङ्‍गिवी।

१ तिमोथी 6:5

तमा तुका मी तीकी सेम ना गलुप ताङ टेङ्‍बुला क्‍युर्नी ज्‍यकुप मीतिवी मुला खाँदा क्‍या क्‍यावा किवी। तमा तिवी कोन्‍छ्‍योकला मोवा कितुप ति ख्‍येप्‍साङ वुङ्‍गुप यिन सिनी नोकिवी।

हिब्रू 10:22

दाक्‍पी सेम टेङ्‍बु नेसुर तेपा रम्‍बु जोनी कोन्‍छ्‍योककी चिप्‍ला डोप। तमा दाक्‍पी सेमला येशूकी ठक थोर्नी दुक्‍टा क्‍यासिमा सेम नेसुर वुङ्‍गुप क्‍येन ति टेङ्‍बु जोप ताङ दाक्‍पी जु ति छ्‍यु चेङ्‍गा थ्‍वोनी टुवु दोके टेङ्‍बु च्‍युङ्‍नी वे।

हिब्रू 12:15

नासाम तोङा, ख्‍यिराङ सु साङ कोन्‍छ्‍योक नेमा थोपुप कटिनला क्‍युर्नी मोज्‍योक्‍शिता, तमा सेमला लाका मेलोवा कितुप नासाम माज्‍योक। नासाम मेलोवा ज्‍याक्‍सिन तीकी मङ मङ फेल्‍नी मी बङीला मेटेङ्‍बु जेवी।

हिब्रू 9:14

नरीकी नरी लुवु कोन्‍छ्‍योककी थु चाङ्‍माकी ओङला खुरुङ राङ क्‍येन मेतुप बुल्‍वा च्‍युङ्‍नी कोन्‍छ्‍योकला बुलुप ख्रीष्‍टकी ठककी याङ मङ छासे क्‍यानी शेप ते क्‍योलुप लाकातिवा नेसुर दाक्‍पी सेम ति टेङ्‍बु जोनी ङोसु वोतुप कोन्‍छ्‍योकला शब्‍ज्‍यी कि थुपुप मोजोवी रो?