तीतस 1:11 - कोन्छ्‌योककी सुङ

¹¹ तिवाला ख चुम्‍नी दे ज्‍यि गोकिवी, च्‍यिलासिसिन तिवा रङगी ख्‍येप्‍साङकी थोक्‍ला तेरुप मेङ्‍गुप येन्‍देन लाप्‍नी तेरी मिछाङतिवी पर्ला मेलोक्‍पा जेवी।

तीतस 1:11 Iomraidhean Croise

मत्ती 23:13

“ख्‍यिराङ यहूदी छ्‍योकी गेकेनतिवा ताङ फरिसीतिवाला मोताप सुकुप यिनो, ख्‍यिराङ खोनक्‍पुतिवा! च्‍यिलासिसिन ख्‍यिराङ ति कोन्‍छ्‍योककी ग्‍येल्‍खापकी गोला गोल्‍ज्‍याक ग्‍यम वे। तमा खुरुङ साङ तीकी नाङ्‍ला मुशुकिवी, शुकुप छोलुप मीतिवाला साङ शुक मिज्‍यिवी।

लूका 20:40

ती ज्‍युक्‍ला सी साङ खोला टिवा यम्‍बा टेप ङाडेङ माक्‍या।

यूहन्‍ना 10:12

यिने ल बिन्‍नी लाका कि च्‍यितुपतिवा ति गोठाला मिन, तमा लुकतिवा साङ खोरो लुक मिन्‍दुप तप्‍की खटमुतिवा वुङ्‍गुप थोङ्‍सिमा लुकतिवाला क्‍युर ज्‍याक्‍नी टोनी डिवी। खटमुतिवा वानी लुकतिवाला जिम्‍नी डिवी, तमा लुकतिवा थरा थुरा जेवी।

रोमी 3:19

दी मोशाकी ठिमला सिक्‍यावु तेरी ताम्‍ङे ति ठिमकी ओङला वोतुप मीतिवाला राङ सिक्‍यावु यिन सिरुप ति दाक्‍पुला छ्‍या वे। ती तप्‍की तेरी जम्‍बुलिङकी मीतिवा कोन्‍छ्‍योककी दोङ्‍ला ख चुम क्‍या देनी तेरी मीतिवा दिक्‍छेन यिनोक सिनी हाक्‍कोवा कि गोकिवी।

२ कोरिन्थी 11:10

ख्रीष्‍टकी टेङ्‍बु ति ङे मिजीला वोता सेक अखैयाकी लुङ्‍बाला सी साङ ङे तेके क्‍यावु ताम्‍ङे ति ग्‍येक मुथुपी।

१ तिमोथी 5:13

तोजो तिराङ मिन, तिवा खाङ्‍बा खाङ्‍बाला युकुप ताङ छेरा कितुप ताङ ताम्‍ङे क्‍योलुप ताङ मी लाकाला लाक्‍पा जिम्‍बुप ताङ लप मोगोवु ताम्‍ङेतिवा लपुप डिवी।

१ तिमोथी 5:4

यिने ललाइ युक्‍सिमकी ति खोरो पुज्‍युङपुम याङ्‍ना नातीनातिनीतिवा वोसिन, तिवी राङ तीला दाल्‍जा किशी। च्‍यिलासिसिन तिवी खोप्‍रे खाङ्‍बा राङ टेङ्‍बुकी लाका कितुप ताङ खोप्‍रे पपाआमी ठिलेन च्‍योलुप लोप्‍शी। ती ति कोन्‍छ्‍योककी थोङ्‍दाङला ल्‍यामु यिन।

१ तिमोथी 6:5

तमा तुका मी तीकी सेम ना गलुप ताङ टेङ्‍बुला क्‍युर्नी ज्‍यकुप मीतिवी मुला खाँदा क्‍या क्‍यावा किवी। तमा तिवी कोन्‍छ्‍योकला मोवा कितुप ति ख्‍येप्‍साङ वुङ्‍गुप यिन सिनी नोकिवी।

२ तिमोथी 2:18

तिवी ती ताम्‍ङे टेङ्‍बु क्‍युर ज्‍याक्‍नी शेप ने सेन्‍बु लङ्‍गुप ति तोङ्‍ला के च्‍युङ्‍गुप यिन सिनी मीतिवाला येन्‍देन मेटेङ्‍बु लोप्‍किनोक। तिवी तुका ताम्‍ङे मेटेङ्‍बु लाप्‍नी माङ्‍शोक मीतिवाला तेपा कितुप क्‍युर्नी ज्‍योक च्‍यिसुङ।

२ तिमोथी 3:6

तिवी पर्ला ललाइ ललाइ मीतिवा खाङ्‍बा खाङ्‍बाला गल्‍नी काङ साङ हाक्‍मोकोवु पुम्‍पेजातिवाला लुनी खोप्‍रे ओङला ज्‍योकिवी। ती पुम्‍पेजातिवा ति दिक्‍पी ओङला शोरुप ताङ जम्‍बुलिङकी नासाम दुक्‍टाला तिराङ युकिवी।

तीतस 1:7

च्‍यिलासिसिन गोमा कितुप मी छ्‍ये ति कोन्‍छ्‍योककी लाका कितुप मी यिन्‍दुप तप्‍की क्‍येन मेतुप वुङ गोकिवी। ती ति हम्‍बा मिकिवु ताङ शार्क्येक ङ्‍यिर्मु मिकिवु ताङ छ्‍याङ्‍गेले मेतुप ताङ खाँदा मिकिवु ताङ टोङ्‍बाला देर्पा कितुप वुङ्‍गुप मेवी।

तीतस 1:9

खोरो लापुप सुङ टेङ्‍बुला रम्‍बु क्‍यानी युक गोकिवी। तुक क्‍यासिन तीकी सुङ टेङ्‍बुला लापुप दोके येन्‍देन तेर थुप्‍किवी। तमा सुङ टेङ्‍बुकी तेन्‍दोकला लङ्‍गुपतिवाला टेङ्‍बु काङ यिन सिरुप ति लोप साङ थुप्‍किवी।

तीतस 3:10

ख्‍ये बेतुप मीला ति थेङ्‍मा च्‍यिक चोयी ङ्‍यी चोयी टोङ्‍गु बिन, तमा तीकी मुला काङ साङ लिङ्‍गु तेङ्‍गु माकी।