रोमी 9:7 - कोन्छ्‌योककी सुङ

⁷ अब्राहामकी गिपातिवा साङ तेरी वुतुङ के कोन्‍छ्‍योककी पुज्‍युङ पुम मिन। च्‍यिलासिसिन कोन्‍छ्‍योककी सुङला “इसहाक नेमा च्‍युङ्‍गुपतिवा तिराङ ख्‍योरो गिपा यिन सिनी सिवी।” सिनी सुङ्‍सुङ।

रोमी 9:7 Iomraidhean Croise

मत्ती 3:9

तमा ख्‍यिरा सेमला ‘अब्राहाम ति दाक्‍पी पगावा हङ्‍गावा यिन।’ सिनी नासाम मातोङ, च्‍यिलासिसिन कोन्‍छ्‍योककी दी दोतिवाला साङ अब्राहामकी गिपा जो थुप्‍किवी।

लूका 16:30

तीकी सिक्‍यासुङ, ‘मिन्‍पा, पपा अब्राहाम! शेपतिवी पर ने मी ललाइ सेन्‍बु लानी तिवी ते गल्‍सिन तिवी दिक्‍पा ने सेम ग्‍युर्किवी।’

लूका 3:8

वुतुङ के ख्‍यिराङ दिक्‍पा ने सेम ग्‍युर्नी कोन्‍छ्‍योककी थाकाला वावु यिन्‍सिन ती दोके लाका ल्‍यामु की। तमा ख्‍यिरा सेमला ‘दाक्पु ति अब्राहामकी गिपा यिन।’ सिनी सिरुप माछोल। च्‍यिलासिसिन ङ ख्‍यिराङला सिरिन, कोन्‍छ्‍योककी दी दोतिवा नेसुर साङ अब्राहामकी गिपा जो थुप्‍किवी।

यूहन्‍ना 8:33

ती थोसिमा तिवी खोला “ङ्‍यिराङ याङ अब्राहामकी गिपा यिन, त सेक ङ्‍यिराङ सी योक्‍पु साङ माच्‍युङ, यिने ख्‍योरे च्‍यिला ङ्‍यिराङला पि तोङ्‍गितो सिनी सिक्‍यावु यिन?” सिनी सिक्‍यासुङ।

गलाती 4:23

योक्‍मी थाका नेमा क्‍येवु ति मी नोवा नेमा क्‍येवु नोक, यिने खोरो पेर्मी थाका नेमा क्‍येवु ति कोन्‍छ्‍योककी थाक्‍छ्‍येन नङ्‍गुप नेमा क्‍येवु नोक।

गलाती 4:28

अच्‍युनुपतिवा, ख्‍यिराङ साङ इसहाक दोके कोन्‍छ्‍योककी थाक्‍छ्‍येन नङ्‍गुप गिपा यिन।

फिलिप्पी 3:3

दाक्‍पु ति कोन्‍छ्‍योककी थोङ्‍दाङला वुतुङ के च्‍येतुप लुक्‍सु क्‍यावु मीतिवा यिन। च्‍यिलासिसिन दाक्‍पु याङ कोन्‍छ्‍योककी थु चाङ्‍मा नेमा खोला सोवा देकिवी, तमा येशू ख्रीष्‍टला तेपा क्‍यानी तेके किवी, जुला तिराङ कितुप लुक्‍सुला ति तेपा मिकिवी।

हिब्रू 11:18

कोन्‍छ्‍योककी गोमाला अब्राहामला, “इसहाक नेसुर राङ ख्‍योरो गिपातिवा फेल्‍गितो।” सिनी थाक्‍छ्‍येन नाङ्‍सुङ।