रोमी 9:4 - कोन्छ्‌योककी सुङ

⁴ तिवा ति इस्राएलकी मीतिवा यिन। कोन्‍छ्‍योककी तिवाला खोरो पुज्‍युङ जो नाङ्‍सुङ, खोकी तिवाला खोरे मोवा छ्‍या तेन्‍सुङ, खोकी तिवी मुला थाक्‍छ्‍येवु ताम्‍ङे जो नाङ्‍सुङ, मोशा नेसुर ठिम साङ जो नाङ्‍सुङ, खोकी तिवाला यहूदी ल्‍हङाङला सोवा देकुप ताङ थाक्‍छ्‍येन नङ्‍गुप ताम्‍ङे साङ तिवाला राङ नाङ्‍सुङ।

रोमी 9:4 Iomraidhean Croise

मत्ती 21:33

येलुङ येशूकी यम्‍बा दुका पे यी साङ शेन नाङ्‍सुङ, “दासा यीला शिङ ज्‍यिन्‍दाक यी नोक। तीकी खोरो शिङ खला गुन्‍डुम चुसिमा तीकी गारी गुरीला खोर क्‍यानोक। तमा ती खोरकी नाङ्‍ला गुन्‍डुम ख्‍वो चिरुपला मुक्‍तुम टुसुङ, तमा र्‍हेन्‍दुप मतेन जोसुङ। ती ज्‍युक्‍ला ती शिङ ति पिज्‍यिङ्‍बातिवाला पिज्‍यिङला तङ ज्‍याक्‍नी ती ति मी लुङ्‍बा गाल्‍सुङ।

यूहन्‍ना 1:17

कोन्‍छ्‍योककी ठिम ति मोशा नेमा राङ ङ्‍येतुप यिन, यिने कटिन ताङ टेङ्‍बु ति येशू ख्रीष्‍ट नेमा वावु यिन।

यूहन्‍ना 1:47

तमा नाथनेल ति खोरो चाला वुङ्‍यिन कितुप थोङ्‍नी येशूकी तीला “ल्‍हो ताङ, ती ति वुतुङ के टेङ्‍बु वोतुप इस्राएलकी मी यिनोक। तीकी मुला काङ साङ जिनोक मे।” सिनी सुङ्‍सुङ।

लोमा छ्‍येतिवी लाका 2:39

च्‍यिलासिसिन कोन्‍छ्‍योककी थाक्‍छ्‍येवु ति ख्‍युरुङ ताङ ख्‍योरो गिपा ताङ थाक्‍रिङ्‍बु वोतुप मीतिवा ताङ सु सुला खोकी कताङ नङ्‍गिवे तिवा तेरीकी थोक्‍ला यिन।”

रोमी 3:2

ख्‍येप्‍साङ ति बङी वे। ती ति काङ यिन सिसिन थल्‍माला कोन्‍छ्‍योककी यहूदीतिवाला खोकी सुङ टेङ्‍बु ति चेक तेन नङ्‍गुप यिन।

रोमी 8:15

त याङ ख्‍यिराङ ज्‍यिवा लङ्‍गुप दिक्‍पाकी ओङला मिन, कोन्‍छ्‍योककी थु चाङ्‍माकी ओङ थोपुप तप्‍की ख्‍यिराङ कोन्‍छ्‍योककी पेजातिवा यिन। तुक क्‍यानी दाक्‍पी कोन्‍छ्‍योकला “पपा” सिनी सि थुप्‍किवी।

रोमी 9:6

यिने इस्राएलकी मीतिवाला कोन्‍छ्‍योककी थाक्‍छ्‍येन नङ्‍गुप सुङ ति लम्‍सुला मागलुप मिन। च्‍यिलासिसिन इस्राएलला क्‍येवुतिवा तेरी इस्राएलकी मी मिन,

२ कोरिन्थी 11:22

तिवा हिब्रू यिन सिसिन ङ साङ हिब्रू यिन। तिवा इस्राएलकी मीतिवा यिन्‍सिन ङ साङ इस्राएलकी मी यिन। तिवा अब्राहामकी गिपा यिन्‍सिन ङ साङ अब्राहामकी गिपा राङ यिन।

गलाती 3:16

कोन्‍छ्‍योककी अब्राहाम ताङ तीकी गिपाला थाक्‍छ्‍येन नङ्‍गुप पेला “ख्‍योरो गिपातिवाला” सिनी मी बङीला मासुङ, यिने “ख्‍योरो गिपा च्‍यिक राङला” सिनी सुङ्‍नी वे। ती च्‍यिक राङ वोतुप गिपा ति ख्रीष्‍ट यिन।

एफिसी 2:12

ती पेला येशू ख्रीष्‍टला ख्‍यिरा ङो माशेवु तप्‍की इस्राएलकी गिपा माच्‍युङ। तमा ख्‍यिराङ ति कोन्‍छ्‌योककी थाक्‍छ्‌येतुप ठिम नेसुर थाक्‍रिङ्‍बु गल्‍नी दी जम्‍बुलिङला रेवा मेतुप ताङ कोन्‍छ्‌योक ङो माशेनी दे नोक।

हिब्रू 9:1

थल्‍माला कोन्‍छ्‍योक ताङ इस्राएलकी मीतिवा पर्ला थाक्‍छ्‍येतुप ताम्‍ङेला साङ कोन्‍छ्‍योकला सोवा देकुप कोर्ला ठिमतिवा नोक। तमा ती ठिमला वोतुप दोके सोवा देकुपला मीतिवी राङ जोवु चाङ्‍मा वोतुप कुर च्‍यिक नोक।

हिब्रू 9:10

ती बुल्‍वा ताङ जिन्‍बा पुलुप ति साप थुङ्‍गुप ताङ नम्‍बा कुतुक कुतुककी चाङ्‍मा जोप ठिमतिवा तेन्‍दुप दोके तिराङ यिन। ती ठिमतिवा ति कोन्‍छ्‍योककी नङ्‍गुप यम्‍बा ठिम सम्‍बा माफोवा सेककी थोक्‍ला बिन्‍दुप क तिराङ यिन।

हिब्रू 9:3

तमा जेतिवी पर्ला ति गोयोल ग्‍यप्‍नी नोक। ती गोयोलकी ग्‍यप्‍ला वोतुप नङगी जे तीला ति तेरी सिनाङ चाङ्‍मा वोतुप दासा सिनोक।

हिब्रू 9:5

ती तेर्गामकी खला कोन्‍छ्‍योककी मोवा छ्‍या देन्‍दुप करूब सिरुप देवाच्‍येनकी लेन क्‍योलुप थुतिवा नोक। ती लेन क्‍योलुप थुतिवी शोक्‍पा ति दिक्‍पा पङ्‍गुप दासाकी खला ग्‍यानी नोक। तीकी कोर्ला ति तन्‍दा राङ दाक्‍पी तेरी सि मुथुपी।

हिब्रू 9:6

ती तेरी टडिक क्‍या सिन्‍सिमा जे तङ्‍बुला वोतुप दासा चाङ्‍माला कोङ्‍यारतिवा ङ्‍यिमी टेङ दाक दाक्‍पी कि गोवु लाकातिवा तेरी कितुपला डिनोक।