रोमी 9:3 - कोन्छ्‌योककी सुङ

³ ङरा यहूदी अच्‍युनुपतिवी थोक्‍ला यिन्‍सिन ङला काङ मोताप तप्‍सिनाङ, ख्रीष्‍ट नेसुर क्‍युन ज्‍याक्‍सिनाङ ङला गा लङ्‍गिवी।

रोमी 9:3 Iomraidhean Croise

लोमा छ्‍येतिवी लाका 13:26

ओ अब्राहामकी गिपा ताङ कोन्‍छ्‍योकला ज्‍यिवा कितुप यहूदी मिन्‍दुप मिरिक यम्‍बाकी मीतिवा, दी दिक्‍पा ने थरुप लेन ल्‍यामु ति कोन्‍छ्‍योककी दाक्‍पी पर्ला राङ ताङ वे।

लोमा छ्‍येतिवी लाका 22:5

तीकी कोर्ला कोङ्‍यार छ्‍येतिवा ताङ यम्‍बा मी छ्‍येतिवी साङ ङे कोर्ला पङ्‍बु तेर्किवी। तिवी राङ दमस्‍कसला वोतुप खोरो यहूदी मीतिवाला जिम्‍बुप यिकी ङला बिन्‍दुप तप्‍की येशूला तेपा कितुपतिवाला टानी यरूशलेम टि वानी छ्‍येर्पा तेरुपला ङ दमस्‍कसला गलिन।

लोमा छ्‍येतिवी लाका 28:21

तमा ते देतुप यहूदी गोमा कितुप मीतिवी पावलला सिक्‍यासुङ, “ङ्‍यिरा याङ अच्‍युकी तेन्‍दोकला यहूदिया नेसुर काङ यिकी राङ माङ्‍ये वे। सु साङ वानी अच्‍युकी थोक्‍ला ताम्‍ङे काङ साङ मालाप वे। अच्‍युकी लाका मेलोवा क्‍यावु यिन सिनी ताम्‍ङे साङ माक्‍या वे।

रोमी 1:3

ती येशू ख्रीष्‍ट ति जम्‍बुलिङकी ताम्‍ङे कितुप पेला ग्‍येल्‍वु दाऊदकी गिपा नेमा क्‍येवु यिन।

रोमी 11:1

तुक क्‍यानी ङ ख्‍यिराङला टेयिन, “काङ कोन्‍छ्‍योककी खोरो पेतुप मीतिवाला क्‍युर्नी ज्‍याक्‍सुङ रो?” मिन, वुतुङ के खोकी तिवाला नाम्‍साङ क्‍युर्नी माज्‍याक। ङ साङ अब्राहामकी गिपा यिन, तमा बेन्‍यामीन मिछाङकी मी यिन।

रोमी 11:14

मिरिक यम्‍बाकी मीतिवी थोक्‍ला यहूदीतिवी पर्ने मी ललाइ ठतोक लानी कोन्‍छ्‍योककी थाकाला लोक्‍नी थर्वा ङ्‍येशी सिरुप ति ङे रेवा यिन।

रोमी 16:11

तमा ङे छेङ्‍गा हेरोदियनला साङ टसी देलेक वोतो सिनी सिसा। तमा येशूला तेपा कितुप नर्किससकी खाङ्‍बी मीतिवाला साङ टसी देलेक वोतो सिनी सिसा।

रोमी 16:21

ङे मुला राङ कोन्‍छ्‍योकला शब्‍ज्‍यी बुलुप तिमोथी ताङ ङे छेङ्‍गा लुकियस ताङ यासोन ताङ सोसिपात्रोसकी साङ ख्‍यिराङला टसी देलेक सिनी ताङ वोतो।

रोमी 16:7

ङे मुला चोन्‍खाङला शोरुप ङे नाङ्‍बा एन्‍ड्रोनिकस ताङ युनियसला साङ टसी देलेक वोतो सिनी सिसा। च्‍यिलासिसिन तिवा लोमा छ्‍येतिवी पर्ला मिङ थोपुप ताङ ङ सिनाङ गोमाला येशूला तेपा कितुप मीतिवा यिनो।

रोमी 9:2

ती काङ यिन सिसिन ङे सेमला छासे दुङल ताङ सेम्‍दुक नरी वे।

१ कोरिन्‍थी 12:3

तुक क्‍यानी ख्‍यिरा दी ताम्‍ङे ति हाक्‍कोवा की। कोन्‍छ्‍योककी थु चाङ्‍मा नेमा ताम्‍ङे कितुप सी साङ “येशूला मोताप सुकुप यिन।” सिनी सि मुथुपी। तमा खोकी थु चाङ्‍मा नेमा तिराङ मिसिन यम्‍बा सी साङ “येशू ति चोवो यिन।” सिनी सि मुथुपी।

१ कोरिन्‍थी 16:22

सी चोवो येशूला ङ्‍यिङ्‍ज्‍ये मिकिवे, तिवा मोताप सुकुप यिनो। ओ ङ्‍यिरा चोवो येशू, ङ्‍यिरा पर्ला फेप!

२ कोरिन्थी 12:15

ङ ख्‍यिरा थोक्‍ला छासे गा क्‍यानी ङे मुला वोतुप तेरी डोसुम तोङ्‍गुप ताङ ङे मिजी साङ तेरिन। ङे ख्‍यिराङला तुका मङ्‍मु ङ्‍यिङ्‍ज्‍ये क्‍यासिनाङ ख्‍यिरा ङला ङ्‍यिङ्‍ज्‍ये मिकिवी?

गलाती 1:8

यिने ङ्‍यिरा ख्‍याप्‍टाक क्‍यावु लेन ल्‍यामु सिनाङ यम्‍बा लेन ति ङ्‍यिराङ याङ्‍ना देवाच्‍येनकी लेन क्‍योलुप थु सी ख्‍याप्‍टाक क्‍यासिनाङ तीला पर्च्या फोकिवी।

गलाती 1:9

दी ताम्‍ङे ति ङे गोमाला साङ सिक्‍यायी, यिने तन्‍दा साङ सिरिन। सी साङ ख्‍यिरा सेमला लावु लेन ल्‍यामु सिनाङ यम्‍बा लेन ल्‍यामु ख्‍यिराङला ख्‍याप्‍टाक किवी सिसिन तीला पर्च्या फोकिवी।

गलाती 3:10

तमा मोशाकी ठिमला तिराङ तेन्‍नी टेङ्‍बु च्‍युङ्‍गुप छोलुपतिवा तेरीला पर्च्या फोकिवी। च्‍यिलासिसिन कोन्‍छ्‍योककी सुङला दुक सिनी टि वे, “मोशाकी ठिमला वोतुप क तेरीला नरी मेङ्‍येन्‍दुप मीतिवाला पर्च्या फोकिवी।”

गलाती 3:13

ख्रीष्‍टकी ग्‍यङ्‍शिङला कल्‍नी दाक्‍पी थोक्‍ला पर्च्या खुर्नी दाक्‍पुला मोशाकी ठिम तेरी मातेन्‍नी वुङ्‍गुप पर्च्या ने र्‍होक्‍सुङ। च्‍यिलासिसिन ग्‍यङ्‍शिङला कलुप ति तेरी पर्च्या फोकुप यिन सिनी सुङला टि वे।

एफिसी 6:5

ख्‍यिराङ योक्‍पुतिवा, ख्रीष्‍टला ताङ्‍देन क्‍यावु दोके दी जम्‍बुलिङकी ख्‍यिरा ज्‍यिन्‍दाकतिवी सिक्‍यावु ताम्‍ङे ति ज्‍यिवा क्‍यानी र्‍हुकिन सिरा सेमगी दिङ नेज्‍युनी की।