रोमी 9:11 - कोन्छ्‌योककी सुङ

^11-12 यिने पुज्‍युङ छेमा क्‍येप सिनाङ गोमाला कोन्‍छ्‍योककी रिबेकाला “ख्‍योरो पुज्‍युङ छ्‍ये तीकी छ्‍युङा तीला शब्‍ज्‍यी कितुप डितो।” सिनी थाक्‍छ्‍येन नाङ्‍सुङ। तीकी तेन्‍दोक ति तिवी लाका ल्‍यामु मेलोवा काङ साङ माक्‍यावु पेला मीतिवी लाका ल्‍यामु नेमा मिन, कोन्‍छ्‍योककी नोवाला वोतुप तीला तिराङ पेतुप ति छ्‍या देन्‍दुपला खोकी रिबेकाला तुक सिनी सुङ्‍गुप यिन।

रोमी 9:11 Iomraidhean Croise

रोमी 4:17

ती ति कोन्‍छ्‍योककी अब्राहामला “ङ ख्‍युरुङला मिरिक बङीकी पपा जोयिनो।” सिनी खोकी सुङला टिवु दोके राङ यिन। ती थाक्‍छ्‍येन नङ्‍गुप ति अब्राहामकी तेपा क्‍यावु कोन्‍छ्‍योककी तेन्‍तेन क्‍या नङ्‍गुप यिन। खो ति शेपतिवाला मिजी नङ्‍गुप ताङ मेतुप च्‍यालकतिवाला वोतुप जो नङ्‍गुप कोन्‍छ्‍योक यिन।

एफिसी 2:3

ती दोके तोङ्‍ला दाक्‍पी साङ सेमला शरुप तेरी लाका मेलोक्‍पातिवा क्‍यानी मिजी क्‍योङ्‍गुप ताङ रङगी जु ताङ सेमगी नोवाला युवुजा। तुक क्‍यानी दाक्‍पु साङ मी यम्‍बा दोके कोन्‍छ्‌योककी पर्च्या फोकुप गिपा च्‍युङ्‍गुप यिन।

एफिसी 2:9

दाक्‍पी लाका ल्‍यामु क्‍यानी ङ्‍येतुप मिन, मिसियाङ मीतिवी ङ राङ यिन सिनी सिवी।

एफिसी 3:11

खोकी तुक क्‍या नङ्‍गुप ति दाक्‍पी चोवो येशू ख्रीष्‍ट नेसुर थल्‍मा नेज्‍युनी खोरे नोवाला वोतुप दोके क्‍या नङ्‍गुप यिन।

१ थेसलोनिकी 1:4

अच्‍युनुपतिवा, कोन्‍छ्‍योककी ख्‍यिराङला ङ्‍यिङ्‍ज्‍ये क्‍यानी पेन नङ्‍गुप यिन सिनी ङ्‍यिराङला छ्‍या वे।

२ तिमोथी 1:9

खोकी दाक्‍पुला दिक्‍पा ने थर च्‍यिनी दाक्‍पु टेङ्‍बु च्‍युङ्‍गुपला कताङ नाङ्‍सुङ। ती ति दाक्‍पी लाका ल्‍यामु क्‍यावु तप्‍की मिन, यिने खोकी नोवा ताङ कटिनकी जोसालेन्‍सिन यिन। ती कटिन ति जम्‍बुलिङ ज्‍येङ्‍गुप पेला नेज्‍युनी येशू ख्रीष्‍ट नेसुर खोकी दाक्‍पुला नङ वे।

तीतस 3:5

दाक्‍पुला थर च्‍यिसुङ। ती ति दाक्‍पी लाका टेङ्‍बु क्‍यावु तप्‍की मिन, खोला च्‍यम्‍बा वोतुप तप्‍की यिन। खोकी दाक्‍पुला चाङ्‍मा जोनी मिजी सम्‍बा नङ्‍गुप ताङ खोकी थु चाङ्‍मा नेसुर दाक्‍पुला सम्‍बा फोनी थर च्‍यितुप यिन।

१ पत्रुस 5:10

कोन्‍छ्‍योक ति ख्‍यिराङला तेरी कटिन नङ्‍गुप कोन्‍छ्‍योक यिन। खोकी येशू ख्रीष्‍ट ताङ मुला नाम्‍साङ ना मोडोवु मोवाला ख्‍यिराङला कताङ नङ वे। तमा चेयी पर सेक ति ख्‍यिरा छेटाङ खुर्सिनाङ खोकी ख्‍यिरा क्‍यावु दुक्‍पा नेसुर ख्‍यिराङला छ्‍ये जो नङ्‍गिवी। तमा ख्‍यिराङला फार छुर मोयोम्‍बुप ताङ ङार छ्‍येवु जोनी ख्‍यिरा तेपा ति डम्‍ज्‍यी रम्‍बु तिङ्‍गुप दोके जो नङ्‍गिवी।

२ पत्रुस 1:10

तुक क्‍यानी अच्‍युनुपतिवा, ख्‍यिराङला कोन्‍छ्‍योककी कताङ्‍नी पेन नङ्‍गुप लाका ति मङ तेन्‍तेन कितुपला ङार छ्‍येवु की। तुक क्‍यासिन ख्‍यिराङला नाम्‍साङ नर्तुक माग्‍यकिवी।

ज्‍यल्‍का 17:14

तिवा लुक रुक ताङ मुला थमु ग्‍यकिवी, यिने लुक रुककी तिवी मुला थमु ग्‍यप्‍नी तिवी खला ग्‍येल्‍गिवी। च्‍यिलासिसिन खो ति चोवो खकी चोवो, ग्‍येल्‍वी खकी ग्‍येल्‍वु यिन। तमा खोकी कताङ नङ्‍गुप ताङ खोकी पेतुप खोङ्‍तेर्मु वोतुप मीतिवा खोकी मुला राङ वे।” सिनी सिक्‍यासुङ।