रोमी 8:7 - कोन्छ्‌योककी सुङ

⁷ तमा दिक्‍पी नासाम ताङ्‍नी युकुप ति कोन्‍छ्‍योक ताङ मुला डला गलुप यिन, च्‍यिलासिसिन तुका मी ति कोन्‍छ्‍योककी नङ्‍गुप ठिमला सिक्‍यावु दोके युकुप साङ मुयुकिवी, कितुप साङ मुथुपी।

रोमी 8:7 Iomraidhean Croise

मत्ती 12:34

ओ दुक्‍टाकी गिपातिवा! ख्‍यिराङ सेम दुक्‍टा वे, चुक क्‍यानी ताम्‍ङे ल्‍यामु कि थुप्‍किवी? च्‍यिलासिसिन सेमला काङ क्‍येङ नोके, ती ति ख नेमा लप्‍किवी।

मत्ती 5:19

ती तप्‍की सी खोरुङ साङ दी ठिमला वोतुप क टिक्‍पे यीला माङ्‍येन्‍नी मी यम्‍बातिवाला साङ तुकै राङ कितुप लोप्‍किवे, तीला देवाच्‍येनकी ग्‍येल्‍खापला तेरी सिनाङ छ्‍युङा सिनी सिवी। सी खोरुङ साङ दी कतिवाला ङ्‍येन्‍नी मी यम्‍बातिवाला साङ तुकै राङ कितुप लोप्‍किवे, तीला देवाच्‍येनकी ग्‍येल्‍खापला छ्‍ये सिनी सिवी।

यूहन्‍ना 7:7

जम्‍बुलिङकी मीतिवी ख्‍यिराङला ङ्‍यिङ्‍मर कि मुथुपी, यिने ङला याङ ङ्‍यिङ्‍मर किवी, च्‍यिलासिसिन जम्‍बुलिङकी मीतिवी किताङ नालु दुक्‍टा वे सिनी ङे पङ्‍बु बिनिन।

रोमी 1:28

कोन्‍छ्‍योकला तिवी सेमला ज्‍योकुप नो माक्‍यावु तप्‍की खोकी तिवाला खोप्‍रे काङ कियी दे लङ्‍गिवे, तुकै राङ किशी सुङ्‍नी तिवाला मेलोवा कि ज्‍यितुपला क्‍युर्नी ज्‍याक्‍सुङ।

रोमी 1:30

मीला मेलोवा सिरुप ताङ कोन्‍छ्‍योकला मोवा मिकिवु ताङ मीला मो बेपुप ताङ ङ राङ यिन सिनी छ्‍येजु कितुप ताङ अम्‍बारङ्‍शिङ कितुप ताङ किताङ नालु मेलोक्‍पा जोप ताङ पपाआमी खला मेङ्‍येन्‍दुप गिवी।

रोमी 3:31

तुकै यिन्‍सिन काङ दाक्‍पु येशूला तेपा क्‍यासिमा मोशाकी ठिम ति क्‍युर्नी ज्‍योकुप यिन रो? मिन, ती ठिमला मङ रम्‍बु जोनी ज्‍यकुप यिन।

रोमी 5:10

च्‍यिलासिसिन दाक्‍पु कोन्‍छ्‍योक ताङ मुला डला गल वोसिनाङ खोकी सेवु येशू ख्रीष्‍ट टुङ्‍नी दाक्‍पु कोन्‍छ्‍योक ताङ मुला डिक्‍नी तम्‍जी ल्‍यामु च्‍युङ वे। तुक क्‍यासिन त याङ येशू ख्रीष्‍ट ङोसु वोतुप तप्‍की वुतुङ के दाक्‍पु दिक्‍पा ने थरुप ति मङ तेन्‍तेन वे।

रोमी 7:22

ङे सेमगी दिङ नेज्‍युनी कोन्‍छ्‍योककी ठिमला वोतुप दोके लाका कितुप गा लासिनाङ

रोमी 8:4

तुक क्‍यावु ति दिक्‍पाकी ओङला मिन, कोन्‍छ्‍योककी थु चाङ्‍माकी ओङला युकुप दाक्‍पी थोक्‍ला कोन्‍छ्‍योककी ठिमकी सिक्‍यावु दोके तेरी छे ज्‍यितुपला यिन।

१ कोरिन्‍थी 2:14

खोकी थु चाङ्‍मा मेतुप मी तीकी खोकी थु चाङ्‍मा नेसुर वुङ्‍गुप ताम्‍ङेतिवा सेमला मलङ्‍गिवी। च्‍यिलासिसिन तिवी तुका ताम्‍ङेतिवाला तेन्‍दोक मेतुप यिन सिनी सिवी। तमा तिवी हाक साङ मोकोवी। तुका ताम्‍ङेतिवा खोकी थु चाङ्‍मा नेमा तिराङ हाक्‍को थुप्‍किवी।

१ कोरिन्‍थी 9:21

तमा ठिमकी ओङला मेतुपतिवाला ख्रीष्‍टकी ओङला टि वुङ्‍गुपला ङ ति ठिमकी ओङला मेतुप दोके राङ च्‍युङ्‍यिन। ङे तुक क्‍यावु ति ङ ति कोन्‍छ्‍योककी ठिमला मेतेन सिक्‍यावु ति मिन, ख्रीष्‍टकी सुङला ङ्‍येन्‍दुप यिन।

कलस्सी 1:21

तोङ्‍ला याङ ख्‍यिराङ लाका दुक्‍टा क्‍यानी कोन्‍छ्‍योक नेसुर थाक्‍रिङ्‍बु गल्‍नी ख्‍यिरा सेम ति खोकी तेन्‍दोकला लानी डला गल वोतुप्‍जा।

कलस्सी 2:18

ङ्‍यिरा ज्‍यल्‍का थोङ्‍गुप यिन सिनी मी यम्‍बाला छ्‍या देन्‍दुपला कुसु ज्‍यम्‍बु जोप दुक्‍टातिवा ताङ देवाच्‍येनकी लेन क्‍योलुप थुला तेन्‍दुप मीतिवा सी साङ ख्‍यिराङला थोपुप छ्‍यक्‍तक तोर्नी डोप मोजोशी। तिवा ति सेम दुक्‍टा नेसुर तेन्‍दोक मेताला ङ राङ छ्‍ये यिन सिनी सिवी,

२ तिमोथी 3:4

मीला जिनोक जोनी क्‍येन तेरुप ताङ ङ्‍यिर्मु कोक्‍पु वोतुप ताङ ङ राङ यिन सिरुप ताङ कोन्‍छ्‍योकला सिनाङ गा ताङ किर्मुला तिराङ नासाम तोङ्‍गुप ताङ

हिब्रू 8:10

येलुङ चोवोकी दुक सुङ्‍सुङ, “ती तुजेकी ज्‍युक्‍ला ङ इस्राएलकी मीतिवी मुला थाक्‍छ्‍येवु ताम्‍ङे च्‍यिक जोयिनो। तिवी नासामला ङ ङे ठिम ति ज्‍याङ तेरिन, तमा तिवी सेमला ति दी ठिमतिवा टिकिनो। तमा ङ ति तिवी कोन्‍छ्‍योक यिनो, तिवा ति ङे ज्‍यिक्‍तेम्‍बातिवा यिनो।

याकूब 4:4

ओ शम्‍डेन कितुप टेङ, कोन्‍छ्‍योकला तेपा क्‍यानी साङ जम्‍बुलिङला गा कितुप ति कोन्‍छ्‍योक ताङ मुला डला गलुप यिन सिरुप ति ख्‍यिराङला छ्‍या मे? सु दी जम्‍बुलिङला गा किवे, ती ति कोन्‍छ्‍योक ताङ मुला डला गलुप यिन।

२ पत्रुस 2:14

तिवा नरी शम्‍डेन कितुप नासाम तिराङ तोङ्‍गिवी। तिवा चो दिक्‍पा क्‍यासिनाङ सेम लो मिदिवी, तिवी तेपा रम्‍बु मेनी सेम नटेकोटे वोतुप मीतिवाला अलम च्‍योलोम जेवी। तिवी सेम ति देर्पा कितुपला छासे खामु गिवी। तुक क्‍यानी तिवा मोताप सुकुप गिपातिवा यिन।