रोमी 8:6 - कोन्छ्‌योककी सुङ

⁶ दिक्‍पी नासाम ति शेप यिन, यिने कोन्‍छ्‍योककी थु चाङ्‍माकी नासाम ति मिजी ताङ लोदिमु यिन।

रोमी 8:6 Iomraidhean Croise

यूहन्‍ना 14:27

ङ ख्‍यिराङला लोदिमु बिन्‍नी डोयी, ङ ङरा लोदिमु ति ख्‍यिराङला तेरिन। ङे ख्‍यिराङला तेरुप लोदिमु ति जम्‍बुलिङकी तेरुप लोदिमु दोके मिन। तुक क्‍यानी ख्‍यिराङ सेम्‍दुक माकी, ज्‍यिवा साङ माकी।

यूहन्‍ना 14:6

येशूकी तीला सुङ्सुङ, “लाम ताङ टेङ्‍बु ताङ मिजी ति ङ राङ यिन। ङ नेसुर मिसिन सु साङ पपी ते डो मुथुपी।

यूहन्‍ना 17:5

ओ पपा, जम्‍बुलिङ ज्‍येङ्‍गुप सिनाङ गोमाला पपा ताङ ङे मुला वोतुप ती मोवा नेसुर पपी थोङ्‍दाङला ङला मोवा च्‍युङ च्‍यी।”

रोमी 13:14

यिने ख्‍यिराङ काङ क्‍यासिनाङ चोवो येशू ख्रीष्‍टकी दोके की, तमा दिक्‍पा कितुप जुकी किताङ नालुला वोतुप नासाम मेलोवा मातोङ।

रोमी 14:17

च्‍यिलासिसिन कोन्‍छ्‍योककी ग्‍येल्‍खाप ति साप ताङ थुङ्‍गुपकी थोक्‍ला मिन, खोकी थु चाङ्‍माकी ओङला खोकी थोङ्‍दाङला टेङ्‍बु वोतुप ताङ लोदिमु ताङ सेम किर्मुकी थोक्‍ला यिन।

रोमी 5:1

तुक क्‍यानी त याङ दाक्‍पु चोवो येशू ख्रीष्‍टला तेपा क्‍यानी कोन्‍छ्‍योककी थोङ्‍दाङला टेङ्‍बु ङ्‍येतुप तप्‍की येशू ख्रीष्‍ट नेसुर कोन्‍छ्‍योककी मुला तम्‍जी ल्‍यामु च्‍युङ वे।

रोमी 5:10

च्‍यिलासिसिन दाक्‍पु कोन्‍छ्‍योक ताङ मुला डला गल वोसिनाङ खोकी सेवु येशू ख्रीष्‍ट टुङ्‍नी दाक्‍पु कोन्‍छ्‍योक ताङ मुला डिक्‍नी तम्‍जी ल्‍यामु च्‍युङ वे। तुक क्‍यासिन त याङ येशू ख्रीष्‍ट ङोसु वोतुप तप्‍की वुतुङ के दाक्‍पु दिक्‍पा ने थरुप ति मङ तेन्‍तेन वे।

रोमी 6:21

ती पेला ख्‍यिरा क्‍यावु लाकातिवा नेसुर काङ ङ्‍येसुङ? तन्‍दा नासाम तोङ्‍गुप पेला छासे ङोछा लङ्‍गुप लाका मेलोवा तिराङ क्‍यासुङ। ती तेरी लाकातिवी छ्‍येर्पा ति शेप यिन।

रोमी 6:23

च्‍यिलासिसिन दिक्‍पा क्‍यावु छ्‍येर्पा ति शेप यिन, यिने कोन्‍छ्‍योककी नङ्‍गुप कटिनकी ङ्‍येम्‍बा ति दाक्‍पी चोवो येशू ख्रीष्‍टला तेपा क्‍यासिमा थोपुप नाम्‍साङ मिशिवु मिजी यिन।

रोमी 7:11

तमा ती कोन्‍छ्‍योककी नङ्‍गुप क नेसुर राङ दिक्‍पाकी च्‍यु ल्हानी ङला जिनोक जोसिमा ङला सेसुङ।

रोमी 7:5

तोङ्‍ला दाक्‍पु दिक्‍पी ओङला मिजी क्‍योङ्‍यिन वोतुप पेला ठिम नेसुर दाक्‍पुला लाका मेलोवा कितुप नासाम वानी तीकी दाक्‍पुला ज्‍युक्‍ला शि ज्‍यितुप दिक्‍पा कि च्‍यिसुङ।

रोमी 8:13

दोजो ख्‍यिराङ दिक्‍पाकी ओङला सेम नोजु क्‍यानी राङ मिजी क्‍योङ्‍गिवी सिसिन शिवी, यिने कोन्‍छ्‍योककी थु चाङ्‍माकी ओङ नेसुर ख्‍यिरा दिक्‍पाकी ओङला मिजी क्‍योङ्‍गुप क्‍युर्सुङ सिसिन ख्‍यिराङ सेन्‍बु लुकिवी।

रोमी 8:27

तमा तेरी मीतिवी सेमगी ताम्‍ङे ल्‍यामु हाक्‍कोवु कोन्‍छ्‍योककी राङ खोकी थु चाङ्‍माकी नोवा काङ यिन सिरुप ति हाक्‍कोकिवी, च्‍यिलासिसिन कोन्‍छ्‍योककी नोवाला वोतुप दोके थु चाङ्‍माकी खोला तेपा कितुप मीतिवी छापला मोपोर क्‍या नङ्‍गिवी।

रोमी 8:7

तमा दिक्‍पी नासाम ताङ्‍नी युकुप ति कोन्‍छ्‍योक ताङ मुला डला गलुप यिन, च्‍यिलासिसिन तुका मी ति कोन्‍छ्‍योककी नङ्‍गुप ठिमला सिक्‍यावु दोके युकुप साङ मुयुकिवी, कितुप साङ मुथुपी।

गलाती 5:22

यिने चो पेला दाक्‍पु कोन्‍छ्‍योककी थु चाङ्‍माकी ओङला देकिवे, ती पेला दाक्‍पी मिजीला डेलु गरुप दोके ङ्‍यिङ्‍ज्‍ये ताङ गा ताङ लोदिमु ताङ हम क्‍या देतुप ताङ च्‍यम्‍बा कितुप ताङ मी यम्‍बी थोक्‍ला लाका ल्‍यामु कितुप ताङ लोतेर्मु कितुप ताङ

गलाती 6:8

तुक क्‍यानी ख्‍युरुङ खोरो जुकी थोक्‍ला तिराङ जुकिवी सिसिन ख्‍योरो जु नेसुर मेलोक्‍पा तिराङ ङकिवी, यिने कोन्‍छ्‍योककी थु चाङ्‍माकी थोक्‍ला जुकिवी सिसिन खोकी थु चाङ्‍मा नेसुर नाम्‍साङ मिशिवु मिजीकी थोक्‍ला ङकिवी।