रोमी 8:5 - कोन्छ्‌योककी सुङ

⁵ दिक्‍पाकी ओङला युकुपतिवा ति दिक्‍पी नासाम तोङ्‍गिवी, यिने कोन्‍छ्‍योककी थु चाङ्‍माकी ओङला युकुपतिवा ति थु चाङ्‍माकी नासाम तोङ्‍गिवी।

रोमी 8:5 Iomraidhean Croise

मर्कूस 8:33

यिने येशू छुर ग्‍युर्नी लोमातिवाला ल्‍हानी पत्रुसला वोरु देनिन सिरा “शैतान, ङे चा नेवा ग्‍युक। ख्‍युरुङ कोन्‍छ्‍योक नेमा वुङ्‍गुप नासाम मोतोङ्‍नोक, मी नासाम तिराङ तोङ्‍गिनोक।” सिनी सुङ्‍सुङ।

यूहन्‍ना 3:6

जु नेमा क्‍येवु ति जु यिन, यिने कोन्‍छ्‍योककी थु चाङ्‍मा नेमा क्‍येवु ति थु यिन।

रोमी 8:9

यिने कोन्‍छ्‍योककी थु चाङ्‍मा ख्‍यिरा मिजीला वोसिन ख्‍यिराङ दिक्‍पाकी ओङला देतुप मिन, कोन्‍छ्‍योककी थु चाङ्‍माकी ओङला मिजी क्‍योङ्‍गुप यिन। तुक क्‍यानी सी मुला ख्रीष्‍टकी थु मेवे, ती ति ख्रीष्‍टकी मी मिन।

१ कोरिन्‍थी 15:48

आदमकी गिपा नेमा वावु मीतिवी जु ति आदम दोके राङ डिवी। येशू ख्रीष्‍टला तेपा क्‍यानी देवाच्‍येनला डोप मीतिवी जु ति येशू ख्रीष्‍ट दोके राङ डिवी।

१ कोरिन्‍थी 2:14

खोकी थु चाङ्‍मा मेतुप मी तीकी खोकी थु चाङ्‍मा नेसुर वुङ्‍गुप ताम्‍ङेतिवा सेमला मलङ्‍गिवी। च्‍यिलासिसिन तिवी तुका ताम्‍ङेतिवाला तेन्‍दोक मेतुप यिन सिनी सिवी। तमा तिवी हाक साङ मोकोवी। तुका ताम्‍ङेतिवा खोकी थु चाङ्‍मा नेमा तिराङ हाक्‍को थुप्‍किवी।

२ कोरिन्थी 10:3

ङ्‍यिराङ दी जम्‍बुलिङला देकिवी, यिने जम्‍बुलिङकी मीतिवी दोके खोरो तेन्‍दोकला लङ्‍गुप मीतिवी मुला थमु मग्‍यकिवी।

गलाती 5:17

च्‍यिलासिसिन दाक्‍पी जुकी दुक्‍टा वोतुप नासाम ति कोन्‍छ्‍योककी थु चाङ्‍माकी मुला मिडिकिवी। तुक राङ क्‍यानी थु चाङ्‍माकी नासाम साङ जुकी दुक्‍टा वोतुप नासाम ताङ मुला मिडिकिवी। तिवा ङ्‍यिवु ति ड दोके यिन। तुक क्‍यानी ख्‍यिरा काङ लाका कितुप नो क्‍या वे, ती ति कि मुथुपी।

एफिसी 5:9

ती ख्‍यिरा ठछ्‍येलीकी लाकातिवा ति ल्‍यामु वोतुप ताङ टेङ्‍बु ताङ काङ साङ जिनोक मेतुप यिन।

२ पत्रुस 2:10

खक्‍छ्‍येवुला शम्‍डेन कितुप नासाम ताङ्‍नी मेटेङ्‍बु कितुप ताङ खोकी ओङ्‍ज्‍येनला मारे तोङ्‍गुपतिवाला खोकी ठिम क्‍या नङ्‍गिवी। तिवा ङ राङ यिन सिनी काङ साङ ज्‍यिवा माक्‍यानी मेलोवा किवी, तमा मोवा वोतुप ओङ्‍ज्‍येनतिवाला साङ ज्‍यिवा माक्‍यानी मारे तोङ्‍गिवी।