रोमी 8:21 - कोन्छ्‌योककी सुङ

²¹ ती रेवा ति खोकी ज्‍ये नङ्‍गुपतिवा तेरी ना डोप ने र्‍होक्‍नी तिवा खोकी पेजातिवाला नङ्‍गुप मोवा वोतुप रङ्‍ज्‍येन थोपुप रेवा यिन।

रोमी 8:21 Iomraidhean Croise

लोमा छ्‍येतिवी लाका 3:21

ती येशू ति कोन्‍छ्‍योककी तोङ्‍ला नेज्‍युनी पेतुप खोरे लुङ्‍तेम्‍बा टेङ्‍बुतिवी ख नेमा सुङ्‍गुप तेरी च्‍यालकतिवा सम्‍बा जोप तुजे माङुवा सेक्‍ला देवाच्‍येनला राङ ज्‍यु गोकिवी।

रोमी 8:19

कोन्‍छ्‍योककी ज्‍ये नङ्‍गुपतिवा तेरीकी खोकी पेजातिवा वुङ्‍गुप ति ल्‍हापला छासे रेवा क्‍यानी गुनी देन वे।

रोमी 8:30

सु सुला खोकी गोमाला के पेन नङ वे, पेन नङ्‍गुपतिवाला खोकी कताङ नाङ्‍सुङ। तमा कतङ्‍गुपतिवाला खोकी थोङ्‍दाङला टेङ्‍बु जो नाङ्‍सुङ। तमा टेङ्‍बु जो नङ्‍गुपतिवाला खोकी मोवा साङ नाङ्‍सुङ।

१ कोरिन्‍थी 15:42

शेपतिवा सेन्‍बु लङ्‍गुप साङ तुकै राङ यिन। मुक्‍तुम ग्‍यकुप पेला रुलुपला मुक्‍तुम ग्‍यकिवी, यिने सेन्‍बु लङ्‍गुप पेला नाम्‍साङ मुरुलुपला सेन्‍बु लङ्‍गिवी।

हिब्रू 12:27

“येलुङ थेङ्‍मा च्‍यिक” सिक्‍यावु सुङगी तेन्‍दोक ति दी यिन, कोन्‍छ्‍योककी ज्‍येवु च्‍यालकतिवा योक थुपुप ताङ दोक थुप्‍किवी। तुक क्‍यासिन योक मुथुपुप च्‍यालकतिवा तिराङ लुकिवी।

२ पत्रुस 3:13

यिने दाक्‍पु याङ खोकी थाक्‍छ्‍येन नङ्‍गुप दोके देवाच्‍येन सम्‍बा ताङ जम्‍बुलिङ सम्‍बाकी थोक्‍ला लाम ल्‍हयी वे। ते कोन्‍छ्‍योककी थोङ्‍दाङला टेङ्‍बु वोतुपतिवा तिराङ दे थुप्‍किवी।

ज्‍यल्‍का 21:1

तमा ङे देवाच्‍येन सम्‍बा ताङ जम्‍बुलिङ सम्‍बा थोङ्‍सुङ। ते थल्‍माकी देवाच्‍येन ताङ जम्‍बुलिङ ति तेरी तोर्नी गाल्‍नोक, ग्‍येम्‍छो साङ मोथोङ्‍नोक।