रोमी 8:16 - कोन्छ्‌योककी सुङ

¹⁶ तमा कोन्‍छ्‍योककी थु चाङ्‍माकी दाक्‍पी सेम ताङ मुला राङ दाक्‍पु ति कोन्‍छ्‍योककी पेजातिवा यिन सिरुप ति पङ्‍बु नङ्‍गिवी।

रोमी 8:16 Iomraidhean Croise

मत्ती 5:9

मोलाम थोपुप यिनो, क्‍येङ्‍सु गलुपतिवी पर्ला थिन ज्‍यितुपतिवा, च्‍यिलासिसिन कोन्‍छ्‍योककी तिवाला खोकी पेजा सिनी सुङ्‍गितो।

लूका 20:36

यिने तिवा देवाच्‍येनकी लेन क्‍योलुप थुतिवा दोके च्‍युङ्‍नी येलुङ नाम्‍साङ मिसिवी। तिवा शेप ने सेन्‍बु लावु तप्‍की कोन्‍छ्‍योककी पेजातिवा यिन।

यूहन्‍ना 1:12

यिने सु सुकी खोला खोरो सेमला लानी खोला तेपा क्‍यावे, खोकी तिवाला कोन्‍छ्‍योककी पुज्‍युङपुम च्‍युङ्‍गुप ओङ्‍ज्‍येन नाङ्‍सुङ।

लोमा छ्‍येतिवी लाका 5:32

दीकी कोर्ला ङ्‍यिराङ तेरी पङ्‍बु वे। तमा कोन्‍छ्‍योककी सुङला युकुपतिवाला खोकी नङ्‍गुप थु चाङ्‍मा साङ दीकी कोर्ला पङ्‍बु वे।”

रोमी 8:14

च्‍यिलासिसिन सु कोन्‍छ्‍योककी थु चाङ्‍माकी सिक्‍यावु दोके मिजी क्‍योङ्‍गिवे, तिवा तेरी कोन्‍छ्‍योककी पेजातिवा यिन।

रोमी 8:19

कोन्‍छ्‍योककी ज्‍ये नङ्‍गुपतिवा तेरीकी खोकी पेजातिवा वुङ्‍गुप ति ल्‍हापला छासे रेवा क्‍यानी गुनी देन वे।

रोमी 8:23

तिवा तिराङ मिन, खोकी थु चाङ्‍मा नेसुर गोमाला गरुप डेलु यिन्दुप दाक्‍पु साङ खोकी पेजातिवा च्‍युङ्‍गुपला ताङ खोकी दाक्‍पी मिजी ति तेरी थर्वा नङ्‍शी सिनी दुक्‍पा वोसिनाङ रेवा क्‍यानी गुनी देन वे।

रोमी 8:26

तुक राङ क्‍यानी कोन्‍छ्‍योककी थु चाङ्‍माकी साङ दाक्‍पु काङ साङ कि मुथुपुप पेला दाक्‍पुला दाल्‍जा क्‍या नङ्‍गिवी, च्‍यिलासिसिन दाक्‍पी चुक सिनी मोपोर कि गोकिवी दाक्‍पुला हाक्‍मोकोवी, यिने कोन्‍छ्‍योककी थु चाङ्‍माकी राङ दाक्‍पी छापला ङ्‍येन्‍बी सोक ताङ्‍नी मीकी कि मुथुपुप ताम्‍ङेला मोपोर क्‍या नङ्‍गिवी।

रोमी 9:26

“कनी ख्‍यिराङला ‘ङे मीतिवा मिन’ सिनी सिक्‍यावे, ते तिवा ‘ङोसु वोतुप कोन्‍छ्‍योककी पुज्‍युङ पुम यिन’ सिनी सिरिनो।”

रोमी 9:8

तीकी तेन्‍दोक ति अब्राहाम नेसुर च्‍युङ्‍गुपतिवा कोन्‍छ्‍योककी पुज्‍युङ पुम मिन, यिने कोन्‍छ्‍योककी थाक्‍छ्‍येन नङ्‍सिमा क्‍येवुतिवा तिराङ अब्राहामकी गिपा यिन।

२ कोरिन्थी 1:12

ङ्‍यिराङ दी ताम्‍ङेला तेके किवी, तमा ङ सेम टेङ्‍बुकी पङ्बु तेरिन। दी जम्‍बुलिङला देनी क्‍यावु ङ्‍यिरा किताङ नालु ताङ खक्‍छ्‍येवुला ख्‍यिरा मुकी तम्‍जीला ताम्‍ङे जिनोक माजोनी कोन्‍छ्‍योक नेमा वावु टेङ्‍बुला क्‍यावु यिन। ङ्‍यिरा तुक क्‍यावु ति जम्‍बुलिङकी रिक्‍पा नेमा वावु मिन, कोन्‍छ्‍योककी कटिन नेमा वावु यिन।

२ कोरिन्थी 1:22

दाक्‍पुला खोरे ति यिन सिनी त ग्‍यम वे। तमा दाक्‍पुला थाक्‍छ्‍येतुपकी थोक्‍ला दाक्‍पी सेमला खोकी थु चाङ्‍मा नङ्‍नी वे।

२ कोरिन्थी 5:5

दी तेरी दाक्‍पी थोक्‍ला टडिक क्‍या नङ्‍गुप ति कोन्‍छ्‍योक राङ यिन। ती थाक्‍छ्‍येतुपकी थोक्‍ला खोकी दाक्‍पुला थु चाङ्‍मा नङ्‍नी वे।

२ कोरिन्थी 6:18

“तमा ङ ख्‍यिरा पपा यिनो, ख्‍यिराङ ति ङे पुज्‍युङपुमतिवा यिनो। सिनी चोछ्‍ये वोतुप चोवो कोन्‍छ्‍योककी सुङ्‍गिवी।”

गलाती 3:26

तमा ख्रीष्‍ट येशूला तेपा क्‍यावु तप्‍की ख्‍यिराङ तेरी कोन्‍छ्‍योककी पेजातिवा यिन।

गलाती 4:6

दाक्‍पु कोन्‍छ्‍योककी पुज्‍युङ यिन्‍दुप तप्‍की खोकी खोरे सेवुकी थु ति दाक्‍पी सेमला ज्‍याङ नाङ्‍सुङ। तुक क्‍यानी दाक्‍पी खोला “पपा कोन्‍छ्‍योक” सि थुप्‍किवी।

एफिसी 1:13

ती ख्रीष्‍ट नेसुर दाक्‍पु साङ कोन्‍छ्‌योककी सुङ टेङ्‍बु थोनी खोकी थाक्‍छ्‌येन नङ्‍गुप थु चाङ्‍माकी त ग्‍यप्‍नी वे। ती सुङ टेङ्‍बु ति ख्‍यिराङला दिक्‍पा ने थर ज्‍यितुप लेन ल्‍यामु यिन।

एफिसी 4:30

तमा कोन्‍छ्‌योककी थु चाङ्‍माला सेम्‍दुक मालोङ, ती थु चाङ्‍माकी राङ ख्‍यिराङला दिक्‍पा ने थर ज्‍यितुप तुजे मालेपा सेक्‍ला ख्‍यिराङ खोकी ति यिन सिनी त ग्‍यप्‍नी वे।

१ यूहन्‍ना 3:1

ल्‍होसा, कोन्‍छ्‍योककी दाक्‍पुला छासे ङ्‍यिङ्‍ज्‍ये क्‍या नङ वे। तुक क्‍यानी दाक्‍पुला खोकी पुज्‍युङपुम चिवु तप्‍की वुतुङ के तन्‍दा दाक्‍पु खोकी पुज्‍युङपुम यिन। ती तप्‍की जम्‍बुलिङकी मीतिवी दाक्‍पुला ङो मेशेवी। च्‍यिलासिसिन तिवी कोन्‍छ्‍योकला ङो माशे वे।

१ यूहन्‍ना 3:10

ती नेसुर राङ कोन्‍छ्‍योककी गिपा सु यिन, डेकी गिपा सु यिन सिरुप ति हाक्‍कोकिवी। लाका टेङ्‍बु मिकिवुतिवा ताङ खोरो अच्‍युनुपला ङ्‍यिङ्‍ज्‍ये मिकिवुतिवा ति कोन्‍छ्‍योककी पुज्‍युङपुम मिन।

१ यूहन्‍ना 3:2

ङे ङ्‍यिङ्‍ज्‍येवुतिवा, तन्‍दा दाक्‍पु कोन्‍छ्‍योककी पुज्‍युङपुम यिन। दाक्‍पुला ज्‍युक्‍ला काङ ख्‍येल्‍गिवी सिरुप ति तन्‍दा सेक छ्‍या मे, यिने येशू फेवु पेला खो चुकै नोक सिरुप ति दाक्‍पी मिककी राङ थोङ्‍गिवी। तमा दाक्‍पु खो दोके राङ डिवी।

१ यूहन्‍ना 4:13

खोकी दाक्‍पुला थु चाङ्‍मा नङ वे। तुक क्‍यानी खो दाक्‍पी मुला ज्‍यु वे, तमा दाक्‍पु खोकी मुला वे सिरुप ति दाक्‍पी हाक्‍कोकिवी।

१ यूहन्‍ना 5:10

सी कोन्‍छ्‍योककी सेवुला तेपा किवे, तीकी सेमला ति पङ्‍बु ज्‍यकुप गिवी। यिने कोन्‍छ्‍योककी सेवुला तेपा मिकिवु तीकी खोला मेटेङ्‍बु जोवु गिवी। च्‍यिलासिसिन कोन्‍छ्‍योककी खोरे सेवुकी कोर्ला पङ्‍बु नङ्‍गुप ताम्‍ङेला तीकी तेपा मिकिवी।

ज्‍यल्‍का 21:7

सी शैतानकी खला ग्‍येल्‍गिवे, तिवाला ती मोलाम ति तेरी थोप्‍कितो। तमा ङ तिवी कोन्‍छ्‍योक च्‍युङ्‍गितो। तिवा ति ङे पुज्‍युङपुम च्‍युङ्‍गितो।